Advertisement
பதிவு செய்த நாள் : டிசம்பர் 18,2012,01:06 IST
கருத்துகள் (6)  கருத்தை பதிவு செய்ய
எழுத்தின் அளவு:

மத்திய அரசால் வழங்கப்படும், "ஆதார்' அட்டையை, அடையாள ஆவணமாக, அரசுத்துறைகள் ஏற்க மறுப்பதால், இந்த அட்டையை பெறுவதற்கு, மக்கள் விரும்பாத நிலை ஏற்பட்டுள்ளது.நாடு முழுவதும், பொதுவான, அடையாள ஆவணத்தை உருவாக்கும் வகையில், ஆதார் அட்டை வழங்குவதற்கு, மத்திய அரசு நடவடிக்கை எடுத்து வருகிறது.
தற்போது, தினமும், 2 லட்சம் பேருக்கு, ஆதார் அட்டை வழங்கப்படுவதாக கணக்கிடப்பட்டுள்ளது. இதனை தினமும், 4 லட்சம் பேர் என்ற அளவுக்கு, உயர்த்த வேண்டுமென்று, மத்திய அரசு உத்தரவிட்டுள்ளது.மானியத்தை, அந்தந்த பயனாளிகளுக்கு, நேரடியாக வழங்கும் மத்திய அரசு திட்டத்தை செம்மையாக நிறைவேற்ற ஆதார் அட்டை மிகவும் அவசியமென்ற சூழலும், உருவாகி வருகிறது.எதிர்காலத்தில், இந்த அட்டையின் அடிப்படையில், அரசின் பல வாய்ப்புகள் வழங்கப்படும்; என்ற எதிர்பார்ப்பில், பொது மக்கள், இதனை பெறுவதற்கு, மிகுந்த கஷ்டங்களை அனுபவித்துள்ளனர்.ஆனால், இந்த அட்டையை அடையாள ஆவணமாக அரசுத்துறைகள் ஏற்றுக் கொள்ள மறுப்பதால், இந்த அட்டை வழங்கும் திட்டத்தின் எதிர்காலமே கேள்விக்குறியாக மாறியுள்ளது.இதைப் பெறுவதற்கான ஈடுபாடும், மக்களிடம் வெகுவாகக் குறைந்து வருகிறது.

உதாரணமாக, பாஸ்போர்ட் விண்ணப்பிப்பதற்கான, ஆதார ஆவணங்களில் ஆதார் அட்டைக்கு இடமில்லை. ரேஷன் கார்டு, வங்கிக் கணக்கு, நோட்டரி வக்கீல் சான்று, எல்.பி.ஜி., காஸ் இணைப்பு, போன்றவற்றை ஏற்கும் பாஸ்போர்ட் அலுவலகம், இதனை மட்டும் ஆவணமாக ஏற்பதில்லை.அதேபோல, தபால் அலுவலகங்களில் தபால்காரரால் நேரடியாக முகவரி விசாரிக்கப்பட்டு, சம்மந்தப்பட்டவரின் போட்டோ ஒட்டப்பட்டு, கையெழுத்து பெறப்பட்டு, தபால்துறையால் தரப்படும் "அடையாள அட்டை'யும் ஏற்கப்படுவதில்லை.பாஸ்போர்ட் அலுவலகம் மட்டுமின்றி, ஓட்டுநர் உரிமம், வாகனப் பதிவுச் சான்று பெறுவதற்காக வட்டார போக்குவரத்து அலுவலகங்களுக்கு சென்றாலும், அங்கேயும் இதற்கு மதிப்பில்லை. இதை ஏற்கமறுப்பதற்கு, இந்த துறை அதிகாரிகள் சொல்லும் காரணம் ஏற்கத்தக்கதாகவே உள்ளது.பாஸ்போர்ட் மற்றும் மத்திய மோட்டார் வாகனச் சட்டங்களில் உரிய திருத்தங்களை மேற்கொண்டு, ஆதார ஆவணங்களின் பட்டியலில் ஆதார் அட்டை, தபால் துறை அடையாள அட்டை ஆகியவற்றையும் சேர்த்தால் மட்டுமே, இதனை, ஏற்க முடியும், என்பதே அவர்கள் சொல்லும் காரணம்.

Advertisement

இதில், பெரிய முரண்பாடு என்னவென்றால், இந்த ஆதார் அட்டையை, தேசிய மயமாக்கப்பட்ட வங்கிகள், ரயில்வே, எல்.பி.ஜி., நிறுவனங்கள் மற்றும் தனியார் தொலைத்தொடர்பு நிறுவனங்கள் அனைத்தும் ஆதார ஆவணமாக ஏற்றுக் கொள்கின்றன; என்பதுதான்.ஆதார் அட்டை வழங்கும் திட்டத்தை வெற்றிகரமாக செயல்படுத்த வேண்டுமெனில், இதன் மீதான மக்களின் நம்பிக்கையை அதிகப்படுத்துவது அவசியம். அதற்கேற்ப, அரசுத்துறைகள், ஏற்கும் வகையில், உரிய சட்டத்திருத்தங்களை மேற்கொள்ள வேண்டுமென்று, மத்திய அரசுக்கு, கோயம்புத்தூர்<, "கன்ஸ்யூமர் காஸ்<<<<' அமைப்பு வலியுறுத்தியுள்ளது.பிரதமருக்கு, இவ்வமைப்பு செயலர் ,கதிர்மதியோன் எழுதியுள்ள கடிதத்தில், அடையாள அட்டை வழங்கும் திட்டத்தின் வெற்றி, அதனைஅரசுத்துறைகள் ஏற்பதில்தான் உள்ளது.இதற்கேற்ற வகையில், சட்டத்திருத்தம் கொண்டு வந்து, புதிய விதிகளை வகுக்க வேண்டும்; பாஸ்போர்ட், ஆர்.டி.ஓ., ஆபீஸ்களில், இதனை ஏற்கும் வகையில்,உரிய உத்தரவுகளைப் பிறப்பிக்க வேண்டும்; என, கோரியுள்ளார்.பல ஆயிரம் கோடி ரூபாய் செலவழித்து, நாட்டு மக்களுக்கு பொதுவான அடையாள ஆவணத்தைத் தர முடிவு செய்த மத்திய அரசு, இதனையும் ஆதார ஆவணமாகச் சேர்ப்பதற்கு உரிய நடவடிக்கைகளை, முன் கூட்டியே எடுத்திருக்க வேண்டும். அதைச் செய்யாததால், மத்திய அரசு தரும் ஓர் ஆவணத்தையே மத்திய, மாநில அரசுத்துறைகள் ஏற்க மறுக்கும் அவலம் அரங்கேறிக் கொண்டிருக்கிறது. இதுபற்றி மக்கள் பிரதிநிதிகள் உடனடியாக குரல் எழுப்ப வேண்டியது அவர்களின் கடமை.-நமது நிருபர்-




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raj - Chennai,இந்தியா
19-டிச-201209:16:20 IST Report Abuse
Raj சம்பந்த பட்ட பல அதிகாரிகளுக்கு ஆதார் அட்டை பற்றி தெரியவே இல்லை மத்திய அரசு வழக்கம் போல் மௌனம் சாதித்தால் இந்த திட்டம் தோல்வி அடைந்துவிடும்.
Rate this:
0 members
0 members
1 members
Share this comment
Cancel
Pugazh V - Coimbatore / Cochin,இந்தியா
18-டிச-201222:00:25 IST Report Abuse
Pugazh V எனது ஆதார் அட்டையில் இருக்கும் என் படத்தைப் பார்த்தால் எனக்கே என்னை அடையாளம் தெரியவில்லை. அந்த அழகில் படம் எடுத்திருக்கிறார்கள். நாமள்லாம் ஏற்கனவே நல்ல கலர். வெய்யிலில் கியூவில் நின்று வேர்த்து கொட்டி புகைப்படம் எடுத்து அதை சின்னதாக்கி ஆதார் அட்டையில் பதிப்பித்ததில் முகமே மாறிப் போச்சு. இனி இதுக்கு ஒரு மதிப்பும் இல்லை என்று வேறு சொல்கிறார்களா? . அடப் பாவமே, இந்த கார்டுக்காக ஒரு நாள் லீவ் போட்டது வேஸ்ட்
Rate this:
0 members
0 members
4 members
Share this comment
Cancel
K.A.Narayanan - Bangalore,இந்தியா
18-டிச-201216:35:48 IST Report Abuse
K.A.Narayanan I hold Adhaar card and Postal address ID but these are not accepted by Private Banks as well as Passport department or for that matter, these cards not recoganised by very many government departments. Recently I had been to U.S. I visited a place where I was supposed to show my Passport. But I forgot to take the PP on that day. But luckily I had my postal ID card.with me. And the officials there accepted it and permitted me to att that programme. The Govt.should s a clear circular/orders to all public and private sectors in this regard and ensure that Adhaar card/Postal IDs are recoganised and accepted. Otherwise there is no meaning in taking all pains by public to get these cards which on date are of no use.
Rate this:
0 members
0 members
0 members
Share this comment
Cancel
K.Sugavanam - Sengkang,Singapore,இந்தியா
18-டிச-201213:57:13 IST Report Abuse
K.Sugavanam இதுக்கு செலவான அம்பதாயிரம் கோடிக்கு யார் பொறுப்பு?
Rate this:
0 members
0 members
4 members
Share this comment
Cancel
Hari Doss - Pollachi,இந்தியா
18-டிச-201212:32:46 IST Report Abuse
Hari Doss மத்திய அரசுக்கு இப்போது எதைக் கொடுத்தால் ஒட்டு கிடைக்கும் என்று யோசிப்பதற்கே நேரம் போதவில்லை இப்போதோ இதை யார் கவனிப்பது? போங்க போங்க வேறு வேலை ஏதாவது இருந்தால் கவனியுங்கள்.
Rate this:
1 members
0 members
4 members
Share this comment
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
18-டிச-201210:51:18 IST Report Abuse
மதுரை விருமாண்டி இதனை ஏற்றுக் கொண்டால் அப்புறம் லஞ்சம் வாங்குவது எப்படி என்று யோசிக்கிறார்கள்..
Rate this:
0 members
0 members
12 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.