Agricultural Ministry can't appointment Gardenery jobs: Court | "தோட்டக்கலை துறை காலி பணியிடம் வேளாண் துறை நிரப்ப முடியாது'| Dinamalar

கோர்ட் செய்தி

தமிழ்நாடு

"தோட்டக்கலை துறை காலி பணியிடம் வேளாண் துறை நிரப்ப முடியாது'

Added : டிச 25, 2012
Advertisement
 
 
Advertisement
 
 
 
Advertisement

சென்னை: "தோட்டக் கலை துறையில் ஏற்படும் காலியிடங்களை, வேளாண்மைத் துறை இயக்குனர், நிரப்ப முடியாது' என, சென்னை ஐகோர்ட் உத்தரவிட்டுள்ளது. அரசின், "சந்தைப்படுத்தலுக்கான உற்பத்தி' என்ற கொள்கைப்படி, விவசாயம், தோட்டக்கலை, பயிர் வளர்ப்பு, வேளாண் மார்க்கெட்டிங் துறைகளில், மாற்றம் கொண்டு வரப்பட்டது. தோட்டக் கலைத் துறையில், உதவி இயக்குனர் பணியிடங்கள், 43ல் இருந்து, 396 ஆக உயர்ந்தது. அனைத்து துறைகளிலும் சேர்த்து, மொத்தத்தில், 509 உதவி இயக்குனர் பணியிடங்களை நிரப்ப வேண்டும். இதில், தோட்டக் கலை துறையில், 325 உதவி இயக்குனர் பணியிடங்களுக்கு, வேளாண் துறையில் இருந்து, 2007ல் நியமிக்கப்பட்டனர். ஐந்து ஆண்டு முடிந்த பின், தோட்டக் கலைத் துறையிலேயே இருந்து கொள்ளலாம் அல்லது மீண்டும் வேளாண் துறைக்கு வந்து விடலாம் என, நிபந்தனை விதிக்கப்பட்டது. இந்நிலையில், கடந்த ஆண்டு, ஜனவரியில், வேளாண் துறையில் இருந்து, 178 உதவி இயக்குனர்களை, தோட்டக் கலை துறையில் நியமிக்க, வேளாண் இயக்குனரகம் முடிவெடுத்தது. இதை எதிர்த்து, ஐகோர்ட்டில், மனுக்கள் தாக்கல் செய்யப்பட்டன. மனுக்களில், "தோட்டக் கலை துறையில், உதவி இயக்குனர்களை நியமனம் செய்யும் அதிகாரம், தோட்டக் கலை இயக்குனருக்கு தான் உள்ளது; வேளாண் இயக்குனருக்கு இல்லை. எனவே, அந்த உத்தரவை ரத்து செய்ய வேண்டும்' என, கூறப்பட்டுள்ளது. மனுக்களை விசாரித்த, நீதிபதி அரிபரந்தாமன் பிறப்பித்த உத்தரவு: தோட்டக் கலை துறையில் ஏற்படும் காலியிடங்களை நிரப்ப, தோட்டக் கலை இயக்குனருக்கு தான், அதிகாரம் உள்ளது. அரசாணையில் கூட, வேளாண் இயக்குனருக்கு அதிகாரம் இருப்பதாக கூறப்படவில்லை. ஐந்து ஆண்டு காலம் முடிந்த பின்பும் கூட, பதவி உயர்வு மற்றும் ஓய்வு பெறுதல் மூலம் ஏற்படும் காலியிடங்களை, தோட்டக் கலை இயக்குனர் தான் நிரப்ப வேண்டும். வேளாண் துறை, தோட்டக் கலை துறையில் உள்ள பணிகளுக்கான, கல்வித் தகுதி வெவ்வேறானவை. தகுதியில்லாதவர்களை கொண்டு வருவதற்காக, தோட்டக் கலைத் துறையில் நியமிக்க முடியாது. ஐந்து ஆண்டுக்கு என, தோட்டக் கலைத் துறைக்கு மாற்றப்பட்டவர்கள், அந்தக் காலம் முடிந்த பின், அதே துறையில் நீடிப்பதோ அல்லது வேளாண் துறைக்கு வருவதோ, ஒரு மாதத்துக்குள் இருக்க வேண்டும். எனவே, தோட்டக் கலை துறையில், வேளாண் துறையில் இருந்து உதவி இயக்குனர்களை கொண்டு வந்து நியமிக்கக் கூடாது; அத்தகைய நடைமுறையானது சட்டவிரோதமானது. இவ்வாறு, நீதிபதி உத்தரவிட்டுஉள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை