Mawayati says, she also support BC | பிற்படுத்தப்பட்டோருக்கும் ஆதரவாம்: பகுஜன் சமாஜ் தலைவர் மாயாவதி தகவல்| Dinamalar

பிற்படுத்தப்பட்டோருக்கும் ஆதரவாம்: பகுஜன் சமாஜ் தலைவர் மாயாவதி தகவல்

Updated : டிச 24, 2012 | Added : டிச 23, 2012 | கருத்துகள் (2)
Advertisement
 
 
Advertisement
 
 
 
Advertisement
பிற்படுத்தப்பட்டோருக்கும் ஆதரவாம்: பகுஜன் சமாஜ் தலைவர் மாயாவதி தகவல்

புதுடில்லி : ""எஸ்.சி., - எஸ்.டி., பிரிவினருக்கு, அரசு பணி பதவி உயர்வில் இட ஒதுக்கீடு அளிக்க வகை செய்யும் சட்ட மசோதா கொண்டு வரப்பட்டது போல, பிற்படுத்தப்பட்டோருக்கும் கொண்டு வர வேண்டும்; அவ்வாறு மசோதா கொண்டு வரப்பட்டால், அதை, பகுஜன் சமாஜ் ஆதரிக்கும்,'' என, அந்த கட்சியின் தலைவர், மாயாவதி கூறினார்.

மத்தியில் ஆளும், ஐக்கிய முற்போக்கு கூட்டணி அரசுக்கு, இடர்பாடான நேரங்களில் எல்லாம் காப்பாற்றும் கட்சியாக, உத்தர பிரதேச முன்னாள் முதல்வர், மாயாவதியின், பகுஜன் சமாஜ் கட்சி விளங்குகிறது.மாயாவதியின் வற்புறுத்த லால், அரசு பணியில் இருக்கும், எஸ்.சி., - எஸ்.டி., பிரிவினருக்கு, இட ஒதுக்கீட்டின் படி, பதவி உயர்வு வழங்க வகை செய்யும் மசோதா, ராஜ்யசபாவில், சமீபத்தில் நிறைவேற்றப்பட்டது.

இந்நிலையில், "எஸ்.சி., - எஸ்.டி., பிரிவினருக்கு மட்டும் ஆதரவான அரசியல் தலைவர் தான் இல்லை; பிற்படுத்தப்பட்டோர் மற்றும் பிராமணர்களுக்கு ஆதரவானவர் தான்' என்பதை, தெரிவிக்கும் வகையில், பி.டி.ஐ., செய்தி நிறுவனத்திற்கு அளித்த, பிரத்யேக பேட்டியில், மாயாவதி கூறியுள்ளதாவது:அரசு பணிகளில், பிற்படுத்தப்பட்டோருக்கு, இட ஒதுக்கீடு அளிக்க வகை செய்யும் மசோதா, தனியாக தாக்கல் செய்யப்பட வேண்டும். அந்த மசோதாவை நான் ஆதரிப்பேன். பிற்படுத்தப்பட்டோருக்கு ஆதரவான கட்சி என கூறி கொள்ளும், சமாஜ்வாதி கட்சி, அந்த பிரிவினருக்காக எதையும் செய்யவில்லை.ஆட்சிக்கு வந்து, ஒன்பது மாதங்கள் ஆகிறது; பிற்படுத்தப்பட்டோர், முஸ்லிம்களுக்கு, சமாஜ்வாதி எதுவுமே செய்யவில்லை. தேர்தல் அறிக்கையில் குறிப்பிட்ட படி, முஸ்லிம்களுக்கு, 18 சதவீத இட ஒதுக்கீடு வழங்கவில்லை.
உயர் ஜாதியினருக்கு வேலை வாய்ப்பு கிடைக்க கூடாது என்ற எண்ணம் கொண்டது சமாஜ்வாதி.அரசு வேலைவாய்ப்புகளில், உயர் ஜாதியினருக்கு விதிக்கப்பட்டிருந்த தடையை, நான் தான் நீக்கினேன். நான், அனைத்து சமுதாயங்களுக்கும் பொதுவானவள்.இவ்வாறு, மாயாவதி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ragu - NJ,யூ.எஸ்.ஏ
24-டிச-201202:23:28 IST Report Abuse
Ragu இன்றைக்கும் தலித்களை கொடுமை செய்பவர்களுக்கு பிற்படுத்தப்பட்டோர் என்னும் போர்வையில் இட ஒதுக்கீடு . தலித்களை மணப்பவர்களுக்கு மட்டுமே இந்த சலுகை என அறிவிக்கப்பட வேண்டும் .
Rate this:
Share this comment
Cancel
Jai - ,கனடா
24-டிச-201200:28:59 IST Report Abuse
Jai "எஸ்.சி., - எஸ்.டி., பிரிவினருக்கு, அரசு பணி பதவி உயர்வில் இட ஒதுக்கீடு அளிக்க வகை செய்யும் சட்ட மசோதா கொண்டு வரப்பட்டது போல, பிற்படுத்தப்பட்டோருக்கும் கொண்டு வரும் எண்ணம் இல்லை" என்று திமுகவின் மதிய இணை அமைச்சர் திரு நெப்போலியன் அவர்கள் கடந்த பாராளுமன்ற கூட்டத்தில் திட்டவட்டமாக சொல்லி, பிற்படுத்தப்பட்டவர்களுக்கு துரோகம் இழைத்ததை இன்னும் தமிழ் உலகம் மறக்கவில்லை. திரு மரியா பதில் உண்டா. அது போகட்டும். தினமலர் வாசகர்கள் அனைவருக்கும், திரு மரியா போன்ற பகுத்தறிவாளர்களுக்கும், Advance (=முன்னரே) கிறிஸ்துமஸ் தின நல்வாழ்த்துக்கள். நல்ல படியாக கிறிஸ்துமஸ் தினத்தை, ஊருக்கு சென்று குடும்பத்துடன் கொண்டாட அனைவருக்கும் வாழ்த்துக்கள்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை