tamilnadu news | அன்பழகன் மனைவி மரணம் : கருணாநிதி நேரில் அஞ்சலி| Dinamalar

பொது செய்தி

தமிழ்நாடு

அன்பழகன் மனைவி மரணம் : கருணாநிதி நேரில் அஞ்சலி

Updated : டிச 24, 2012 | Added : டிச 24, 2012 | கருத்துகள் (1)
Advertisement
 
 
Advertisement
 
 
 
Advertisement
அன்பழகன் மனைவி மரணம் : கருணாநிதி நேரில் அஞ்சலி

சென்னை:தி.மு.க., பொதுச் செயலர், அன்பழகனின் மனைவி சாந்தகுமாரி, சென்னையில் நேற்று மரணம் அடைந்தார். அவரது உடலுக்கு, தி.மு.க., தலைவர் கருணாநிதி அஞ்சலி செலுத்தினார்.தி.மு.க., பொதுச் செயலர் அன்பழகனின் மனைவி, டாக்டர் சாந்தகுமாரி, 78. இவர், சில நாட்களாக, உடல் நலம் குன்றி, சென்னையில் உள்ள தனியார் மருத்துவமனையில் சிகிச்சை பெற்று வந்தார். சிகிச்சை பலனின்றி, நேற்று காலை, 9:30 மணிக்கு மரணம் அடைந்தார்.அவரது உடல், அண்ணா நகர், சாந்தி காலனியில் உள்ள இல்லத்தில் பொதுமக்கள் அஞ்சலிக்காக வைக்கப்பட்டிருந்தது. தி.மு.க., தலைவர் கருணாநிதி, மாலை அணிவித்து அஞ்சலி செலுத்தினார்.மத்திய அமைச்சர்கள் வயலார் ரவி, நாராயணசாமி, தி.மு.க., பொருளாளர் ஸ்டாலின், ஆற்காடு வீராசாமி, டி.ஆர்.பாலு, ராஜாத்தி, கனிமொழி, ஜெ.அன்பழகன் உட்பட பலர் அஞ்சலி செலுத்தினர். அரும்பாக்கம் மயானத்தில், சாந்தகுமாரியின் உடல், நேற்று மாலை தகனம் செய்யப்பட்டது.இம்மாதம், 19ம் தேதி, அன்பழகனுக்கு 91வது பிறந்த தினமாகும். அப்போது, சாந்தகுமாரி மருத்துவமனையில் சிகிச்சை பெற்று வந்தார். தன் மனைவி உடல் நலம் குன்றியிருக்கும் நேரத்தில், பிறந்த தின விழாவை கொண்டாட விருப்பமில்லை என, அன்பழகன் தெரிவித்தார்.ஆனால், தி.மு.க., தலைவர் கருணாநிதியின், வற்புறுத்தலின் காரணமாக, பிறந்த தினத்தை அன்பழகன் கொண்டாடினார். அவரது பிறந்த நாள் முடிந்து, மூன்று நாட்கள் கழிந்துள்ள நிலையில், மனைவி இறந்தது, அன்பழகனின் குடும்பத்தினரை சோகத்தில் ஆழ்த்தியுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
villupuram jeevithan - villupuram,இந்தியா
24-டிச-201206:06:51 IST Report Abuse
villupuram jeevithan கடந்த எட்டு மாதங்களாக தன் மனைவி உயிருக்கு போராடி கொண்டியிருக்கும்போது, யார் வற்புறுத்தினாலும் தனது பிறந்த நாளை கொண்டாடியிருக்கக் கூடாது இவர். பாவம், ஆத்மா சாந்தியடையட்டும்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை