tamilnadu news | போலீஸ் பணியில் சிறுவர்களை அமர்த்தும் அவலம்| Dinamalar

பொது செய்தி

தமிழ்நாடு

போலீஸ் பணியில் சிறுவர்களை அமர்த்தும் அவலம்

Added : டிச 24, 2012
Advertisement
 
 
Advertisement
 
 
 
Advertisement

சென்னை:சென்னையின் முக்கிய சாலைகளில் குறிப்பிட்ட பகுதிகளில், நிறுத்தப்படும் வாகனங்களை, போக்குவரத்து போலீசார் அப்புறப்படுத்தும் பணியில் ஈடுபட்டுள்ளனர். ஆனால், இப்பணியில் பெரும்பாலும் தனியார் நபர்களை அமர்த்துவதோடு, சிறுவர்களையும் அமர்த்தி முறைகேடாக பணம் வசூல் செய்கின்றனர் என, குற்றச்சாட்டு எழுந்துள்ளது.
சென்னை, அண்ணாசாலை, வணிக வளாகம், ஒயிட்ஸ் சாலை போன்ற முக்கிய சாலைகளின் குறிப்பிட்ட பகுதிகளில், வாகனங்கள் நிறுத்துவதால், பொதுமக்களுக்கு இடையூறு ஏற்படுவதோடு, போக்குவரத்தும் கடுமையாக பாதிக்கப்படுகிறது. இதனால், முக்கிய சாலைகளில், நிறுத்தப்படும் நான்கு சக்கர வாகனங்களின் சக்கரத்தை, லாக் செய்வதோடு, இரு சக்கர வாகனங்களை, போக்குவரத்து போலீசாரின், கிரேன் வண்டி கொண்டு, அப்புறப் படுத்தி, வேறு இடத்திற்கு எடுத்து செல்கின்றனர். பின், வாகன உரிமையாளர்களிடம், அபராதத் தொகையை, வசூல் செய்கின்றனர். ஆனால், தற்போது, கிரேன் வண்டிகளில், தனியார் நபர்களையும், சிறுவர்களையும் பணிக்கு அமர்த்தி, போலீசார் முறைகேடாக பணம் வசூல் செய்கின்றனர்.
நேற்று மாலை, 4:15 மணிக்கு, கூN23, எ1013 என்ற போக்குவரத்து போலீசாரின் கிரேன் வண்டியில், சிறுவர்களை பணிக்கு அமர்த்தி, வேலை வாங்கினர். இந்த நபர்கள், வாகன ஓட்டிகளிடம் முறைகேடாக பணம் வசூல், செய்கின்றனர். இதற்கு, சில போக்குவரத்து போலீசாரும் உடந்தை என, புகார் எழுந்துள்ளது.சில, உயர் போலீஸ் அதிகாரிகளின் வீட்டு வேலை செய்வதற்கு, போலீசாரை உபயோகப்படுத்துவதால் தான், போலீஸ் பற்றாக்குறை ஏற்பட்டு, தனியார் நபர்களை இதுபோன்ற பணிக்கு அமர்த்த வேண்டிய நிலை, ஏற்படுகிறது.
இதுகுறித்து, போக்குவரத்து கூடுதல் கமிஷ்னர் கருணா சாகரிடம் கேட்டபோது, ""இச்சம்பவம் குறித்து விசாரணை நடத்தி, சம்பந்தப்பட்டவர்கள் மீது, நடவடிக்கை எடுக்கப்படும்,''
என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை