modi sworn in as CM Gujarat | குஜராத் முதல்வராக 4வது முறை இன்று பதவியேற்கிறார் மோடி | Dinamalar

குஜராத் முதல்வராக 4வது முறை இன்று பதவியேற்கிறார் மோடி

Added : டிச 25, 2012
Advertisement
 
 
Advertisement
 
 
 
Advertisement
 குஜராத் முதல்வராக 4வது முறை  இன்று பதவியேற்கிறார் மோடி

ஆமதாபாத்: குஜராத் முதல்வராக, நரேந்திர மோடி இன்று நான்காவது முறையாக பதவியேற்கிறார். பதவியேற்பு விழாவில், தமிழக முதல்வர் ஜெயலலிதா உட்பட, பலர் பங்கேற்கின்றனர். குஜராத்தில், சமீபத்தில், நடந்த சட்டசபை தேர்தலில், மொத்தமுள்ள, 182 தொகுதிகளில், 115 இடங்களில், வெற்றி பெற்று, பா.ஜ., ஆட்சியை தக்க வைத்துக் கொண்டது. இதன் மூலம், மூன்றாவது முறையாக தன் தலைமையில், சட்டசபை தேர்தலை சந்தித்து, பெரும் வெற்றி பெற்று, "ஹாட்ரிக்' சாதனை படைத்தார் முதல்வர் நரேந்திர மோடி.இந்நிலையில், தேர்தலில் புதிதாக தேர்ந்தெடுக்கப்பட்ட, பா.ஜ., - எம்.எல்.ஏ.,க்களின் கூட்டம், நேற்று காந்திநகரில் நடந்தது. ராஜ்யசபா எதிர்க்கட்சி தலைவர், அருண்ஜெட்லி உட்பட, மத்திய பார்வையாளர்கள் பலர் பங்கேற்ற இந்தக் கூட்டத்தில், பா.ஜ., சட்டசபை கட்சித் தலைவராக நரேந்திர மோடி முறைப்படி தேர்வு செய்யப்பட்டார்.இதையடுத்து, குஜராத் முதல்வராக, நான்காவது முறையாக, மோடி இன்று பதவியேற்கிறார். அவருக்கு கவர்னர், கமலா பெனிவால், பதவிப் பிரமாணமும், ரகசிய காப்பு பிரமாணமும் செய்து வைக்கிறார்.நரேந்திர மோடி, 2001ல் முதல் முறையாக முதல்வராக பதவியேற்றார். அப்போது, அவர் எம்.எல்.ஏ.,வாக இல்லை. அதன்பின், இடைத் தேர்தலில் போட்டியிட்டு வெற்றி பெற்றார். இதையடுத்து, 2002 மற்றும் 2007ம் ஆண்டுகளில் நடந்த சட்டசபை தேர்தல்களிலும் வெற்றி பெற்றி முதல்வரானார். தற்போதைய தேர்தல் வெற்றி மூலம், நான்காவது முறை முதல்வராகிறார்.காந்திநகரில் நடக்கும் பதவியேற்பு விழாவில், தமிழக முதல்வர் ஜெயலலிதா மற்றும் பா.ஜ., மூத்த தலைவர்கள் உட்பட, பலர் பங்கேற்கின்றனர்.
***

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை