DISTRICT NEWS | பனிப்பொழிவால் விளைச்சல் பாதிப்பு "பீடா' வெற்றிலை விலை திடீர் உயர்வு| Dinamalar

தமிழ்நாடு

பனிப்பொழிவால் விளைச்சல் பாதிப்பு "பீடா' வெற்றிலை விலை திடீர் உயர்வு

Added : டிச 19, 2012
Advertisement
 
 
Advertisement
 
 
Advertisement

லாலாப்பேட்டை: பனிப்பொழிவு காரணமாக கிருஷ்ணராயபுரம் பகுதியில் சாகுபடி செய்யப்பட்டுள்ள "பீடா' தயாரிக்க பயன்படும் வெள்ளைக்கொடி வெற்றிலை உற்பத்தி பாதிக்கப்பட்டுள்ளதால், விலை உயர்ந்துள்ளது.
கிருஷ்ணராயபுரம் தாலுகாவுக்குட்பட்ட லாலாப்பேட்டை, கிருஷ்ணராயபுரம், மகாதானபுரம், மகிளிப்பட்டி, வல்லம், பிள்ளப்பாளையம், கருப்பத்தூர் ஆகிய பகுதிகளில், 500க்கும் மேற்பட்ட ஏக்கர் பரப்பளவில் வெற்றிலை பயிர் சாகுபடி செய்யப்பட்டுள்ளது.
கற்பூரம், வெள்ளைகொடி ஆகிய இரண்டு ரக வெற்றிலை அதிகமாக பயிரிடப்பட்டுள்ளது. கடந்த சில நாட்களாக பெய்து வரும் கடும் பனிப்பொழிவு காரணமாக, வெற்றிலை விளைச்சல் கடுமையாக பாதிக்கப்பட்டுள்ளது. குறிப்பாக வெள்ளைக்கொடி வெற்றிலை விளைச்சல் மோசமாக உள்ளது.
இந்த ரக வெற்றிலை தான் அதிகளவு பீடா ஸ்டால்களில் பயன்படுத்தப்படுகிறது. வெள்ளைக்கொடி வெற்றிலை விலை தற்போது உயர்ந்துள்ளது.
100 கவுளி கொண்ட ஒரு மூட்டை, 2,100 ரூபாய் முதல், 2,700 ரூபாய் வரையிலும், கற்பூர ரகம், 3,000 ரூபாய் வரை விலை உயர்ந்துள்ளது. கடந்த மாதம், 500 ரூபாய் முதல், 1,000 ரூபாய் வரை, விலை இருந்த வெள்ளைக்கொடி, திடீரென, 3,000 ரூபாய் வரை விலை உயர்ந்துள்ளது குறிப்பிடத்தக்கது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை