Gas taker lorries strike tomorrow onwards? | காஸ் டேங்கர் லாரிகள் நாளை முதல் ஸ்டிரைக்? : 5 மாநிலங்களில் காஸ் தட்டுப்பாடு அபாயம்| Dinamalar

சம்பவம் செய்தி

தமிழ்நாடு

காஸ் டேங்கர் லாரிகள் நாளை முதல் ஸ்டிரைக்? : 5 மாநிலங்களில் காஸ் தட்டுப்பாடு அபாயம்

Updated : டிச 19, 2012 | Added : டிச 19, 2012 | கருத்துகள் (1)
Advertisement
காஸ் டேங்கர் லாரிகள் நாளை முதல் ஸ்டிரைக்? : 5 மாநிலங்களில் காஸ் தட்டுப்பாடு அபாயம்

சேலம்: பாரத் பெட்ரோலியம் காஸ், இண்டியன் ஆயில் கார்ப்பரேஷன் நிறுவனங்கள், காஸ் டேங்கர் லாரிகளுக்கு, நிர்ணயித்த கட்டணத்தை வழங்க மறுத்தால், நாளை (20ம் தேதி) முதல் காலவரையற்ற வேலை நிறுத்த போராட்டத்தில் ஈடுபடப் போவதாக, தென்னக காஸ் லாரி உரிமையாளர்கள் சங்க அவசர செயற்குழு கூட்டத்தில் முடிவெடுக்கப்பட்டது. இந்த ஸ்டிரைக்கால், ஐந்து மாநிலங்களில் காஸ் தட்டுப்பாடு ஏற்படும் அபாயம் உள்ளது.

நாமக்கல்லை தலைமையிடமாக கொண்டு, தென்னக காஸ் டேங்கர் லாரி உரிமையாளர்கள் சங்கம் இயங்கி வருகிறது. எண்ணெய் நிறுவனங்களில் இருந்து காஸ் பாட்டலிங் பிளாண்ட்டுக்கு, 4,000 லாரிகள் இயக்கப்படுகிறது. தமிழகத்தில் சென்னை, கோவை, ஈரோடு, சேலம் உள்ளிட்ட மாவட்டங்களில் உள்ள பாட்டலிங் பிளாண்ட்டுக்கு டேங்கர் லாரிகள் மூலமாக காஸ் கொண்டு செல்லப்படுகிறது.பாரத் பெட்ரோலியம் காஸ், இண்டியன் ஆயில் கார்ப்பரேஷன் ஆகிய எண்ணெய் நிறுவனங்கள், காஸ் டேங்கர் லாரிகளுக்கு, நிர்ணயித்த கட்டணத்தை விட, குறைவாக வழங்கி வருகின்றன. இந்நிலையில், நேற்று இரவு, தென்னக காஸ் டேங்கர் லாரி உரிமையாளர்கள் சங்கத்தின் அவசர செயற்குழு கூட்டம் தலைவர் பொன்னம்பலம் தலைமையில் நடைபெற்றது. செயலர் கார்த்திக் முன்னிலை வகித்தார்.

தமிழகம், கேரளா, கர்நாடகா, ஆந்திரா மற்றும் புதுச்சேரி ஆகிய மாநிலங்களில் உள்ள பாரத் பெட்ரோலியம் காஸ், இண்டியன் ஆயில் கார்ப்பரேஷன் நிறுவனங்களில் இருந்து, காஸ் நிரப்பும் டேங்கர் லாரிகளுக்கு, நிர்ணயம் செய்த வாடகையை வழங்க மறுத்து வருகின்றன. நிர்ணயம் செய்த வாடகையை வழங்க வலியுறுத்தி, டில்லியில், எண்ணெய் நிறுவன அதிகாரிகளுடன் லாரி உரிமையாளர்கள் இன்று பேச்சு நடத்துகின்றனர். இதில், சுமூக முடிவு ஏற்படாவிட்டால், நாளை (20ம் தேதி) முதல், காலவரையற்ற வேலை நிறுத்த போராட்டத்தில் ஈடுபடுவது, என்று தென்னக காஸ் லாரி உரிமையாளர்கள் சங்க கூட்டத்தில் முடிவு எடுக்கப்பட்டது. காஸ் டேங்கர் லாரிகள் ஸ்டிரைக்கில் ஈடுபட்டால், ஐந்து மாநிலங்களில் காஸ் தட்டுப்பாடு ஏற்படும் அபாயம் உள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
19-டிச-201205:35:51 IST Report Abuse
Guru இதனால் பாதிக்க படபோவது பொதுமக்கள்தான்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை