Couple commits suicide | மகன் திட்டியதால் விபரீத முடிவு : 90 அடி ஆழ கிணற்றில் குதித்து தம்பதி தற்கொலை| Dinamalar

சம்பவம் செய்தி

தமிழ்நாடு

மகன் திட்டியதால் விபரீத முடிவு : 90 அடி ஆழ கிணற்றில் குதித்து தம்பதி தற்கொலை

Added : டிச 19, 2012 | கருத்துகள் (1)
Advertisement
 
 
Advertisement
 
 
 
Advertisement

கள்ளக்குறிச்சி: கள்ளக்குறிச்சி அருகே மகன் திட்டியதால் மனமுடைந்த வயதான தாய், தந்தை, 90 அடி ஆழ கிணற்றில் குதித்து, தற்கொலை செய்து கொண்டனர். விழுப்புரம் மாவட்டம், கள்ளக்குறிச்சி அடுத்த சிறுவங்கூரை சேர்ந்தவர், வேலாயுதம், 70. இவரது மனைவி மாரிமுத்தம்மாள், 65. இவர்களுக்கு கந்தசாமி,40, என்ற மகனும், நான்கு மகள்களும் உள்ளனர். இவர்கள் அனைவருக்கும், திருமணமாகி விட்டது. குடிப்பழக்கம் உள்ள கந்தசாமி, குடித்து விட்டு வந்து, அவ்வப்போது தாய், தந்தையை திட்டி வந்துள்ளார். சில நாட்களுக்கு முன், அவர்களுக்கு சொந்தமான வயலில் கரும்பு வெட்டிய பணத்தை கேட்டு, கந்தசாமி தகராறு செய்துள்ளார். நேற்று முன்தினம் இரவு, தகராறு ஏற்பட்டு, கடுமையான வார்த்தைகளால் திட்டியுள்ளார். மனவேதனையடைந்த வேலாயுதம், அவர் மனைவி மாரிமுத்தம்மாள், நேற்று அதிகாலை, 4: 30 மணியளவில், தங்கள் வயலில் உள்ள, 90 அடி ஆழ விவசாய கிணற்றில் குதித்து தற்கொலை செய்து கொண்டனர். கிணற்றில் மாரிமுத்தமாளின் உடல் மிதப்பதை, காலை, 7.00 மணிக்கு, அவ்வழியாக சென்றவர்கள் பார்த்துள்ளனர். தகவலறிந்த கள்ளக்குறிச்சி தீயணைப்பு நிலைய அலுவலர், சக்கரவர்த்தி தலைமையிலான குழுவினர், மீட்பு பணியில் ஈடுபட்டனர்.
கிணற்றில், 50 அடிக்கு மேல் தண்ணீர் இருந்ததால், உடலை தேடுவதில் சிரமம் ஏற்பட்டது. ஐந்து நீர் மூழ்கி மோட்டார்கள் மூலம், கிணற்றிலிருந்து தண்ணீர் வெளியேற்றப்பட்டது. அதையடுத்து, தீயணைப்பு வீரர்கள் கிணற்றில் இறங்கி, உடல்களை மீட்டனர். கள்ளக்குறிச்சி சப்-இன்ஸ்பெக்டர் பாலசிங்கம் மற்றும் போலீசார் வழக்கு பதிந்து விசாரித்து வருகின்றனர்.
இச் சம்பவம் கள்ளக்குறிச்சி பகுதியில் பெரும் பரபரப்பை ஏற்படுத்தியது.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
19-டிச-201208:08:09 IST Report Abuse
Guru பாவம்.., ஒழுக்கமற்ற பிள்ளையை பெற்றதால் மனமுடைந்தனரோ
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை