tamilnadu news | திருட்டு கும்பலை சேர்ந்த மூவர் கைது| Dinamalar

சம்பவம் செய்தி

தமிழ்நாடு

திருட்டு கும்பலை சேர்ந்த மூவர் கைது

Updated : டிச 24, 2012 | Added : டிச 24, 2012
Advertisement
 
 
Advertisement
 
 
 
Advertisement
திருட்டு கும்பலை சேர்ந்த மூவர் கைது

முதுகுளத்தூர்:முதுகுளத்தூர் பகுதியில் தொடர் திருட்டில் ஈடுபட்ட கும்பலை சேர்ந்த மூவர் கைது செய்யப்பட்டனர். முதுகுளத்தூர், சாயல்குடி பகுதியில் சில மாதங்களாக தொடர்ந்து திருட்டு சம்பவங்கள் நடந்தன. கூடுதல், எஸ்.பி., விக்ரமன் தலைமையில், இன்ஸ்பெக்டர் குமரன், எஸ்.ஐ., விஜயகுமார் உள்ளிட்ட போலீசார் கொண்ட தனிப்படை அமைக்கப்பட்டது. நேற்று முன்தினம் வங்கி, ஜூவல்லரியில் கொள்ளையடிக்க திட்டமிட்டிருந்த, விருதுநகர் மாவட்டம் கல்விமடையை சேர்ந்த வெள்ளையன், 61, கும்பகோணம் ஜெயராஜ், 43, சென்னை சூளைமேடு குப்புசாமி, 36 ஆகிய மூவரையும் நேற்று போலீசார் கைது செய்தனர். தலைமறைவான ஒருவரை தேடி வருகின்றனர்.

விசாரணையில், திருச்செந்தூரில் நகைக்கடை ஒன்றில் 25 கிலோ வெள்ளி, அரை கிலோ தங்க நகை, சென்னையில் "டாஸ்மாக்' கில் 85 ஆயிரம், சாயல்குடி, முதுகுளத்தூரிலுள்ள ஜூவல்லரி கடைகளில் 8 கிலோ வெள்ளி, நூறு கிராம் தங்க நகை, முதுகுளத்தூர் "டாஸ்மாக்' கில் ஒரு லட்சத்து 48 ஆயிரம் ரொக்கம், போஸ்ட் மாஸ்டர் வீட்டில் 7.5 பவுன் நகை, லேப்-டாப் உட்பட 40 கிலோ வெள்ளி, முக்கால் கிலோ நகைகளை, கும்பலாக திருடியதை அவர்கள் ஒப்பு கொண்டனர். கொள்ளையடித்த பணத்தில், 2 லட்சத்து, 25 ஆயிரம் மதிப்புள்ள, ஒரு அம்பாசிடம் கார், விலையுயர்ந்த மொபைல் போன்கள் இரண்டு, ரொக்கம் ஆயிரம் ரூபாய், 500 கிராம் வெள்ளி பொருட்கள், 68 கிராம் தங்க நகைகளை தனிப்படை போலீசார் பறிமுதல் செய்தனர். தப்பியோடி ஒருவரை தேடிவருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை