district news | 500 ஏக்கர் பரப்பளவில் சாகுபடி செய்யப்பட்ட வாழை, தண்ணீரின்றி கருகும் நிலை| Dinamalar

தமிழ்நாடு

500 ஏக்கர் பரப்பளவில் சாகுபடி செய்யப்பட்ட வாழை, தண்ணீரின்றி கருகும் நிலை

Added : டிச 17, 2012
Advertisement
 
 
Advertisement
 
 
 
Advertisement
 500 ஏக்கர் பரப்பளவில் சாகுபடி செய்யப்பட்ட வாழை, தண்ணீரின்றி கருகும் நிலை

மதுரை:மதுரை சோழவந்தான் கொடிமங்கலம் சுற்றியுள்ள பகுதிகளில் 500 ஏக்கர் பரப்பளவில் சாகுபடி செய்யப்பட்ட வாழை, தண்ணீரின்றி கருகும் நிலையில் உள்ளது.
கொடிமங்கலம் முதல் காமாட்சிபுரம் வரை 300க்கும் மேற்பட்ட சிறு, குறு விவசாயிகள் 500 ஏக்கர் பரப்பளவில் வாழை பயிரிட்டுள்ளனர். 25 ஏக்கருக்கு ஒரு கிணறு என்ற அளவில் தான் தண்ணீர் வசதி இருக்கிறது.
பெரும்பாலான விவசாயிகள், கொடிக்குளம் கண்மாய் தண்ணீரையே நம்பியுள்ளனர். முதன்முதலாக கண்மாயில் தண்ணீர் இல்லாததால், விவசாயம் செய்ய முடியாத நிலைக்கு ஆளாகினர். நெல் விளையும் பூமியாக இருந்தாலும் தண்ணீர் பற்றாக்குறையால், வாழையை பயிரிட்டுள்ளனர். ஆனால் வாழைக்கும் தண்ணீர் இன்றி, விவசாயிகள் வேதனைப்படுகின்றனர்.
குமரேசன்: ஒரு ஏக்கருக்கு தொடர்ந்து 10 மணி நேரம் தண்ணீர் பாய்ச்சினால் தான் நிலம் நனையும். ஆனால் தொடர் மின்வெட்டில் ஒரு ஏக்கருக்கு தண்ணீர் கிடைக்க நான்கு நாட்களாகிறது. ஒரு மணி நேரத்திற்கு தண்ணீர் பெற ரூ.25 வாடகை தருகிறோம்.
சங்கிலி: மின்வெட்டின் போது ஆயில் மோட்டாருக்கு ஒரு மணி நேரம் இயக்க ரூ.50 ரூபாய். இவ்வளவு செலவு செய்தாலும், அடுத்தடுத்த நிலங்களுக்கு வரிசைப் படி தண்ணீர் தருவதால், மறுமுறை பாய்ச்சுவதற்கு இரண்டு வாரங்களாகிறது. எப்பவாவது மழை பெய்தால் கூட, வாழை வளரும் என்ற நம்பிக்கையில், பயிரிட்டுள்ளோம்.
காமராஜ்: பத்து மாதத்தில் வாழை தயாராகும் என்றாலும், காய் வெட்டும் வரை, தொடர்ந்து தண்ணீர் ஊற்றவேண்டும். பத்துமாதம் பாடுபட்டு, கடைசி ரெண்டு மாதம் தண்ணீர் இல்லையென்றால், உழைப்பெல்லாம், முதலீடும் வீணாய் போகும். எப்பவும் கண்மாய் தண்ணிய நம்பி பயிரிடுவோம். இந்த முறை மழை ஏமாத்திருச்சி, என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை