kerla police search throw on Face book | காணாமல் போனவர்களை கண்டறிய "பேஸ்புக்'கை நாடும் கேரள போலீஸ் | Dinamalar

காணாமல் போனவர்களை கண்டறிய "பேஸ்புக்'கை நாடும் கேரள போலீஸ்

Added : டிச 24, 2012
Advertisement
 
 
Advertisement
 
 
Advertisement

திருவனந்தபுரம்: கேரளாவில், ஆண்டுக்கு, 2,000த்திற்கும் மேற்பட்டோர் காணாமல் போவதால், அவர்களை கண்டறிய, "பேஸ்புக்' சமூக வலைதளத்தின் உதவியை நாட, மாநில போலீசார் முடிவு செய்துள்ளனர்.கல்வியறிவு மிகுந்த கேரள மாநிலத்தில் தான், பெண்கள், குழந்தைகளுக்கு எதிரான குற்றங்களும் அதிகமாக நடக்கின்றன. பல விதங்களில், ஆண்டுக்கு, 2,000த்திற்கும் மேற்பட்ட பெண்களும், குழந்தைகளும் காணாமல் போகின்றனர்.அவர்களை கண்டுபிடிக்க மாநில போலீசார் நடவடிக்கை எடுத்தாலும், பிற மாநிலங்கள் மற்றும் பிற நாடுகளில், போதிய ஒத்துழைப்பு இல்லாததால், காணாமல் போனவர்களை மீட்பது கடினமாக உள்ளது. இதனால், "பேஸ்புக்' இணையதளத்தின் உதவியை நாட, கேரள போலீசார் முடிவு செய்துள்ளனர்.இதுகுறித்து, போலீஸ் ஐ.ஜி., மனோஜ் ஆபிரகாம் தெரிவித்ததாவது:கேரளாவில் இருந்து காணாமல் போனவர்கள் பற்றிய விவரத்தை, "பேஸ்புக்' சமூக வலைதளத்தில் வெளியிட்டு, அவற்றை, மலையாளிகள் அனைவருக்கும் அனுப்பி வைக்க வேண்டும் என, கேட்டு, "பேஸ்புக்' வலைதளத்தை தொடர்பு கொண்டு உள்ளோம்.இதற்கான அனுமதி கிடைத்தால், காணாமல் போனவர்கள் படம் மற்றும் அனைத்து விவரங்களும், "பேஸ்புக்'கில் பதிவு செய்து வைத்துள்ள, உலகின் எந்த பகுதியில் உள்ள மலையாளிகளுக்கும், அவர்களின் கம்ப்யூட்டர், மொபைல் போன் போன்றவற்றில் கிடைத்துவிடும். இதன் மூலம், காணாமல் போனவர்களை மீட்பது எளிதாகி விடும்.இவ்வாறு, அவர் தெரிவித்தார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை