TN leads in AIDS control | "எய்ட்ஸ்' கட்டுப்படுத்துவதில் தமிழகம் முன்னிலை| Dinamalar

பொது செய்தி

தமிழ்நாடு

"எய்ட்ஸ்' கட்டுப்படுத்துவதில் தமிழகம் முன்னிலை

Added : டிச 25, 2012
Advertisement
 
 
Advertisement
 
 
Advertisement

ஊட்டி: "தென் மாநில அளவில், எய்ட்ஸ் நோயை கட்டுக்குள் கொண்டு வருவதில், தமிழகம் முன்னிலை வகிக்கிறது'' என, வாரிய திட்ட இயக்குனர் தெரிவித்தார். தமிழக உணவு பாதுகாப்பு கமிஷனரும், மாநில எய்ட்ஸ் கட்டுப்பாட்டு வாரிய திட்ட இயக்குனருமான குமார் ஜெயந்த், ஊட்டி தலைமை அரசு மருத்துவமனையில் நேற்று ஆய்வு நடத்தினார். அங்கிருந்த எய்ட்ஸ் நோய் கட்டுப்பாட்டு பிரிவு, ரத்த வங்கியை ஆய்வு செய்த அவர், அவற்றின் செயல்பாடுகள் குறித்து திருப்தி தெரிவித்தார். பின், நிருபர்களிடம் குமார் ஜெயந்த் கூறியதாவது: எய்ட்ஸ் நோயை கட்டுப்படுத்துவது தொடர்பான விழிப்புணர்வு, முனைப்புடன் மேற்கொள்ளப்பட்டு வருகிறது. தென் மாநில அளவில் எய்ட்ஸ் கட்டுப்பாட்டு விழிப்புணர்வில், தமிழகம் முன்னோடியாக உள்ளது. 2001ல், மாநிலத்தில் எய்ட்ஸ் நோயாளிகளின் எண்ணிக்கை, 1.13 சதவீதமாக இருந்தது. தற்போது, இது, 0.25 சதவீதமாக குறைந்துள்ளது. உணவு பாதுகாப்பை பொறுத்தவரை, ஆண்டுக்கு 12 லட்சம் ரூபாய் வருமானம் ஈட்டக் கூடிய தொழில், வர்த்தக நிறுவனங்கள், உணவு பாதுகாப்பு துறையின் உரிமத்தை பெற வேண்டும். அதற்கு குறைவாக வருவாய் ஈட்டுவோர், பதிவு செய்து கொள்ள வேண்டும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை