Seal for Actress bungalow | கிழக்கு கடற்கரை சாலையில் நடிகை பங்களாவுக்கு "சீல்' : நகரமைப்பு துறை நடவடிக்கை| Dinamalar

பொது செய்தி

தமிழ்நாடு

கிழக்கு கடற்கரை சாலையில் நடிகை பங்களாவுக்கு "சீல்' : நகரமைப்பு துறை நடவடிக்கை

Added : டிச 24, 2012
Advertisement
 
 
Advertisement
 
 
 
Advertisement

சென்னை:மாமல்லபுரம் அருகில், கிழக்கு கடற்கரை சாலையில், "ஆலிவ் பீச்' பகுதியில், விதிமுறை மீறி கட்டப்பட்ட நடிகை பங்களா உட்பட, ஏழு கட்டடங்களுக்கு, நகரமைப்புத் துறை அதிகாரிகள் நேற்று முன்தினம், "சீல்' வைத்தனர்.இந்நிலையில், மாமல்லபுரம் அருகில், கிழக்கு கடற்கரை சாலையில் முட்டுக்காடு, கரிக்காட்டுக்குப்பம் பகுதிகளை உள்ளடக்கிய, "ஆலிவ் பீச்' பகுதியில், ஏராளமான ஆடம்பர பங்களாக்கள் கட்டப்பட்டு வருகின்றன. சினிமா துறையினர், தொழில் துறையினர் என, பல்வேறு முக்கிய பிரமுகர்களுக்காக, இந்த பங்களாக்கள் கட்டப்படுவதாகக் கூறப்படுகிறது.கடற்கரை, நீர் நிலை புறம்போக்கு நிலங்களில், விதிமுறைகளை மீறி இந்த பங்களாக்கள் கட்டப்பட்டு வருவதாக, முட்டுக்காடு பகுதி மக்கள், நகரமைப்புத் துறையிலும், வருவாய் துறையினரிடமும் புகார் தெரிவித்தனர்.இந்த புகார்கள் குறித்து, மாமல்லபுரம் புதுநகர் வளர்ச்சிக் குழும அதிகாரிகள், திருப்போரூர் தாலுகா அலுவலக அதிகாரிகள் உதவியுடன் விசாரணை மேற்கொண்டனர். இதில் கிடைத்த விவரங்கள் அடிப்படையில், சம்பந்தப்பட்ட பங்களாக்களின் உரிமையாளர்களுக்கு, நகரமைப்புத் துறை அதிகாரிகள் "நோட்டீஸ்' அனுப்பினர்.இதற்கு, உரிய பதில் கிடைக்காத நிலையில், இந்த கட்டடங்களை, "சீல்' வைக்க, முடிவு செய்யப்பட்டது. இதன்படி, முட்டுக்காடு, கரிக்காட்டுக்குப்பம் பகுதிகளில் கட்டப்பட்டு வரும், ஏழு பங்களாக்களுக்கு, நகரமைப்புத் துறை அதிகாரிகள், நேற்று முன்தினம் "சீல்' வைத்தனர்.இதில், ஒரு பங்களா, பிரபல நடிகை ஒருவருக்கு சொந்தமானது என்று கூறப்படுகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை