district news | ரங்காவுடன் விளையாடும் காவேரி மனதளவில் உற்சாகமாக "சிகிச்சை'| Dinamalar

தமிழ்நாடு

ரங்காவுடன் விளையாடும் காவேரி மனதளவில் உற்சாகமாக "சிகிச்சை'

Added : டிச 25, 2012 | கருத்துகள் (1)
Advertisement
 
 
Advertisement
 
 
Advertisement

கூடலூர் : உடல்நலம் பாதிக்கப்பட்டு சிகிச்சை பெற்று வரும் குட்டியானை ரங்காவை, மனதளவில் உற்சாகப்படுத்தும் வகையில், அதன் தோழி காவேரியை வனத்துறையினர் விளையாட வைத்து வருகின்றனர். முதுமலை புலிகள் காப்பகத்தில் உள்ள குட்டியானை ரங்காவின் கால்முறிவுக்கு கடந்த இரண்டு வாரங்களாக சிகிச்சை அளிக்கப்பட்டு வருகிறது. தற்போது, அதற்கு காலில் கட்டு போடப்பட்டு நவீன சிகிச்சைகள் அளிக்கப்பட்டு வருகின்றன. இதனால், ரங்கா மனச்சோர்வு அடைந்து விட கூடாது என்பதற்காக, அதன் தோழி காவேரியை நாள்தோறும் சிகிச்சை அளிக்கும் இடத்துக்கு வரவழைத்து, வனத்துறையினர் விளையாட வைத்து வருகின்றனர். இதனால், ரங்கா ஒரளவு உற்சாகம் அடைந்து வருகிறது.முதுமலை துணை இயக்குனர் அமீர் ஹாஜா கூறுகையில்,""யானை குட்டிக்கு கால்நடை மருத்துவ குழுவினர் நவீன சிகிச்சை அளித்து, 24 மணி நேரமும் கண்காணித்து வருகின்றனர். யானை தற்போது, பிசியோதெரப்பி சிகிச்சையும், அறைக்கு சூரிய வெளிச்சம் கிடைக்கும் வகையில் நடவடிக்கை எடுக்கப்பட்டுள்ளது. ரங்காவுடன், குட்டி யானை காவேரியை தினமும் மூன்று முறை தலா 15 நிமிடம் வரை விளையாட வைத்து, அதனை மனதளவிலும் உற்சாகமடைய சிகிச்சை அளிக்கிறோம். உடல் நிலையில் நல்ல முன்னேற்றம் ஏற்பட்டுள்ளது. விரைவில் முழு குணமடையும் என்ற நம்பிக்கை உள்ளது,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
iravi - Chennai,இந்தியா
25-டிச-201219:19:38 IST Report Abuse
iravi இது போன்ற பல நல்ல முயற்ச்சிகள் எடுத்துவரும் தமிழக வனத்துறையினரையும் இவற்றை ஊக்குவித்து வழிகாட்டும் தமிழக அரசையும் அதன் முதல்வரையும் நாம் அனைவரும் பெருமிதத்தோடு வணங்குவோமாக
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை