Dinamalar

வேலூர்: வேலூர் மத்திய சிறையில் இருந்து கொண்டே, தமிழகம் முழுவதும், "நெட்வொர்க்' அமைத்து, கிரிமினல் நடவடிக்கைகளை செயல்படுத்தி வருவதாக, திடுக்கிடும் தகவல் வெளியாகியுள்ளது.
வேலூர், தொரப்பாடி மத்திய ஆண்கள் சிறையில், 997 கைதிகள் உள்ளனர். மொத்தம் உள்ள, 15 பிளாக்குகளில், ஒரே நேரத்தில், 2,500 கைதிகளை அடைக்க வசதியுள்ளது. சில ஆண்டுகளாக, வேலூர் சிறை, குற்றவாளிகளின் உல்லாசபுரியாக மாறிய இருப்பதாக குற்றச்சாட்டுக்கள் எழுந்துள்ளன. தினமும், காலை கொண்டைக் கடலை, டீ, பால், காபி, உப்பு இல்லாத சப்பாத்தி என சிறையில் சாப்பிட்ட காலம் மாறி, தற்போது, ஆற்காடு ஸ்டார், ஆம்பூர் பிரியாணி உள்ளிட்ட பல்வேறு வகையான உணவு கிடைக்கிறது. இந்நிலையில், சிறு குற்ற வழக்குகளில் கைது செய்யப்பட்டு, சிறைக்கு செல்பவர்கள், விடுதலையாகி வெளியே வரும்போது, யாராவது ஒரு ரவுடி அல்லது தாதாவுக்கு அடியாளாக மாறி விடுகின்றனர்.
அவர்கள், யாரை கொலை செய்வது, யாரிடம் கொள்ளையடிப்பது உள்ளிட்ட தகவல்களை சேகரித்து, சிறையில் உள்ள தாதாக்களுக்கு தகவல் கொடுக்கின்றனர். சிறையில் இருந்தே தாதாக்கள்

பிளான் போட்டுக் கொடுக்க, அதன்படி வெளியே வந்தவர்கள், கிரிமினல் நடவடிக்கைகளை அரங்கேற்றுகின்றனர்.

345 மொபைல்:

வேலூர் சிறையில் உள்ள கைதிகளிடம், மொபைல் போன், சிம்கார்டு, பேட்டரிகள் மற்றும் தடை செய்யப்பட்ட பொருட்கள் புழக்கம் அதிகளவு உள்ளது. அவ்வப்போது சிறை அதிகாரிகள் பறிமுதல் செய்து கணக்கு காட்டினாலும், தற்போதைய கணக்கு படி, சிறையில், 345 மொபைல் புழக்கத்தில் இருப்பதாக சிறைத்துறையினரே கூறுகின்றனர்.மொபைல் மூலம், அடியாட்களை ஒருங்கிணைத்து, தனிநெட்வொர்க் அமைத்து, சிறையில் இருந்தபடியே, தூசி ரியல் எஸ்டேட் அதிபர் கிருஷ்ணன், வேலூர் டாக்டர் அரவிந்த் ரெட்டி, காஞ்சிபுரம் தொழில் அதிபரின் டிரைவர் கொலை மற்றும் வெடிகுண்டு வீசி ரவுடி தேவராஜ் கொலை என, 24 பேரின் கொலை சம்பவங்களுக்கு , வேலூர் சிறையில் இருந்தே சதித்திட்டம் தீட்டியது தெரிய வந்துள்ளது.
சிறையில் இருந்து, தினம் காலை, 11:00 மணி முதல் மதியம், 1:00 மணி வரையும், மாலை, 7:00 மணி முதல் இரவு, 10:00 மணி வரையும் தகவல் பரிமாற்றம் அதிகளவு நடப்பதாக, விசாரணையில்