- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- 100 மி.லி., "குடிநீர் பாக்கெட்' விலை 7 ரூபாய்! ஸ்டிரைக் எதிரொலி மே 18,2013
- சொகுசு காரை சி.பி.ஐ.,யிடம் ஒப்படைத்தார் ஸ்டாலின் மகன் மே 18,2013
- சிறையில் ஆன்மிக புத்தகங்கள் படிக்கிறார் சஞ்சய் தத் மே 18,2013
- வேலியே பயிரை மேய்ந்தது; ரூ.7 லட்சம் லஞ்சம் வாங்கிய சிபிஐ அதிகாரி கைது மே 18,2013
- சென்னையில் ஐ.பி.எல்., கிரிக்கெட் சூதாட்டம் : அதிரடி "ரெய்டில்' ஆறுபேர் கைது மே 18,2013
- இன்று
- கடந்த வாரம்
- கடந்த மாதம்
புதுடில்லி :காதலிக்க மறுத்ததால், மூன்று இளைஞர்களால், "ஆசிட்' வீச்சுக்கு இலக்காகி, முகத்தை பறிகொடுத்த, சோனாலி முகர்ஜி என்ற இளம் பெண், "கோன் பனேகா குரோர்பதி' நிகழ்ச்சியில் பங்கேற்று, 25 லட்சம் ரூபாய் பரிசு வென்றார்.
தலைநகர் டில்லியில், ஓடும் பஸ்சில், மருத்துவ மாணவி, ஆறு பேர் கும்பலால் கற்பழிக்கப்பட்ட கொடூரம், நாடு முழுவதும் கடும் அதிர்ச்சி அலைகளை ஏற்படுத்தியுள்ள நிலையில், ஒன்பது ஆண்டுகளுக்கு முன், இது போன்றதொரு, கொடுமையான செயலுக்கு ஆளாக்கப்பட்டவர், சோனாலி முகர்ஜி."ஆசிட்' வீச்சுக்கு ஆளான அவருக்கு முகமே கிடையாது; கருகிய சதை துணுக்குகள் தான் முகத்தில் ஆங்காங்கே உள்ளது. அழகிய முகத்தை இழந்த அந்த பெண், தன் முகத்தையே வெளியே காட்டுவது கிடையாது. ஆனால், அவரை அந்த கொடுமைக்கு ஆளாக்கிய, மூன்று நபர்கள், வெளியே சுதந்திரமாக சுற்றித் திரிகின்றனர்.ஒன்பது ஆண்டுகளுக்கு முன், இப்போது இருக்கும் அளவுக்கு, "மீடியா' தாக்கம் இல்லை என்றாலும், அப்போதும் பரபரப்பாக இந்த செய்தி பேசப்பட்டது.
ஜார்க்கண்ட் மாநிலத்தின், தன்பாத் நகர கல்லூரி ஒன்றில் படித்து வந்தார், சோனாலி முகர்ஜி. கல்லூரிக்கு செல்லும் வழியில், மூன்று இளைஞர்கள், அந்த பெண்ணை தொந்தரவு செய்து வந்தனர். வலுக்கட்டாயமாக, காதலிக்க வற்புறுத்தி வந்தனர்; அதை அந்த பெண் மறுத்து வந்தார்.
வீட்டில் தூங்கிக் கொண்டிருந்த போது, உள்ளே நுழைந்த அந்த கயவர்கள், கனரக இரும்பு பொருட்களில், துரு அகற்ற பயன்படுத்தப்படும், பயங்கரமான, "ஆசிட்'டை, அந்தப் பெண்ணின் முகத்தில் வீசி விட்டு ஓடினர்.இதில், முகம் பூராவும் வெந்து, இரு கண்களும் குருடாகி, ஒரு காது முற்றிலும் கேட்காத நிலையை அடைந்த சோனாலி, அதற்கு பிறகு வெளியே வருவதே இல்லை.
கைது செய்யப்பட்ட அந்த இளைஞர்கள், ஒன்றிரண்டு ஆண்டு சிறைத் தண்டனைக்கு பிறகு, வெளியே வந்து விட்டனர். ஆனால், அந்தப் பெண் வீட்டிலேயே முடங்கி விட்டாள். எனினும், தன்னம்பிக்கையை கைவிடாமல், "டிவி'யில், நடிகர், அமிதாப் பச்சன் நடத்தும், "கோன் பனேகா குரோர்பதி' நிகழ்ச்சியில், சமீபத்தில் பங்கேற்றார். அதில் கேட்கப்பட்ட கேள்விகளுக்கு சரியாக பதிலளித்து, 25 லட்சம் ரூபாயை வென்றுள்ளார்.
""இந்த பணத்தைக் கொண்டு, என் முகத்தில் உரிந்து வரும் பிளாஸ்டிக் இழைகளை சரி செய்ய முடியும்; சில நாட்களுக்கு நிம்மதியாக சாப்பிட முடியும். எனினும், முகம் இனி கிடைக்கப் போவதில்லை. அதற்காக வீட்டிலேயே முடங்கிக் கிடந்தால், வாழ்க்கை என்னாவது என்ற எண்ணத்தில், போட்டியில் பங்கேற்றேன். என் முகத்தை, "டிவி'யில் காட்டினர். அதுவே, அந்த கயவர்களுக்கு உண்மையான தண்டனையாக இருக்கும்,'' என, சோனாலி கூறினார்.நிகழ்ச்சியின் போது, சோனாலியை, நடிகர் அமிதாப் பச்சன், "வீரமான பொண்ணு' என, பாராட்டினார்.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
மனப்பூர்வமான வாழ்த்துக்கள் இந்த பரிசை வென்றதற்கு. இந்த மூன்று கயவர்களுக்கு சட்டம் சரியான தண்டனை
கொடுக்கா விட்டாலும் தெய்வம் அவர்களை நின்று கொல்லும். ஓம் சாய் ராம்
அந்த கயவர்களை காப்பாற்றிய போலீஸ் கும் நீதிபதி அவர்களுக்கும் , சரியான தண்டனை குடுக்க வேண்டும்.
மறுபடி இந்த உலகில் வாழ்வதற்கு ..கடவுளால் ..கடவுள் மூலம் அனுபபட்டவர்களால் கிடைக்க பெற்ற இந்த பரிசானது ...அவருக்கு சற்று ஆறுதலாகவும் ....இருக்கும் யன்று தோனுகிறது ....
அந்த முன்று பேரையும் நிற்க வைத்து, அந்த பெண்ணின் கையில் ஆசிட்டை குடுத்து ஊற்ற வேண்டும்.
முகக்கலையை இழந்தாலும் மனக்கலையை இழக்காத தைரியலட்சுமி...
முதல்ல எல்லாரும் இந்தியாவிலே ஒட்டு போடுங்கப்பா, திருடன், ரௌடி, பொருக்கி அரசியல் வாதி ஆவதை தடுங்கப்பா. அப்புறம் நல்ல சட்டம், திறமையான அதிகரி எல்லாம் தானாகவே அமையும்
பாதிக்க பட்ட வர்களின் படத்தை காட்டுவதை விட தப்பு செய்தவர்களின் முகத்தை கட்டுவதே சிறந்தது.
இந்த பெண் ஒரு வருடமாக வெளியே தலை காட்டாமல் இருந்திருக்கின்றாள் ஆனால் அந்த அயோக்யர்கள் வெளியே உலா வந்து கொண்டு இருக்கின்றனர்.-ராம்ஜி
என்றைக்கு இளைய சமுதாயம் விளித்துக்கொள்கிறதோ அன்றைக்குத்தான் நமக்கு விடிவு காலம்
சூப்பர் டயலாக் ஆசிட் ஊத்தின மிருகங்களும் இளைய சமுதாயத்தைச் சேர்ந்ததுகள்தானே?...
டி வியில் அந்தப் பெண்ணின் முகத்தை காட்டுவதை விட அந்தக் கயவர்களின் முகத்தை அல்லவா காட்ட வேண்டும்? மக்களுக்கு அவனுங்க முகம் மறந்து போயிருக்கலாம். அல்லது அவனது மனைவிகளுக்கு அவனுங்களைப் பற்றி தெரியாமல் மறைத்திருக்கலாம்.
அப்படி காட்டினாங்கன்னா அவனுங்க மூஞ்சில ஆசிட் ஊத்தறதுக்கு நெறைய பேர் கிளம்பிடுவாங்கல்ல. அதான் காட்டலே போலிருக்கு. இப்போதான் நம்ம விழிக்க ஆரம்பிச்சிருக்கோம். இதுக்கே இவ்ளோ நாள் ஆயிருக்கு. இலங்கையில் கொத்துக் கொத்தாக நம் இனப் பெண்களை வஞ்சகர்கள் வெட்டி வீசும்போது கூட நமக்கு இவ்வளவு கோபம் வரவில்லை. மீடியாவை குறை சொல்கிறோமே, நாம் செய்வது மற்றும் செய்தது சரியா தப்பா.....
சட்டங்கள் கடுமையானதாக மாற்ற வேண்டும்...இன்னும் பழைய வண்டிய ஓட்டக்கூடாது...அதுதான் நாட்டுக்கு நல்லது..நமக்கும் நல்லது...
முக்கியமாக, பெண்களுக்கு விரைவில் திருமணம் செய்ய வேண்டும். எவ்வளவு தாமத படுத்துகிறார்களோ, அவ்வளவு அபாயம். ஆண்/பெண் விகிதாசாரம் குறைவாக உள்ள நம் நாட்டில், திருமணமாகாத பெண்களுக்கு எதிரான கொடுமைகள் அதிகரித்து கொண்டே இருக்கின்றன. பெண்களை பெற்றோர்களும், திருமனமாகாதவர்களும் சற்று சிந்தியுங்கள்....
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us