DISTRICT NEWS | கோவை நகர பஸ் ஸ்டாப்கள் கண்காணிப்பு :மாணவர்கள் மோதல் எதிரொலி | Dinamalar

தமிழ்நாடு

கோவை நகர பஸ் ஸ்டாப்கள் கண்காணிப்பு :மாணவர்கள் மோதல் எதிரொலி

Added : டிச 16, 2012 | கருத்துகள் (1)
Advertisement
கோவை நகர பஸ் ஸ்டாப்கள் கண்காணிப்பு :மாணவர்கள் மோதல் எதிரொலி

கோவை நகர பஸ் ஸ்டாப்களில், மாணவர்கள் மோதல் மற்றும் குற்றச் சம்பவங்களை தடுக்க, போலீசார் கண்காணிப்பு பணியில் ஈடுபட்டுள்ளனர்.கோவை நகரின் முக்கிய பகுதியாக இருப்பது டவுன்ஹால். இப்பகுதியில், அரசு மற்றும் அரசு உதவிபெறும் பள்ளிகள் செயல்படுகின்றன. மேலும், கோவை புறநகர் பகுதிகளில் இருந்து, நகரின் பிற பகுதிகளில் உள்ள பள்ளிகளில் பயிலும் மாணவ, மாணவியரும் தங்கள் ஊர்களுக்கு திரும்ப, பஸ்சுக்காக டவுன்ஹாலுக்குத்தான் வருகின்றனர். தினமும் இந்த பஸ் ஸ்டாப்களில் மாலை 4.00 மணி முதல், மாணவர்கள் கூடுகின்றனர். இவர்கள், தங்களுக்கென்று ஒரு கும்பலை சேர்த்துக் கொள்கின்றனர். இவர்களில் சிலர், கும்பலாக சேர்ந்து கொள்கின்றனர். பஸ்சுக்காக காத்திருக்கும், பள்ளி மாணவியர் மற்றும் பெண்களை கேலி செய்கின்றனர். சில நேரங்களில், மாண வர்களின் கும்பல்களுக்கு இடையே மோதல் ஏற்பட்டு, பழிதீர்க்கும் செயல்களும் அடிக்கடி நடக்கின்றன. கடந்த இருநாட்களுக்குமுன், டவுன்ஹால் மணிக்கூண்டு அருகில், இதே பகுதியில் செயல்படும் ஆண்கள் மேல்நிலைப்பள்ளியை சேர்ந்த 20க்கும் மேற்பட்ட மாணவர் கும்பல், அதே பள்ளியை சேர்ந்த ஒரு மாணவனை தாக்கி, காம்பஸால் குத்திவிட்டு தப்பியோடியது. காயமடைந்த மாணவனை மீட்ட உக்கடம் போலீசார், மருத்துவமனையில் அனுமதித்தனர். விசாரணையில், அந்த மாணவனின் கும்பல், சில நாட்களுக்கு முன் மற்றொரு மாணவனை தாக்கியதால், இச்சம்பவம் நடந்ததும் தெரிந்தது. இதையடுத்து, மறுநாள் போலீசார் மாணவனின் பள்ளிக்கு சென்று விசாரித்தனர். இருதரப்பினரையும் சமாதானம் செய்தனர். இப்பிரச்னையை அடுத்து, கோவை நகர பஸ் ஸ்டாப்களில், மாணவர்கள் மோதல் மற்றும் குற்றச் சம்பவங்களை தடுக்க, போலீசார் கண்காணிப்பு பணியில் ஈடுபட்டுள்ளனர். பிரச்னைக்கு தீர்வு இதுகுறித்து, பெற்றோர்கள் கூறுகையில்,""ஒவ்வொரு பெற்றோரும் தங்கள் குழந்தைகளின் பள்ளி முடியும் நேரம் என்ன, அவர்களுக்கு தங்கள் ஊருக்கு வரும் பஸ்சின் நேரம் என்ன, வீட்டுக்கு எப்போது வந்து சேர்கிறார்கள் என்பதை தெரிந்துகொள்ள வேண்டும். ""தாமதமாக வந்தால், அதற்கான காரணம் கேட்டு கண்டிக்க வேண்டும். பள்ளி நிர்வாகம், பெற்றோர் கூட்டத்தை நடத்தி, மாணவர்களின் நடவடிக்கை குறித்து விவாதிக்க வேண்டும்,'' என்றனர்.

- நமது நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
17-டிச-201206:37:44 IST Report Abuse
Guru மாணவர்களிடம் ஒழுக்கம் குறைத்துவருவதர்க்கு இதுஒரு உதாரணம்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை