India, Russia sign defence deals worth around 3 billion USD | இந்தியா ரஷ்யா இடையே 300 கோடி டாலர் மதிப்பிலான ராணுவ ஒப்பந்தம்| Dinamalar

பொது செய்தி

இந்தியா

இந்தியா ரஷ்யா இடையே 300 கோடி டாலர் மதிப்பிலான ராணுவ ஒப்பந்தம்

Updated : டிச 24, 2012 | Added : டிச 24, 2012
Advertisement
 
 
Advertisement
 
 
 
Advertisement
India, Russia sign defence deals worth around 3 billion USD இந்தியா ரஷ்யா இடையே 300 கோடி டாலர் மதிப்பிலான ராணுவ ஒப்பந்தம்

புதுடில்லி: இந்தியா ரஷ்யா இடையே 300 கோடி டாலர் மதிப்பிலான ராணுவ ஒப்பந்தம் இன்று கையெழுத்தானது. இதில் 42 சுகோய் 30 விமானங்கள் மற்றும் 71 எம். ஐ., 17 வி 5 என்ற நடுத்தர ரக ஹெலிகாப்டர்கள் வாங்க ஒப்பந்தம் போடப்பட்டுள்ளது. இந்தியா வந்துள்ள ரஷ்ய அதிபர் விளாடிமிர் புடின், 13வது இந்திய ரஷ்ய வருடாந்திர கூட்டத்தில் பங்கேற்றார். பிரதமர் மன்மோகன் சிங்குடனான இந்த சந்திப்புக்குப்பின், பல்வேறு ஒப்பந்தங்கள் கையெழுத்தாகின. இதன்படி, ரஷ்யாவின் எம்.ஐ., மற்றும் காமோவ் ரக ஹெலிகாப்டர்கள் வாங்க எல்காம் சிஸ்டம்ஸ் மற்றும் வெர்டோலெடி ரசி என்ற நிறுவனத்திற்கும் இடையே கையெழுத்தானது.

அடுத்த ஒப்பந்தம், சுமார் 2.2 பில்லியன் டாலர் செலவில் இந்திய ராணுவத்திற்கு 42 சுகோய் 30 ரக போர் விமானங்கள் தயாரிப்பது தொடர்பான ஒப்பந்தமாகும். இந்த ஒப்பந்தத்தின்படி, இந்தியாவின் இந்துஸ்தான் ஏரோநாட்டிக்ஸ் நிறுவனத்திற்கு சுகோய் ரக போர் விமானங்கள் தயாரிப்பது தொடர்பான தொழில்நுட்ப உதவிகளை ரஷ்யா வழங்கும். தற்போது இந்திய விமானப்படையில் 170 சுகோய் ரக போர்விமானங்கள் பயன்பாட்டில் உள்ளன. தற்போதைய ஒப்பந்தத்தின் படி அடுத்த நான்கு முதல் 5 ஆண்டுகளில் இந்திய விமானப்படையில் இருக்கும் விமானங்களின் எண்ணிக்கை 272 ஆக உயரும்.

மேலும், இந்த ஒப்பந்தத்தின்படி, மொத்தமாக வாங்க உத்தேசித்துள்ள 71 எம்.ஐ., 17 வி 5 ரக ஹெலிகாப்டர்களில், 59 ஹெலிகாப்டர்கள் இந்திய விமானப்படைக்கும், 12 நக்சல் எதிர்ப்பு படைக்கும் வழங்கப்படும் என கூறப்பட்டுள்ளது. இந்த ஒப்பந்தங்கள் இரு நாடுகளிடையேயான ராணுவ உறவை மேலும் வலுப்படுத்தும் என்று கூறப்படுகிறது.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை