Advertisement
தினமலர் முதல் பக்கம் » அரசியல் செய்தி »இந்தியா
பதிவு செய்த நாள் : டிசம்பர் 20,2012,23:27 IST
குஜராத்தில் 4வது முறையாக முதல்வராகிறார்மோடி சட்டசபை தேர்தலில் பா.ஜ., அமோக வெற்றி இலவச வாக்குறுதி இல்லாமல் சாதித்தார்
குஜராத் சட்டசபை தேர்தலில், பா.ஜ., அமோக வெற்றி பெற்றுள்ளது; நான்காவது முறையாக முதல்வராகிறார், நரேந்திர மோடி. "இலவசமாக, அந்தப் பொருள் தருகிறோம்; இந்தப் பொருள் தருகிறோம்' என்ற, வாக்குறுதிகளை அள்ளி வீசாமல், தன், 10 ஆண்டு கால ஆட்சியில், பா.ஜ., அரசு மேற்கொண்ட வளர்ச்சிப் பணிகளையே மையமாக வைத்து பிரசாரம் செய்து, வெற்றிக் கொடி நாட்டியுள்ளார்.
குஜராத் சட்டசபைக்கு, இம்மாதம், 13 மற்றும் 17ம் தேதிகளில் இரு கட்டமாக தேர்தல் நடந்தது. இந்தத் தேர்தலில், முதல்வர் நரேந்திர மோடி தலைமையிலான, ஆளும் பா.ஜ., கட்சிக்கும், காங்கிரஸ் கட்சிக்கும் இடையே நேரடி போட்டி நிலவியது.
அறுதி பெரும்பான்மை:அதேநேரத்தில், மோடியுடன் ஏற்பட்ட கருத்து வேறுபாடு காரணமாக, பா.ஜ., கட்சியிலிருந்து வெளியேறிய, அம்மாநிலத்தின் முதல்வராக, 2001 வரை முதல்வராக இருந்த, கேசுபாய் படேல், "குஜராத் பரிவர்த்தன் கட்சி' என்ற பெயரில், புதிதாக கட்சி துவக்கி, இந்த தேர்தலில் களமிறங்கினார். ஆனாலும், எடுபடவில்லை.இந்தத் தேர்தலில், பதிவான ஓட்டுகள், நேற்று எண்ணப்பட்டன. இதில், மொத்தமுள்ள, 182 தொகுதிகளில், பா.ஜ., 115 இடங்களைப் பிடித்து, அறுதி பெரும்பான்மை பெற்றது. காங்கிரஸ் மற்றும் அதன் கூட்டணி கட்சிகள், 61 இடங்களைப் பிடித்தன. குஜராத் பரிவர்த்தன் கட்சி, 3, சரத் பவாரின் தேசியவாத காங்கிரஸ், 2, ஐக்கிய ஜனதா தளம், 1
குஜராத் சட்டசபை தேர்தலில், பா.ஜ., அமோக வெற்றி பெற்றுள்ளது; நான்காவது முறையாக முதல்வராகிறார், நரேந்திர மோடி. "இலவசமாக, அந்தப் பொருள் தருகிறோம்; இந்தப் பொருள் தருகிறோம்' என்ற, வாக்குறுதிகளை அள்ளி வீசாமல், தன், 10 ஆண்டு கால ஆட்சியில், பா.ஜ., அரசு மேற்கொண்ட வளர்ச்சிப் பணிகளையே மையமாக வைத்து பிரசாரம் செய்து, வெற்றிக் கொடி நாட்டியுள்ளார்.
குஜராத் சட்டசபைக்கு, இம்மாதம், 13 மற்றும் 17ம் தேதிகளில் இரு கட்டமாக தேர்தல் நடந்தது. இந்தத் தேர்தலில், முதல்வர் நரேந்திர மோடி தலைமையிலான, ஆளும் பா.ஜ., கட்சிக்கும், காங்கிரஸ் கட்சிக்கும் இடையே நேரடி போட்டி நிலவியது.
அறுதி பெரும்பான்மை:அதேநேரத்தில், மோடியுடன் ஏற்பட்ட கருத்து வேறுபாடு காரணமாக, பா.ஜ., கட்சியிலிருந்து வெளியேறிய, அம்மாநிலத்தின் முதல்வராக, 2001 வரை முதல்வராக இருந்த, கேசுபாய் படேல், "குஜராத் பரிவர்த்தன் கட்சி' என்ற பெயரில், புதிதாக கட்சி துவக்கி, இந்த தேர்தலில் களமிறங்கினார். ஆனாலும், எடுபடவில்லை.இந்தத் தேர்தலில், பதிவான ஓட்டுகள், நேற்று எண்ணப்பட்டன. இதில், மொத்தமுள்ள, 182 தொகுதிகளில், பா.ஜ., 115 இடங்களைப் பிடித்து, அறுதி பெரும்பான்மை பெற்றது. காங்கிரஸ் மற்றும் அதன் கூட்டணி கட்சிகள், 61 இடங்களைப் பிடித்தன. குஜராத் பரிவர்த்தன் கட்சி, 3, சரத் பவாரின் தேசியவாத காங்கிரஸ், 2, ஐக்கிய ஜனதா தளம், 1
காங்., தலைவர் தோல்வி:மணிநகர் தொகுதியில் போட்டியிட்ட, குஜராத் முதல்வர் நரேந்திர மோடி, தனக்கு எதிராக, காங்கிரஸ் கட்சி சார்பில் நிறுத்தப்பட்ட, "சஸ்பெண்ட்' செய்யப்பட்ட, ஐ.பி.எஸ்., அதிகாரியின் மனைவி, சுவேதா பட்டை விட, 86 ஆயிரத்து, 373 ஓட்டுகள் கூடுதலாக பெற்று வெற்றி பெற்றார்.சுவேதா, 34 ஆயிரத்து, 97 ஓட்டுகள் பெற்றார். 2007ல் இந்தத் தொகுதியில் நடந்த தேர்தலில், மோடி, 87 ஆயிரம் ஓட்டுகள் கூடுதலாக பெற்றிருந்தார்.குஜராத் மாநில காங்கிரஸ் தலைவர் அர்ஜுன் மோத்வாடியா, போர்பந்தர் தொகுதியில், பா.ஜ., வேட்பாளரிடம் தோல்வி அடைந்தார். அதேபோல், சட்டசபை எதிர்க்கட்சி தலைவரான, ஷக்திசின் கோகிலும், பா.ஜ., அமைச்சரால், தோற்கடிக்கப்பட்டார். காங்கிரஸ் கட்சி வெற்றி பெற்றால், இந்த இருவரில் ஒருவர்முதல்வராகலாம் என, எதிர்பார்க்கப்பட்டது.
குஜராத் அரசியலில் மோடி களமிறங்குவதற்கு முன், மாநில முதல்வராகவும், மத்திய அமைச்சராகவும், ஐந்து முறை லோக்சபா எம்.பி.,யாகவும் பதவி வகித்த, மோடியின் தீவிர எதிர்ப்பாளரான, காங்கிரஸ் கட்சியைச் சேர்ந்த, சங்கர்சிங் வகேலா, கபாத்வாஞ்ச் தொகுதியில், குறைவான ஓட்டுகள் வித்தியாசத்தில் வெற்றி பெற்றார்.அதேநேரத்தில், முதல்வர் நரேந்திர மோடிக்கு மிகவும் நெருக்கமானவரும், போலி என்கவுன்டர் எனக் கருதப்படும் வழக்கில் குற்றம் சாட்டப்பட்டு, சிறை சென்றவருமான, குஜராத் முன்னாள் உள்துறை அமைச்சர், அமீத் ஷா, அதிக ஓட்டுகள் வித்தியாசத்தில் வெற்றி பெற்றார்.குஜராத்தில், 2007ல் நடந்த சட்டசபை
Advertisement
தேர்தலில், பா.ஜ., கட்சி, 117 இடங்களைப் பிடித்தது. தற்போது, அதை விட இரண்டு இடங்கள் குறைவாக பெற்றுள்ளது."ஹாட்ரிக்' சாதனை :சட்டசபை தேர்தலில், பா.ஜ., கட்சி வெற்றி பெற்றுள்ளதன் மூலம், தன் தலைமையில் மூன்றாவது முறையாக தேர்தலை சந்தித்து, வெற்றி பெற்று, "ஹாட்ரிக்' சாதனை படைத்துள்ளார் நரேந்திர மோடி. அதேநேரத்தில், நான்காவது முறையாக, முதல்வர் பொறுப்பை ஏற்கவுள்ளார்.
"வரும், 2014ல் நடைபெறவுள்ள லோக்சபா தேர்தலில், பா.ஜ.,வின் பிரதமர் வேட்பாளராக, மோடி முன்னிறுத்தப்பட வேண்டும்' என, ஏற்கனவே கோரிக்கைகள் எழுந்திருந்த நிலையில், குஜராத் தேர்தலில், அவர் பெற்றுள்ள வெற்றி, அந்த கோரிக்கைகளுக்குமேலும் வலு சேர்ப்பதாக அமைந்துள்ளது.
இலவசம் இல்லை:ஆட்சிக்கு வந்தால், "மிக்சி, மின் விசிறி, கிரைண்டர், இலவச வண்ணத் தொலைக்காட்சி, லேப்-டாப் தருகிறோம்' போன்ற வாக்குறுதிகளை, தேர்தல் அறிக்கையில் வெளியிட்டு, தமிழகம் உட்பட, சில மாநிலங்களில் ஆட்சியைப் பிடித்துள்ள கட்சிகளைப் போல அல்லாமல், குஜராத் மாநிலம் எந்த அளவுக்கு முன்னேற்றப் பாதையில் சென்றுள்ளது என்பதை சுட்டிக் காட்டியே, வெற்றிக் கொடி நாட்டியுள்ளார் மோடி.
தேர்தல் வெற்றியை தொடர்ந்து, நிருபர்களிடம் பேசிய முதல்வர் நரேந்திர மோடி கூறியதாவது:நான் ஏதாவது தவறு செய்திருந்தாலோ, என் தற்போதைய ஆட்சிக் காலத்தில், ஏதாவது குறை பாடுகள் இருந்தாலோ, அதற்காக, மக்களிடம் மன்னிப்பு கேட்கிறேன். வரும், 27ம் தேதி டில்லி செல்கிறேன். என்னுடைய நல்லாட்சிக்கும், வளர்ச்சிக்கும் கிடைத்த வெற்றி இது.இவ்வாறு முதல்வர் மோடி கூறினார்.
- நமது சிறப்பு நிருபர் -
மேலும் முதல் பக்க செய்திகள்:
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
(117)
villupuram jeevithan - villupuram,இந்தியா
மோடி எல்லா தேர்தல் கூட்டத்திலும் நானே நிற்பதாக கருதி ஓட்டளியுங்கள் என்று பிரச்சாரம் செய்து வெற்றியும் இப்போது பெற்று விட்டார். அம்மாதிரி ஒவ்வொரு எம்பி தொகுதியிலும் நம்ம கருணா சொன்னால் என்ன நடக்கும்?
Share this comment
sekar - pudukkottai,இந்தியா
இந்த நாட்டிக்கு தலைமை ஏற்க வர வேண்டும் .என்னுடைய வாழ்த்துக்கள்
Share this comment
TN Ravichandran - Delhi,இந்தியா
சிந்துசமவெளி காலத்திற்கு முன்பு இந்தியர்கள் ஆகிய நம் முன்னோர்கள் அனைவரும் - மத்திய ஆசியாவில் இருந்து வந்தவர்கள் தான் ( மத்திய ஆசியா என்பது இப்போ இருக்கும் ஈரான் மற்றும் ஈராக் நாடுகள் தான் )
Share this comment
kalakamaraj - chennai,இந்தியா
வாழ்த்துக்கள் மோடி அய்யா .............
Share this comment
RAJA - chennai,இந்தியா
குஜராத்தில் மக்கள் சிந்தித்து வாக்களிக்கிறார்கள் ,இதே போல் மற்ற மாநிலங்களிலும் நடந்து அனைத்து மாநிலங்களிலும் நல் ஆட்சி அமைந்தால் தான் நாடு உருப்படும் ,
Share this comment
vidhuran - slc,யூ.எஸ்.ஏ
போன தேர்தலை விட இந்தத் தடவை ஒரு சில தொகுதிகளை காங்கிரஸ் -டம் பறிகொடுத்திருக்கிறோம், என்பதை நினைவில் வைத்து, இந்ததடவை மோடி அவர்கள், ஆபாசப் பட ரசிக MLA, மந்திரிகளுக்கு சட்டசபைக்கு வெளியே தனியாக A - Grade அறையொன்றை கட்டிக் கொடுத்து, சட்டசபை கலாச்சாரத்தை காப்பாற்ற வேண்டுகிறோம்.
Share this comment
kalakamaraj - chennai,இந்தியா
அய்யா மோடி அவர்களே, வாழ்க .............தொடர்ந்து உங்கள் பணி நாட்டுக்கு கிடைக்கட்டும் ......வாழ்த்துக்கள்.......
Share this comment
vidhuran - slc,யூ.எஸ்.ஏ
இனிமேலாவது நாசமாப்போன அந்த அமெரிக்காவிற்கு சென்று வர விசா கிடைக்குமா?
Share this comment
vidhuran - slc,யூ.எஸ்.ஏ
மோடி அய்யாவுக்கு வாழ்த்துக்கள். பக்கத்து மாநில பிஜேபி அரசு, சட்டங்களை மதியாமல், தண்ணீர் தரமால், பலகாலமாக தமிழர்களை தவிக்க விடுகிறார்கள் என்பதை மறந்து, இங்குள்ள தமிழ் தியாகிகள் ( வாய்தா ராணி ஜெயா முதல் ) அனைவரும், நாள் தவறாமல், கண் மண் தெரியாமல் உங்களுக்கு ஜிஞ்சா அடித்து வருகிறோம். மின்சாரத்தைக் கண்டுபிடித்த தாங்களுக்கு, பிஜேபி புதல்வரிடம் பேசி தண்ணீர் கொடுக்க வைப்பது பெரிய காரியமில்லை.
Share this comment
abdurahim - dammam ,சவுதி அரேபியா
அன்பு சகோதரர்களே ஆழ்ந்து சிந்தித்து பாருங்கள் ஒரு உண்மை தெரியும். இரண்டு இடங்களில் ஆட்சியில் இருந்த பா.ஜா.க ஆட்சியை தக்க வைக்க நடந்த தேர்தலில் ஒன்றை தக்க வைத்து ( அதிலும் சென்ற முறையை விட இரண்டு இடங்களை இழந்து ) ஒன்றை பறிகொடுத்துள்ளது. இரண்டு இடங்களில் ஆட்சியை பிடிக்க முயற்சித்து ஒன்றில் ஆட்சியை பிடித்துள்ளது. காங்கிரஸ் இத்தனைக்கும் மத்திய காங்கிரஸ் ஆட்சிக்கு கடும் விமர்சனங்கள் இருந்த போதிலும் பா.ஜா.க விடம் இருந்து ஒரு மாநில ஆட்சியை கைப்பற்றி உள்ளது. எனவே இருந்த இரண்டில் ஒன்றை இழந்த பா.ஜா.க வின் வெற்றியா அல்லது ஒரு படி முன்னேறிய காங்கிரஸ் இன் வெற்றியா உங்கள் முடிவுக்கே விட்டு விடுகிறேன்.
Share this comment
உங்கள் கருத்தைப் பதிவு செய்ய :
( OR )Login with
New to Dinamalar ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
இ-புத்தகம் | வர்த்தகம் | வரி விளம்பரங்கள் | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Font Help? | Dinamalar Publications
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us