district news | வடக்கு வட்டார போக்குவரத்து அலுவலகத்தில் ஊழியர் பற்றாக்குறை| Dinamalar

தமிழ்நாடு

வடக்கு வட்டார போக்குவரத்து அலுவலகத்தில் ஊழியர் பற்றாக்குறை

Added : டிச 23, 2012
Advertisement
 
 
Advertisement
 
 
 
Advertisement

திருப்பூர் : திருப்பூர் வடக்கு வட்டார போக்குவரத்து அலுவலகத்தில் 25 பணியிடங்கள் நிரப்பப்படாமல் உள்ளதால், பணிகள் மிதமான வேகத்தில் நடக்கின்றன.
திருப்பூர் குமார் நகரில், கதர் கிராம தொழில் வாரியத்துக்கு சொந்தமான கட்டடத்தில், மாதம் 26 ஆயிரம் வாடகைக்கு, வடக்கு வட்டார போக்குவரத்து அலுவலகம் செயல்படுகிறது. தினமும் 300 புதிய வாகனங்கள் பதிவு செய்யப்படுகின்றன. லைசன்ஸ் பெற, முகவரி மாற்றம் செய்ய, வண்டிக்கு "பேன்ஸி' நம்பர் பெற, நூற்றுக்கும் மேற்பட்டோர் வருகின்றனர்.
வட்டார போக்குவரத்து அலுவலர், வட்டார போக்குவரத்து ஆய்வாளர் 3 பேர், 45 அலுவலக பணியாளர்கள் உள்ளனர். அதனால், எந்தவொரு விண்ணப்பமும், ஆமை வேகத்திலேயே நகர்கிறது. சில பணிகளை செய்து கொடுக்க தாமதம் ஏற்படுகிறது. இதன் காரணமாக, விண்ணப்பதாரர்கள், புரோக்கர்களை நாட வேண்டிய சூழல் ஏற்படுகிறது.
வட்டார போக்குவரத்து துறை அலுவலர்கள் கூறுகையில், "மேற்பார்வையாளர், கிளார்க், அலுவலக உதவியாளர் என 25 பணியிடங்கள் காலியாக உள்ளன. விண்ணப்பத்தை ஒரு அலுவலகத்தில் இருந்து மற்றொரு இடத்துக்கு எடுத்து வருவது; போட்டோ எடுப்பது; பணம் செலுத்த வருபவர்களுக்கு, லைசென்ஸ் ரசீது வழங்குவது உள்ளிட்ட பணிகளில் தாமதம் ஏற்படுகிறது. மொத்தம் 60 பணியாளர்களாவது இருந்தால் மட்டுமே நிலைமையை சமாளிக்க முடியும்,' என்றனர்.
புகார் பெட்டி வைக்கப்படுமா?
"பொதுமக்கள் நேரடியாக எங்களை சந்திக்கலாம்; லைசென்ஸ் பெற தாமதம் ஏற்பட்டால், புகார் தெரிவிக்கலாம்; புரோக்கர்களிடம் பணம் கொடுத்து ஏமாற வேண்டாம்,' என வட்டார போக்குவரத்து அதிகாரிகள் கூறுகின்றனர். ஆனால், நடவடிக்கை எதுவும் எடுப்பதில்லை. புரோக்கர்கள் நடமாட்டம் தொடர்கிறது.
அதனால், பொதுமக்கள், தங்களது குறைகளை தெரிவிக்க, புகார் பெட்டி வைக்க வேண்டும். வாரம் ஒருமுறை அலுவலக கூட்டம் நடக்கும்போது, பிரச்னைகள் தொடர்பாக, வட்டார போக்குவரத்து அதிகாரி விசாரித்து தீர்வு காண வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை