Youth Human Rights Commission president vilakakocci running in the nude | மனித உரிமை கமிஷன் தலைவர் பதவி விலககொச்சியில் நிர்வாணமாக ஓடிய வாலிபர்| Dinamalar

மனித உரிமை கமிஷன் தலைவர் பதவி விலககொச்சியில் நிர்வாணமாக ஓடிய வாலிபர்

Updated : டிச 19, 2012 | Added : டிச 18, 2012
Advertisement
 
 
Advertisement
 
 
 
Advertisement
மனித உரிமை கமிஷன் தலைவர் பதவி விலககொச்சியில் நிர்வாணமாக ஓடிய வாலிபர்

கொச்சி;தேசிய மனித உரிமைகள் கமிஷன் தலைவரும், சுப்ரீம் கோர்ட் முன்னாள் தலைமை நீதிபதியுமான, கே.ஜி.பாலகிருஷ்ணன் பதவி விலகக் கோரி, கொச்சியில், பரபரப்பு மிகுந்த சாலையில், வாலிபர் நிர்வாணமாக ஓடியது பலரையும் அதிர்ச்சி அடைய வைத்தது.கேரளாவின் வர்த்தக நகரமான, கொச்சியில், நேற்று முன்தினம் மாலை, 4:00 மணியளவில், மகாராஜாஸ் கல்லூரி அருகேயிருந்து, வாலிபர் ஒருவர், முழு நிர்வாணமாக ஓடத் துவங்கினார்.
முகத்தை மட்டும் துணியால் மூடியிருந்த அவர், "ஊழல் குற்றச்சாட்டுக்கு ஆளான, தேசிய மனித உரிமைகள் கமிஷன் தலைவர், கே.ஜி.பாலகிருஷ்ணன் பதவி விலக வேண்டும்' என்ற, வாசகங்கள் அடங்கிய அட்டையை கையில் பிடித்திருந்தார். வாசகங்களின் கீழ், 'எர்ணாகுளம் சட்ட கல்லூரி' என, எழுதப்பட்டிருந்தது. கொச்சி நகரில், எப்போதும் பரபரப்பாக காணப்படும், மகாத்மா காந்தி சாலையில், வாலிபர் ஒருவர் நிர்வாணமாக ஓடுவதை பார்த்து, அவ்வழியே வாகனங்களில் சென்றவர்களும், நடந்தும் சென்றவர்களும் அதிர்ச்சி அடைந்தனர்.


அவர் நிர்வாணமாக ஓடியதை, பணியில் இருந்த போக்குவரத்து போலீசார் கண்டு கொள்ளவில்லை. சிறிது தூரம் நிர்வாணமாக ஓடிய அந்த வாலிபர், முல்லசேரி கனால் சாலை அருகே நின்றிருந்த, அவரது நண்பர்கள் வைத்திருந்த ஆடைகளை அணிந்து, நம்பர் பிளேட் இல்லாத, இரு சக்கர வாகனத்தில் ஏறி பறந்தார்.நண்பர்களின் உதவியோடு தான், அந்த வாலிபர் நிர்வாண ஓட்டம் நடத்தியுள்ளார்.கொச்சியில், இதுபோன்ற நிர்வாண ஓட்டம் நடப்பது, இது இரண்டாவது முறை. ஏற்கனவே, 36 ஆண்டுகளுக்கு முன், அப்போது நகரின் பரபரப்பு மிகுந்த சாலையான, பிராட்வே பகுதியில், எர்ணாகுளம் சட்டக் கல்லூரி மாணவர், அஷரப் என்பவர் தலைமையில், நான்கு மாணவர்கள், நிர்வாண ஓட்டம் நடத்தினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை