DISTRICT NEWS | நெல்லையில் ஓய்வு பெற்ற அரசு கூடுதல் தலைமை செயலாளருக்கு பாராட்டு விழா| Dinamalar

பொது செய்தி

தமிழ்நாடு

நெல்லையில் ஓய்வு பெற்ற அரசு கூடுதல் தலைமை செயலாளருக்கு பாராட்டு விழா

Added : டிச 17, 2012
Advertisement
 
 
Advertisement
 
 
 
Advertisement

திருநெல்வேலி : நெல்லை மாவட்ட மத்திய, மாநில எஸ்.சி.,எஸ்.டி., அரசு ஊழியர்கள் கூட்டமைப்பு சார்பில் ஓய்வு பெற்ற அரசு கூடுதல் தலைமை செயலாளர் கிறிஸ்துதாஸ் காந்திக்கு பணிநிறைவு பாராட்டு விழா வண்ணார்பேட்டையில் நடந்தது. விழாவிற்கு மத்திய, மாநில எஸ்.சி., எஸ்.டி., அரசு ஊழியர்கள் கூட்டமைப்பு மாவட்ட தலைவர் அம்பேத்கர், செயலாளர்(அரசியல் பிரிவு) பாலசுந்தரம் தலைமை வகித்தனர். மாவட்ட செயலளார் சுவாமிநாதன் வரவேற்றார். மாநில பொருளாளர் சோலைமலை துவக்கவுரை ஆற்றினார். கூட்டமைப்பின் மாநில அமைப்பாளர் கருப்பையா உட்பட பலர் பேசினர். விழாவில் ஓய்வு பெற்ற அரசு கூடுதல் தலைமை செயலாளர் கிறிஸ்துதாஸ் காந்தி ஏற்புரையில் கூறியதாவது; அரசு அலுவலகங்களில் காலியாகவுள்ள எஸ்.சி., எஸ்.டி., பணிடங்களை முழுமையாக நிரப்பப்படவில்லை. இந்த இடங்களை நிரப்ப கோரியும், இட ஒதுக்கீடு முறையை முழுமையாக தொடர்ந்து அமல்படுத்த கோரியும் எஸ்.சி., எஸ்.டி., அரசு ஊழியர்கள் ஒருங்கிணைந்து போராட வேண்டும். பொருளாதாரத்தில் பின் தங்கிய நிலையில் கிராமங்களில் உள்ள தலித் மாணவர்கள் படிப்பை பாதியில் நிறுத்துவது அதிகமாக உள்ளது. இத்தகைய மாணவர்களை எஸ்.சி., எஸ்.டி., அரசு ஊழியர்கள் கண்டறிந்து, அவர்கள் தொடர்ந்து படிக்க பொருளாதார வசதியும், டியூசன் வசதியும் ஏற்படுத்தி கொடுக்க வேண்டும். இதன் மூலம் தலித் சமுதாயம் அனைத்து நிலைகளிலும் மேம்பட வாய்ப்புள்ளது. இவ்வாறு கிறிஸ்துதாஸ் காந்தி பேசினார். கூட்டத்தில் நெல்லை ஆர்.டி.ஓ., பெருமாள், கூட்டுறவு சங்க இணைப்பதிவாளர் தயாளன், மனித உரிமைக்களம் இயக்குநர் பரதன், மத்திய, மாநில எஸ்.சி.,எஸ்.டி., ஊழியர்கள் சங்க நிர்வாகிகள், உட்பட பலர் கலந்து கொண்டனர். மாவட்ட பொருளாளர் சிவகுமார் நன்றி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை