Mettur dam water level down | மேட்டூர் அணை நீர்மட்டம் 38 அடியாக சரிவு : வரும் ஆண்டிலும் குறுவை பாதிக்கும் அபாயம்| Dinamalar

சம்பவம் செய்தி

தமிழ்நாடு

மேட்டூர் அணை நீர்மட்டம் 38 அடியாக சரிவு : வரும் ஆண்டிலும் குறுவை பாதிக்கும் அபாயம்

Added : டிச 19, 2012
Advertisement
 
 
Advertisement
 
 
 
Advertisement

மேட்டூர்: மேட்டூர் அணை நீர்மட்டம், 38 அடியாக சரிந்ததால், வரும் ஆண்டிலும் குறுவை சாகுபடி பாதிக்கும் அபாயம் ஏற்பட்டுள்ளது. மேட்டூர் அணையில் இருந்து ஜூன், 12ம் தேதி பாசனத்துக்கு நீர் திறந்தால், டெல்டா மாவட்டங்களில், 16.5 லட்சம் ஏக்கரில் குறுவை, சம்பா, தாளடி பயிர் சாகுபடி செய்யப்படும். நடப்பாண்டு குறுவைக்கு நீர் திறக்காததால் டெல்டாவில், 3.5 லட்சம் ஏக்கரில் குறுவை சாகுபடி செய்ய முடியவில்லை. இதன் மூலம், 1,500 கோடி ரூபாய் நெல் உற்பத்தி பாதித்தது. மேட்டூர் அணையில் இருந்து செப்டம்பர், 17ம் தேதி நீர் திறந்தால், 10.12 லட்சம் ஏக்கரில், விவசாயிகள் சம்பா சாகுபடி மேற்கொண்டனர். சம்பா சாகுபடிக்காக செப்டம்பர், 17 முதல் ஜனவரி, 28 வரை, 131 நாட்கள் நீர் திறக்க வேண்டும். ஆனால், அணை நீர்மட்டம் குறைந்ததால் கடந்த, 27ம் தேதி டெல்டா பாசன நீர் திறப்பு நிறுத்தப்பட்டது.
உச்சநீதிமன்ற உத்தரவுபடி கர்நாடகா நீர் திறந்ததால் கடந்த, 5ம் தேதி முதல் மேட்டூர் அணையில் இருந்து, மீண்டும் டெல்டா பாசனத்துக்கு நீர் திறக்கப்பட்டது. விநாடிக்கு, 11,500 கனஅடி நீர் வெளியேற்றப்பட்டதால், 5ம் தேதி, 50 அடியாக இருந்த நீர்மட்டம் நேற்று, 38 அடியாக குறைந்தது. அணையில், 11 டி.எம்.சி., நீர் மட்டுமே இருப்பு உள்ளது.
இந்த நீரைக்கொண்டு, இன்னும் ஒரு சில நாட்களே பாசனத்துக்கு திறக்க முடியும் என்பதால், கடைசி கட்டத்தில் தண்ணீர் பற்றாக்குறையால் சம்பா சாகுபடி பாதித்துள்ளது. வரும் ஆண்டு, ஜூன் மாதம் குறுவை சாகுபடிக்கு நீர் திறக்க வேண்டுமானால், மேட்டூர் அணை நீர்மட்டம் குறைந்தபட்சம், 52 டி.எம்.சி.,க்கு மேல் நீர் இருக்க வேண்டும். ஜூன் மாதம் துவங்கும் தென்மேற்கு பருவமழையால் மட்டுமே மேட்டூர் அணை நீர்வரத்து அதிகரிக்கும்.
ஜூன் மாதம் நீர்வரத்து அதிகரித்தாலும் கூட, வறண்டு காணப்படும் மேட்டூர் அணைக்கு, 50 டி.எம்.சி.,நீர் கிடைக்க மேலும் ஒரு மாதமாகும். இதனால், தாமதமாக நீர் திறக்க வேண்டிய நிலை ஏற்படும் என்பதால், வரும் ஆண்டிலும் குறுவை சாகுபடி பாதிக்கும் அபாயம் ஏற்படுட்டுள்ளது. இதனால், டெல்டா விவசாயிகள் சோகத்தில் ஆழ்ந்துள்ளனர்.

மேட்டூர் அணை நீர்மட்டம்

நீர்மட்டம் : 39.540 அடி
நீர் இருப்பு : 11.854 டி.எம்.சி.,
நீர்வரத்து : 1,018 கனஅடி
திறப்பு : 11,500 கனஅடி

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை