Theatre owners association meeting | "கமல் படத்தை திரையிட மாட்டோம்' : தியேட்டர் உரிமையாளர்கள் எச்சரிக்கை| Dinamalar

சம்பவம் செய்தி

தமிழ்நாடு

"கமல் படத்தை திரையிட மாட்டோம்' : தியேட்டர் உரிமையாளர்கள் எச்சரிக்கை

Added : டிச 19, 2012
Advertisement
 
 
Advertisement
 
 
 
Advertisement

மதுரை: ""படம் வெளியாகும் அன்று, "டி.டி.எச்'ல் வெளியிடப்படும் படம் (கமலின் விஸ்வரூபம்) மற்றும் சேட்டிலைட் சேனலுக்கு உரிமம் கொடுக்கப்படும் படங்களை திரையிட மாட்டோம்,'' என, தியேட்டர் உரிமை யாளர்கள் அறிவித்தனர்.
நடிகர் கமல்ஹாசனின் "விஸ்வரூபம்' படம் வெளியாகும் அன்றே, வீட்டிலிருந்தே "டிவி' யில் பார்க்கும் வகையில், டி.டி.எச்., சேவையில் ஒளிபரப்பப்பட உள்ளது. இதனால், வருவாய் பாதிக்கும் என வினியோகிஸ்தர்கள் எதிர்ப்பு தெரிவித்தனர். "இம்முறையில் கமல் வெளியிடாவிட்டால், மற்றவர்கள் வெளியிடத்தான் போகிறார்கள்' என, சினிமா தயாரிப்பாளர்கள் சிலர் கருத்து தெரிவித்து, சர்ச்சையை மேலும் தூண்டினர்.இந்நிலையில், மதுரையில் நேற்று, சினிமா தியேட்டர் உரிமையாளர்
களின் கூட்டம் நடந்தது. தலைவர் அண்ணாமலை தலைமை வகித்தார். பொதுச் செயலாளர் பன்னீர்செல்வம், பொரு ளாளர் ஹரி மற்றும் மதுரை உட்பட ஆறு மாவட்ட நிர்வாகிகள் பங்கேற்றனர்.

கூட்ட முடிவு குறித்து, தினமலர் நிருபரிடம், அண்ணாமலை கூறியதாவது: படம் வெளியாகும் அன்று, டி.டி.எச்., ல், வெளியிடப்படும் படம் மற்றும் சேட்டிலைட் சேனலுக்கு உரிமம் கொடுக்கப்படும் படத்தை திரையிட மாட்டோம். அது யாருடைய படமாக இருந்தாலும் சரி. ஏற்கனவே, தியேட்டருக்கு வரும் கூட்டம் குறைந்து வருகிறது. இச்சூழலில், டி.டி.எச்., போன்றவற்றில் படங்களை ஒளிபரப்பினால், எங்களுக்கு வருவாய் பாதிக்கும். இதை வினியோகிஸ்தர்களும் ஏற்றுக் கொண்டு உள்ளனர். எங்கள் முடிவு குறித்து, தயாரிப்பாளர்களுக்கும் தெரிவித்து உள்ளோம், என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை