tamilnadu news | டில்லி மாணவிக்கு நீதி கேட்டு மெரீனாவில் இளைஞர்கள் போராட்டம்| Dinamalar

சம்பவம் செய்தி

தமிழ்நாடு

டில்லி மாணவிக்கு நீதி கேட்டு மெரீனாவில் இளைஞர்கள் போராட்டம்

Updated : டிச 24, 2012 | Added : டிச 24, 2012
Advertisement
 
 
Advertisement
 
 
 
Advertisement
டில்லி மாணவிக்கு நீதி கேட்டு மெரீனாவில் இளைஞர்கள் போராட்டம்

சென்னை:டில்லி மாணவிக்கு ஏற்பட்ட கொடுமைக்கு நீதி கேட்டு, மெரீனா கடற்கரையில், இளைஞர்கள் ஒன்று திரண்டு, மெழுகுவர்த்தி ஏற்றி போராட்டத்தில் ஈடுபட்டனர்.
டில்லியில் கற்பழிப்பு சம்பவங்களுக்கு எதிராக, பல்வேறு அமைப்பினர், கல்லூரி மாணவர்கள், பெண்கள் அமைப்புகளும் போராட்டம் நடத்தி வருகின்றனர்.சென்னையில் நேற்று மாலை, 4:00 மணிக்கு, நடிகர்கள், கல்லூரி மாணவர்கள், இளைஞர்கள், பெற்றோர்கள் உள்ளிட்டோர், கற்பழிப்பு சம்பவங்களுக்கு எதிராக போராட்டம் நடத்தினர்.மெரீனா கடற்கரையில், 300க்கும் மேற்பட்ட இளைஞர்கள் திரண்டனர்.

பின், உழைப்பாளர் சிலையிலிருந்து ஊர்வலமாக புறப்பட்டு, கலங்கரை விளக்கம் வரை சென்றனர்.மது சந்தையை கட்டுப்படுத்த வேண்டும், பாலியல் வன்முறை, கற்பழிப்பு உள்ளிட்ட குற்றங்களில் ஈடுபடுவோரை தண்டிக்க கடுமையான சட்டம் கொண்டு வரப்பட வேண்டும், கற்பழிப்பு சம்பவங்களுக்கு எதிராக பார்லிமென்டில் கொண்டு வரப்பட்ட மசோதாவை உடனே நிறைவேற்ற வேண்டும், பள்ளிகளில் பாலியல் கல்வி கற்பிக்கப்பட வேண்டும் என்பன உள்ளிட்ட கோரிக்கைகளை வலியுறுத்தி, மெழுகுவர்த்தி ஏற்றி போராட்டத்தில் ஈடுபட்டனர்.பேராட்டத்தில் திரைப்பட முன்னணி நடிகர்கள், நடிகைகள், இளைஞர்கள் ஏராளமானோர் பங்கேற்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை