district news | லேப்டாப் வழங்கும் விழாவுக்குதாமதமாக வந்த அமைச்சர்:| Dinamalar

சம்பவம் செய்தி

தமிழ்நாடு

லேப்டாப் வழங்கும் விழாவுக்குதாமதமாக வந்த அமைச்சர்:

Added : டிச 25, 2012
Advertisement
 
 
Advertisement
 
 
 
Advertisement

ப.வேலூர்: ஒரே நாளில் பல்வேறு விழாவுக்கு ஏற்பாடு செய்வதால், விலையில்லா லேப்டாப் வழங்குவதற்கு, தமிழக தொழில்துறை அமைச்சர் தங்கமணி காலதாமதமாக வந்ததால், மாணவர்கள் இரவு வரை காத்திருக்க வேண்டிய பரிதாபம் ஏற்பட்டது.ப.வேலூர் கந்தசாமி கண்டர் கல்லூரியில், இரண்டாம் ஆண்டு படிக்கும், 827, மாணவ, மாணவியருக்கு, தமிழக அரசின் விலையில்லா லேப்டாப் வழங்கும் விழாவுக்கு, ஏற்பாடு செய்யப்பட்டது. விழா, மாலை, 4.30 மணிக்கு நடக்கும் விழாவில், தமிழக தொழில் துறை அமைச்சர் தங்கமணி பங்கேற்று வழங்குவதாக தெரிவிக்கப்பட்டிருந்தது.மாலை, 3 மணி முதல் மாணவ, மாணவியர், விழா நடக்கும் மைதானத்தில் கூடினர். அமைச்சர் வர காலதாமதம் ஆனதால், மாணவர்கள், பேராசிரியர்கள் கடும் அதிருப்தி அடைந்தனர். மேலும், பலரும் பஸ் போக்குவரத்து இல்லாத கிராமங்களில் இருந்து வந்திருந்தனர்.அவர்களுக்கு குறிப்பிட்ட நேரத்துக்கு இயக்கப்படும் பஸ்சை பிடித்தால் மட்டுமே, தங்கள் ஊருக்கு செல்லமுடியும். அதனால், செய்வதறியாமல் தவித்தனர். இதுகுறித்து, தங்களது பெற்றோர்களுக்கு தகவல் தெரிவித்தனர். அவர்களும், கல்லூரிக்கு விரைந்து வந்தனர்ஒரே நாளில், பல்வேறு நிகழ்ச்சிகளுக்கு, மாவட்ட நிர்வாகத்தினர் ஏற்பாடு செய்வதால், குறிப்பிட்ட நேரத்துக்கு செல்ல முடியாமல், அமைச்சர் ஒவ்வொரு விழாவுக்கும் காலதாமதமாக செல்லும் நிலைக்கு தள்ளப்பட்டுள்ளார். ஒரு வழியாக இரவு, 9.15 மணிக்கு விழா மேடைக்கு, அமைச்சர் தங்கமணி வந்தார்.அதை தொடர்ந்து, மாணவ, மாணவியருக்கு அவசரம் அவசரமாக லேப்டாப் வழங்கப்பட்டது. இந்த காலதாமதம் பெற்றோர்கள் மட்டும் அல்லாமல், பொதுமக்களையும் கடும் அதிருப்தி அடையச் செய்துள்ளது."வரும் காலங்களில், இதுபோன்ற தாமதத்தை தவிர்க்க, குறிப்பிட்ட விழாக்களுக்கு மட்டும், மாவட்ட நிர்வாகம் ஏற்பாடு செய்ய வேண்டும்' என, சமூக ஆர்வலர்கள் கோரிக்கை விடுத்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை