Advertisement
பதிவு செய்த நாள் : டிசம்பர் 19,2012,00:04 IST
கருத்துகள் (13)  கருத்தை பதிவு செய்ய
எழுத்தின் அளவு:

தமிழக அரசுத்துறைகளில் பணியாற்றி வரும் அரசு ஊழியர்கள் மற்றும் ஆசிரியர்களில், இந்த ஆண்டு மட்டும், 1.27 லட்சம் பேர் ஓய்வு பெறுகின்றனர். இதில், 52 ஆயிரம் ஆசிரியர்களும் அடங்குவர். இதனால் அரசுத்துறைகளில் காலிப்பணியிடங்களின் எண்ணிக்கை அதிரடியாக அதிகரிக்கிறது.

தமிழகத்தில் மொத்தம், 142 அரசுத் துறைகள் உள்ளன. கடந்த, 1996ம் ஆண்டு, ஜனவரி, 1ம் தேதி எடுக்கப்பட்ட அரசு ஊழியர்களுக்கான கணக்கெடுப்பின்படி, 6 லட்சம் ஆசிரியர்கள், 3 லட்சம் அரசு ஊழியர்கள், 1 லட்சம் சீருடை பணியாளர்கள் மற்றும் 2 லட்சம் ஒப்பந்த அடிப்படையில் பணியாற்றும் தொழிலாளர்கள் என, மொத்தம் 12 லட்சம் அரசு ஊழியர்கள் உள்ளனர் என்று கூறப்பட்டுள்ளது.

2001 முதல் 2005 வரை அதிகரிப்பு:கடந்த, 2001ம் ஆண்டு முதல், 2005ம் ஆண்டு வரை, தமிழகத்தில் வேலை நியமன தடைச்சட்டம் அமலில் இருந்தது. இதனால், தமிழகத்தில் ஐந்து ஆண்டுகளாக, புதிய பணியாளர்கள் நியமனம் செய்யப்படவில்லை. அதேசமயம், அரசுப்பணிகளில் இருந்து, ஓய்வு பெறும் அரசு ஊழியர்களின் எண்ணிக்கை, தொடர்ந்து அதிகரித்தே வந்தது.

இந்திய தலைமை கணக்காய்வு நிறுவனத்தின், தமிழக பிரிவில், பணியாற்றும் அதிகாரி ஒருவர் கூறியதாவது:எங்களது அலுவலகத்தின் சார்பில், ஓய்வு பெறும் அரசு ஊழியர்களுக்கு ஓய்வு ஊதியம் வழங்கும் ஆணை எண் வழங்கப்படும். அதன்படி, தமிழகத்தில் கடந்த, 1993ம் ஆண்டு முதல் 2006ம் ஆண்டு வரை ஆண்டுதோறும், 25 ஆயிரம்

அரசு ஊழியர்கள் ஓய்வு பெற்றனர்.

2011ல் 40 ஆயிரம் பேர் ஓய்வு:இந்த எண்ணிக்கை சற்று அதிகரித்து, 2007ம் ஆண்டு முதல், 2011ம் ஆண்டு வரை, ஆண்டுதோறும், 40 ஆயிரம் பேர் ஓய்வு பெற்றனர். இந்நிலையில், 2012-13ம் நிதியாண்டில் மட்டும், அரசு ஊழியர்கள் மற்றும் ஆசிரியர்கள் என ஒட்டுமொத்தமாக, 1.27 லட்சம் பேர் ஓய்வு பெறுகின்றனர். இதில் 52 ஆயிரம் ஆசிரியர்களும் அடங்குவர்.இவ்வாறு அவர் தெரிவித்தார்.

கடந்த, 1991ம் ஆண்டுக்கு முன்பு வரை, மக்கள் தொகை கணக்கெடுப்பின் அடிப்படையில், அரசுத் துறைகளுக்கு பணியாளர்கள் நியமனம் செய்யப்பட்டனர்.ஒவ்வொரு மாவட்டத்திலும் மக்கள் தொகைக்கு ஏற்ப, அரசின் நலத் திட்டங்கள், சரியான முறையில் சென்றடைய வேண்டுமானால், அதற்கு எந்த அளவுக்கு ஊழியர்கள் தேவை; அந்த ஊழியர்களின் பணிகள் என்னென்ன என்பதுஉள்ளிட்ட, பல விஷயங்கள் ஆய்வு செய்யப்பட்டு, அதற்கேற்ப அரசுத்துறைகளில், புதியதாக ஆட்கள் நியமனம் செய்யப்பட்டனர்.ஆனால், இந்த நடைமுறை, 1991ம் ஆண்டுக்கு பின்னர் பின்பற்றப்படுவதில்லை. ஒவ்வொரு துறைக்கும், தோராயமாகவே ஆட்களை நியமனம் செய்கின்றனர்.

ஊழியர்களுக்கு பணி சுமை:அவர்களின் பணிகளும் வரைமுறைப்படுத்தப்படுவது இல்லை. இதனால் அரசு ஊழியர்களுக்கு கூடுதல் பணிச்சுமையும், பொதுமக்களுக்கு அலைச்சலும் ஏற்படுகிறது.மத்திய அரசின், 13 வது நிதி ஆணைக்குழு, தமிழக அரசுக்கு சில பரிந்துரைகளை,

Advertisement

2011ம் ஆண்டு அக்டோபர் மாதம் வழங்கியது. அதில், "தமிழகம் வளர்ந்த மாநிலமாக உள்ளது. எனவே மத்திய அரசின் தொகுப்பில் இருந்து, தமிழகத்துக்கு போதிய அளவில் நிதி வழங்க முடியாது. எனவே தங்களது சொந்த நிதியில் இருந்தே செலவினங்களை தமிழக அரசு கவனித்து கொள்ள வேண்டும்' என தெரிவித்திருந்தது.மேலும், "ஓய்வு பெறும் அரசு ஊழியர் பணியிடங்களுக்கு, ஒப்பந்த அடிப்படையில் புதியதாக ஆட்களை நியமனம் செய்யலாம். இதனால் அரசுக்கும் செலவினங்கள் குறையும்' என்றும் அதில் கூறப்பட்டுள்ளது.
இது குறித்து, அகில இந்திய மாநில அரசு ஊழியர் சம்மேளனத்தின் தலைமை நிலைய செயலர் சீனிவாசனிடம் கேட்ட போது, ""நிதி நிலையை காரணம் காட்டி, அரசுப்பணியிடங்கள் குறைக்கப்பட்டு வருகின்றன. ஆசிரியர் பணியிடங்களை உடனுக்குடன் நிரப்புவதில் கவனம்செலுத்தும் அரசு, மற்ற அர சுத்துறைகளிலும் காலிப்பணியிடங்களை நிரப்ப நடவடிக்கை எடுக்க வேண்டும்,'' என்றார்.

ஓய்வுக்கு பிறகும் உண்டு வேலை:அரசு ஊழியர்கள் ஓய்வு பெற்ற பின்னரும், மீண்டும் அவர்களுக்கே ஒப்பந்த அடிப்படையில், பணிகள் வழங்கப்படுகிறது. கருவூல கணக்கு துறையில் பணியாற்றி வந்த, 300 உதவி கருவூல அலுவலர்கள், சமீபத்தில் ஓய்வு பெற்றனர்.ஆனால், இந்த பணியிடங்களுக்கு புதியதாக ஆட்கள் நியமனம் செய்யப்படவில்லை. மாறாக, ஓய்வு பெற்றவர்களே ஒப்பந்த அடிப்படையில், பணி நியமனம் செய்யப்பட்டுள்ளனர்.இதே போல் புள்ளியல் துறையில், சமீபத்தில் ஓய்வு பெற்ற, 120 பேருக்கு, ஒப்பந்த அடிப்படையில், மீண்டும் பணி வாய்ப்பு வழங்கப்பட்டுள்ளது.இதனால் வேலைவாய்ப்பு அலுவலகங்களில், பதிவு செய்து வைத்து, அரசு வேலைக்காக காத்திருக்கும், 75 லட்சம் பேரின் கனவு கேள்விக்குறியாகி உள்ளது.
-நமது சிறப்பு நிருபர்-




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (13)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raj - Chennai,இந்தியா
20-டிச-201208:22:48 IST Report Abuse
Raj இத படிங்க: ://www.dinamalar.com/News_Detail.asp?Id=609628 ரொம்ப முக்கியம் தமிழக அரசு ,மக்கள் நலனில் எவ்வளவு அக்கறை கொண்டுள்ளது என்று நன்றாகவே தெரிகிறது.
Rate this:
0 members
0 members
2 members
Share this comment
Cancel
Raju Perur Coimbatore - Coimbatore,இந்தியா
19-டிச-201222:15:42 IST Report Abuse
Raju Perur Coimbatore நம் நாட்டை விற்கும் சில செய்கைகள்: 1. அதிக வட்டிக்கு கடன். சும்மா சும்மா கடன், எல்லாத்துக்கும் கடன். கடன் அட்டை. 2. செல் போன். அது பயன்படுவது சிறிது மட்டுமே, அதனால் ஏற்படும் தீமை தான் அதிகம். 3. போதை பொருள். பள்ளிமாணவன் முதல் கிழம் வரை எல்லாரையும் பாடையில் ஏற்றி குடும்பத்தை எதிர்காலத்தை அழிப்பது. இதற்கு சிறுவர்கள், இளைஞர்கள் சீரழிகின்றனர். 4. ஜாதி மதம் இனத்தால் உருவான அரசியல் மற்றும் RESERVATION சிஸ்டம். 5. நல்ல பழக்க வழக்கங்களை மறந்து ஆங்கிலேய பழக்க முறைக்கு அடிமை மற்றும் அதனை பெருமையாக நினைதல்- pizza burger restuarant etc .. 6. சினிமா - அதனால் நன்மை சிறிதே. அதனால் அழிந்தவர்கள் தான் மிகப்பெரிது. மக்களே தயவு செய்து இதை எல்லாம் உங்கள் வாழ்க்கையில் இருந்து மூட்டை கட்டி விடுங்கள். நிம்மதி தானாக வரும்.
Rate this:
0 members
0 members
6 members
Share this comment
Cancel
Raju Perur Coimbatore - Coimbatore,இந்தியா
19-டிச-201222:02:27 IST Report Abuse
Raju Perur Coimbatore கவர்மென்ட் அலுவலை தனியாருக்கு டெண்டர் விட்ருங்க. மேட்டர் ஓவர். எந்த பிரச்சனையும் வராது.
Rate this:
1 members
1 members
1 members
Share this comment
Cancel
jayaram - sharjah,ஐக்கிய அரபு நாடுகள்
19-டிச-201213:44:11 IST Report Abuse
jayaram முறையாக வந்தவர்களே சரியான வேலையே செய்வதில்லை . இதில் ஓய்வுக்கு பிறகு ஒப்பந்த வேலை என்றால் சொல்லவே வேண்டாம் வீட்டில் ஓய்வேடுப்பதிர்க்கு பதில் அலுவலகத்தில் ஓய்வா ?????? ........மிகவும் அருமை வேலன்கும்ம்யா தழிழ்நாடு.
Rate this:
2 members
0 members
3 members
Share this comment
Cancel
Vijayakumar Iyyadurai - THOOTHUKUDI,இந்தியா
19-டிச-201213:35:42 IST Report Abuse
Vijayakumar Iyyadurai அணைத்து அரசு அலுவல்களிலும் லஞ்சம் தலை விரித்து ஆடுகிறது இதை அரசு தடுத்தால் மட்டுமே நாடு முனேறும்
Rate this:
0 members
0 members
3 members
Share this comment
Cancel
Ashok ,India - India,இந்தியா
19-டிச-201212:18:19 IST Report Abuse
Ashok ,India லட்சாதிபதிகள்/கோடிஸ்வரர்கள் பணி ஓய்வு என்று தலைப்பை மாற்றவும்..........அரசு ஊழியர்களின் சொத்து மதிப்பை கணக்கிட்டால் நாட்டின் கடன் பிரச்னை தீர்ந்து விடும்??.
Rate this:
2 members
1 members
3 members
Share this comment
Cancel
unmai - chennai,இந்தியா
19-டிச-201210:06:50 IST Report Abuse
unmai எப்படி ஆனாலும் அங்க வரபோறது யாருன்னு நமக்கு எல்லாத்துக்கும் தெரியும்.. அப்புறம் என்ன.. ???
Rate this:
0 members
0 members
0 members
Share this comment
Cancel
19-டிச-201209:55:41 IST Report Abuse
அறிவாலயம் c / o போயஸ் அரசுத் துறைகளில் முழுமையான கணினி மயமாக்கல் உடனே நிறைவேற்றப்படவேண்டும்.கடைநிலை அலுவலர் வரை அனைவருக்கும் கணினி அறிவைக் கட்டயமாக்கவேண்டும். இதனால் அதிகப்படியாகும் அலுவலர்களுக்கு மாற்றுத் திறன் பயிற்சி அளித்து மற்ற துறைகளில் உள்ள காலியிடங்களில் நிரப்பலாம். பொதுமக்கள் கணினி வழியாகவே சொந்த ஊர்களிளிருந்தே அரசு தொடர்பான விண்ணப்பங்களை சமர்பிக்கவும்,கோப்புகளின் நிலைமையைத் தெரிந்துகொள்ளவும் வழிவகை செய்யப்படவேண்டும்.நேரடியாக அதிகாரிகளை சந்திக்கவேண்டிய அவசியமில்லாமல் ஆக்கபப்டவேண்டும் ஊழலும் மெத்தனமும் குறைய இதுவே சிறந்தவழி.அரசுத் துறை இணையதளங்கள் தினமும் அப்டேட் செய்யப்படவேண்டும் .அதிகப் படியான திறமைக் குறைவான அலுவலர்களால் அரசு இயந்திரம் சீர்கேடுவதை வேறு எப்படித்தான சரிப் படுதுவது? வரிப் பணத்தில் பெரும்பகுதி வளர்ச்சித் திட்டங்களுக்கு பதில் சம்பள பென்ஷன் செலவுகளுக்கே போவது நாட்டை சீரழிக்கும்.ஆளும் கட்சிக்கு வேண்டியவர்களுக்கு அரசு வேலை வாய்ப்புக்களை கொடுக்கவே இந்த வேலைவாய்ப்பு உள்ளது வேலைகளை உருவாக்க உதவி செய்தல்பொதும் .சுயதொழில் முனிவர்களுக்கு தேவையான பயிற்சி உதவிகளை அதிகரித்தாலே போதும்
Rate this:
1 members
0 members
1 members
Share this comment
Cancel
Krish - delhi,இந்தியா
19-டிச-201209:28:38 IST Report Abuse
Krish ஐம்பது ஆண்டு வயதை கடந்த எந்த அரசு ஊழியரும் பெரும்பாலும் வேலையே செய்வதில்லை...அதிக லஞ்சம் கொழிக்கும் இலக்கக்களை தவிர்த்து ..ஆகவே ஐம்பது வயதுக்கு பிறகு பொதுவாக அவர்கள் பெறுவதே பென்சன் தான் ..சம்பளம் இல்லை..
Rate this:
0 members
0 members
3 members
Share this comment
Cancel
Chenduraan - kayalpattanam,இந்தியா
19-டிச-201209:27:28 IST Report Abuse
Chenduraan நல்ல கம்ப்யூட்டர் படித்த இளைஞர் களுக்கு வேலை கொடுங்கள் மாற்றம் வரும்
Rate this:
3 members
0 members
4 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.