tamilnadu news | ஸ்ரீரங்கத்தில் இன்று "சொர்க்கவாசல்' திறப்பு : பாதுகாப்பு பணியில் 4,000 போலீசார்| Dinamalar

பொது செய்தி

தமிழ்நாடு

ஸ்ரீரங்கத்தில் இன்று "சொர்க்கவாசல்' திறப்பு : பாதுகாப்பு பணியில் 4,000 போலீசார்

Added : டிச 24, 2012
Advertisement
 
 
Advertisement
 
 
Advertisement

திருச்சி: ஸ்ரீரங்கம் ரங்கநாதர் கோவிலில், இன்று அதிகாலை, 4:45 மணிக்கு சொர்க்கவாசல் திறக்கப்பட்டது. வைகுண்ட ஏகாதசியின் முக்கிய நிகழ்வான சொர்க்கவாசல் திறப்பு நிகழ்ச்சியையொட்டி, 4,000 போலீசார் பாதுகாப்பு பணியில் ஈடுபட்டுள்ளனர்.பூலோக வைகுண்டம் என்றழைக்கப்படும், 108 திவ்ய தேசங்களில் முதன்மையான ஸ்ரீரங்கம் ரங்கநாதர் கோவிலில், வைகுண்ட ஏகாதசி விழா, கடந்த, 13ம் தேதி திருநெடுந்தாண்டகத்துடன் துவங்கியது. பகல்பத்து உற்சவம் கடந்த, 14ம் தேதி துவங்கி, நேற்று வரை நடந்தது. இன்று முதல், ராப்பத்து உற்சவம் துவங்குகிறது. முதல் நாளான இன்று அதிகாலை, 3:15 மணிக்கு, திருப்பள்ளி எழுச்சி பாடல் பாடப்பட்டது.

அதிகாலை, 4:45 மணிக்கு, சொர்க்கவாசல் திறக்கப்பட்டது. பக்தர்கள் வெள்ளத்தில் நம்பெருமாள் பரமபத வாசலை கடந்து, திருக்கொட்டகையில் பிரவேசித்தார்.மூலவர், முத்தங்கி அலங்காரத்தில் காட்சி தந்தார்.சொர்க்கவாசல் திறப்பையொட்டி, நேற்று இரவே லட்சக்கணக்கான பக்தர்கள் திருச்சியில் குவிந்தனர். பக்தர்களுக்கு தேவையான வசதிகள், மாநகராட்சி சார்பில் செய்யப்பட்டுள்ளன. மத்திய மண்டல ஐ.ஜி., அலக்ஸாண்டர் மோகன் தலைமையில், உயர்அதிகாரிகள் மற்றும் 4,000 போலீசார் பாதுகாப்பு பணிக்காக குவிக்கப்பட்டுள்ளனர். ஸ்ரீரங்கமே விழாக்கோலம் பூண்டுள்ளது.
தற்போது, வி.ஐ.பி., பாஸ்கள் ரத்து செய்யப்பட்டுள்ளது. இந்த தரிசனத்துக்கு, வரிசையில் நிற்கும் பக்தர்கள், முன்னுரிமை அடிப்படையில் கோவில் உள்ளே அனுமதிக்கப்பட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை