Drought in Vaigai | வறண்டது வைகை: நெல் சாகுபடிக்கு சிக்கல் குடிநீர் கிணறுகளும் தப்பவில்லை| Dinamalar

சம்பவம் செய்தி

தமிழ்நாடு

வறண்டது வைகை: நெல் சாகுபடிக்கு சிக்கல் குடிநீர் கிணறுகளும் தப்பவில்லை

Added : டிச 25, 2012
Advertisement
 
 
Advertisement
 
 
 
Advertisement

நிலக்கோட்டை: மழை இல்லாமல் வைகை ஆறு வறண்டதால், ஆற்றுப் படுகை விவசாயிகள், இரு போக நெல் சாகுபடி செய்யவில்லை. வைகை ஆற்றில் உள்ள குடிநீர் கிணறுகள் வறண்டு வருவதால், கிராமங்களில் குடிநீர் பஞ்சம் ஏற்படும் அபாயம் ஏற்பட்டுள்ளது. திண்டுக்கல், நிலக்கோட்டை தாலுகாவில், வைகை ஆறு, பெரியாறு கால்வாய் பாசனம் மூலம், இருபோக நெல் சாகுபடி செய்வர். முதல் போகம் ஜூனில் துவங்கி, அக்டோபரில் முடியும். இரண்டாம் போகம் அக்டோபர் மாத இறுதியில் துவங்கி, ஜனவரி வரை நீடிக்கும். தென்மேற்கு பருவ மழை பாய்த்ததால், முதல் போக சாகுபடி செய்யவில்லை. இரண்டாம் போகத்தின் போது, 10 நாட்கள் தண்ணீர் திறந்து விடப்பட்டது. இதை நம்பி, விலைக்கு விதை நெல் வாங்கி, நாற்றாங்கால் விதைத்தனர். வடகிழக்கு பருவ மழையும் பொய்த்ததால், வைகை அணைக்கு நீர் வரத்து இல்லை; அணையிலிருந்தும் நீர் திறக்கப் படவில்லை. மழையில்லாததால், விதைத்த நாற்றாங்காலை அப்படியே விட்டு விட்டனர். நாற்றாங்காலில் ஆடு, மாடுகள் மேய்கின்றன. வைகை ஆற்றுப் பாசனத்தை நம்பியிருக்கும் விளாம்பட்டி விவசாயி ரவிச்சந்திரன் கூறுகையில், ""வைகை அணையை நம்பி, 2 லட்சம் ஏக்கர் நிலங்கள் உள்ளன. நிலக்கோட்டை தாலுகாவில் மட்டும், 2,000 ஏக்கரில், இரு போக நெல் சாகுபடி நடக்கும். மழை இல்லாததால் இரு போகத்தையும் இழந்து விட்டோம். வைகை பாசனத்தில் பாதிக்கப்பட்ட விவசாயிகளுக்கும் நிவாரணம் வழங்க வேண்டும்,'' என்றார். வைகை ஆறு வறண்டதால், ஆற்றங்கரையோரம் உள்ள கிணறுகளும் வற்றி விட்டன. வைகையை நம்பி உள்ள ஊராட்சி ஒன்றியங்கள், பேரூராட்சிகளை சேர்ந்த, குடிநீர் கிணறுகளும் வற்றி வருகின்றன. இதே நிலை நீடித்தால், கிராமங்களில் குடிநீர் பஞ்சம் ஏற்படும் என, ஊராட்சித் தலைவர்கள் கவலை தெரிவிக்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை