district news | இளையான்குடி குப்பைக்கழிவுகளால் சுகாதாரக்கேடு: பொதுமக்கள் பாதிப்பு | Dinamalar

தமிழ்நாடு

இளையான்குடி குப்பைக்கழிவுகளால் சுகாதாரக்கேடு: பொதுமக்கள் பாதிப்பு

Added : டிச 23, 2012
Advertisement
 
 
Advertisement
 
 
Advertisement

இளையான்குடி:இளையான்குடியில் சேகரமாகும் குப்பைகளை, சாயல்குடி - தஞ்சாவூர் மெயின் ரோட்டில் கொட்டி தீ வைப்பதால் சுகாதாரக்கேடு ஏற்படுகிறது.
இளையான்குடி பேரூராட்சி 18 வார்டுகளில், 28 ஆயிரம் பேர் வரை வசிக்கின்றனர்.
இங்கு, அன்றாடம் சேகரமாகும் குப்பைகளை பேரூராட்சி துப்புரவு பணியாளர்கள் சேகரித்து, வண்டிகள் மூலம் மின்வாரிய அலுவலகம் அருகே கொட்டினர். அங்கு, அரசு அலுவலகங்கள் இருப்பதால், எதிர்ப்பு கிளம்பியது.
இதையடுத்து, இளையான்குடி அருகே சாலையூரில் சாயல்குடி - தஞ்சாவூர் மெயின்ரோட்டிலேயே குப்பைகளை கொட்டி வருகின்றனர்.
பேரூராட்சியில், மக்கும், மக்கா குப்பைகளை பிரித்து கொட்டாமல், அப்படியே கொட்டி தீ வைக்கின்றனர். இதனால், புகை மூட்டம் ஏற்பட்டு சுகாதாரக்கேடு ஏற்படுகிறது. தஞ்சாவூர் மெயின் ரோடாக இருப்பதால், புகை மூட்டத்தால், வாகன ஓட்டிகள் சிரமம் அடைவதோடு, வாகன விபத்துக்களும் அதிகரிக்கின்றன. இது தவிர, இறைச்சி கழிவுகளையும் கொட்டுவதால், நோய் பரவும் அச்சம் ஏற்படுகிறது.
* இளையான்குடியை சேர்ந்த எம். அப்துல்ரசாக் கூறுகையில்,""பேரூராட்சியினர் குப்பை கொட்ட ஒதுக்கிய இடத்தில் கொட்டாமல், போக்குவரத்து நெரிசல் உள்ள ரோட்டில் கொட்டுகின்றனர். சுகாதார கேட்டால் நோய் பரவும் அபாய நிலை உள்ளது,'' என்றார்.
பேரூராட்சி நிர்வாகம், மக்களுக்கு பாதிப்பில்லாத இடத்தில் குப்பைகளை கொட்ட நடவடிக்கை எடுக்கவேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை