- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஆட்சி என்றைக்கும் நிரந்தரமல்ல: கருணாநிதி மே 22,2013
- சூதாட்டத்தில் ஈடுபடவில்லை; நான் அப்பாவி : சொல்கிறார் ஸ்ரீசாந்த் மே 22,2013
- ஸ்பாட் பிக்சிங்: சென்னை அணி உரிமையாளரின் உறவினருக்கு தொடர்பு ? மே 22,2013
- நாளுக்கு நாள் அதிகரிக்கும் மின் தேவை: 4 ஆண்டுகளில் 2,500 மெகாவாட் உயர்வு மே 22,2013
- நிலப்பதிவுக்கு கட்டாய ஆதார் அட்டை: ஜார்க்கண்ட் நிர்வாகம் உத்தரவு மே 22,2013
- இன்று
- கடந்த வாரம்
- கடந்த மாதம்
சென்னை :"ஆந்திராவில், மத்திய அனல் மின்நிலைய உற்பத்தி முழுமையும், அம்மாநிலத்துக்கு வழங்குவதை போல், தமிழகத்தில் உள்ள மத்திய மின் உற்பத்தி முழுவதையும் தமிழகத்திற்கே வழங்க வேண்டும்' என, பிரதமர் மன்மோகன் சிங்கிற்கு, முதல்வர் ஜெயலலிதா கடிதம் மூலம் கோரிக்கை விடுத்துள்ளார்.
முதல்வர் எழுதியுள்ள கடித விவரம்:தமிழகம், முன், எப்போதும் இல்லாத அளவிற்கு, கடும் மின் பற்றாக்குறையில் தவித்து வருகிறது. மின் தேவை, தற்போது, 12 ஆயிரம் மெகாவாட்டாக இருக்கும் போது, பல உற்பத்தி பிரிவுகளிலும் இருந்து, 8,000 மெகாவாட் மட்டுமே கிடைக்கிறது; பற்றாக்குறை, 4,000 மெகாவாட்டாக உள்ளது.தமிழகத்திற்கு, கூடுதல் மின்சாரம் வழங்க வேண்டும் என்ற, எங்கள் கோரிக்கைக்கு, எதிர்மறையாக, மத்திய அரசு நடந்து கொள்வது ஏமாற்றத்தை அளிக்கிறது.கடந்தாண்டு, ஜூன், 6ம் தேதி, 1,000 மெ.வா., கூடுதலாக ஒதுக்க வேண்டும் என்று கேட்டதற்கு, மிகக் குறைந்த அளவாக, 100 மெ.வா., மட்டுமே ஒதுக்கப்பட்டது. தொடர்ந்து, இந்தாண்டு அக்., 23ம் தேதி ஒரு கடிதம் எழுதினேன்.
பாதக செயல்பாடு:
அக்கடிதத்தில், டில்லி அரசு திருப்பியளித்த, மத்திய மின் உற்பத்தி நிலைய மின்சாரத்தை, தமிழகத்திற்கு ஒதுக்க வேண்டும் என்று கேட்டிருந்தேன். மின் பரிமாற்ற விஷயத்தை காட்டி, தொடர்ந்து, மத்திய அரசு பாதகமாகவே செயல்பட்டு வருகிறது.எனவே, தமிழகத்தில் உள்ள மத்திய மின் உற்பத்தி நிலையங்களான, நெய்வேலி பழுப்பு நிலக்கரி கழகம், கல்பாக்கம் அணுமின் நிலையம், மற்றும் சமீபத்தில் உற்பத்தி துவக்கப்பட்ட, வல்லூர் அனல் மின் நிலையம் ஆகியவற்றில் இருந்து கிடைக்கும், 2,830 மெ.வா., மின்சாரத்தை தமிழகத்திற்கு வழங்க வேண்டும்.தமிழகத்திற்குள், மின் பரிமாற்ற கட்டுப்பாடுகள் இல்லை. எனவே, புதிய மின் திட்டங்களில், முழுமையான மின் உற்பத்தி துவக்கப்படும் வரை, தமிழக மக்கள் எதிர்கொள்ளும், கடுமையான மின் பற்றாக்குறையை சமாளிக்கும் வகையில், இடைக்கால ஏற்பாடாக, இதை வழங்க வேண்டும்.கூடங்குளம் அணுமின் நிலையம் இயங்க, தமிழக அரசு தேவையான நடவடிக்கைகளை எடுத்துள்ளது, தங்களுக்கு தெரியும்.
2,000 மெகாவாட்:
எனவே, கூடங்குளம் திட்டத்தில், முழுமையாக மின்சாரம் உற்பத்தி செய்யப்படும் போது, அங்கிருந்து கிடைக்கும், 2,000 மெகவாட் மின்சாரத்தையும் தமிழகத்திற்கே தருவீர்கள் என எதிர்பார்க்கிறேன். ஆந்திராவில், தேசிய அனல் மின் கழகத்தால், சிம்ஹாத்ரியில் நிறுவப்பட்டுள்ள, மத்திய மின் உற்பத்தி நிலையத்தில், உற்பத்தி செய்யப்படும், 1,000 மெகவாட் மின்சாரம் முழுமையும், அம்மாநிலத்திற்கே வழங்கப்படுகிறது.எனவே, மத்திய அரசு அதே அளவுகோலில், கூடங்குளத்தில் உற்பத்தி செய்யப்படும் மின்சாரம் முழுமையையும், மின் பற்றாக்குறையில் தவித்து வரும் தமிழகத்திற்கு, வழங்கவேண்டும்.மேலும், இடைக்கால நிவாரணமாக, தமிழகத்தில் உள்ள மத்திய மின் நிலையங்களில் உற்பத்தியாகும் மின்சாரத்தை, தமிழகத்திற்கு வழங்க வேண்டும். இவ்வாறு அதில் கூறப்பட்டுள்ளது.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
சரியாகத்தான் கோரிக்கை விடுத்துள்ளார்,,இன்றைய மாண்புமிகு தமிழக முதல்வர் அவர்கள்,,,தமிழகம் மக்கள் கடும் அவதியில் மின்சாரத்தால் பாதித்துள்ளது,,, அதனால் கூடங்குளத்தில் உருவாக்கப்படும் மின்சாரத்தை முழுமையாக தமிழகத்துக்கே வழங்க வேண்டும்..
அரசியல் லாபத்துக்காக, கடிதம் எழுதி அரசியல் சூழ்ச்சி செய்யும் அடிமுட்டாள்தனத்தை தவிர்த்து, நெய்வேலியில் உங்கள் உடலை வருத்தி , உண்ணா நோன்பு இருந்தால் கண்டிப்பாக ஒரு வழி பிறக்கும்.
போங்காப்ப போய் நம்மால என்ன பண்ண முடியுமோ அத பண்ணுங்க
மின்சாரம் இல்லை..... அதற்கு.,முந்தைய அரசான திமுக வும், மத்திய அரசும்தான் காரணம் ... டெங்கு காய்ச்சல்.... அது முந்தைய திமுக அரசின் அஜாக்கிரதையே காரணம்... சென்னையில் எங்கு பார்த்தாலும் குப்பை கூளங்கள்... அதற்கு நிச்சயமாக நாங்கள் பொறுப்பல்ல.. திமுகவினர் ஆட்சி செய்தபோது, அதை ஒழுங்காக அகற்றி இருந்தால், இன்று இப்படியொரு நிலைமை ஏற்ப்பட்டிருக்காது.... விவசாயிகள் தற்கொலை முயற்சி... அது கருணாநிதியின் தூண்டுதலில் பேரிலேயே நடக்கிறது..... காற்றில்லாமல் காற்றாலைகள் இயங்கவில்லை.... அது கருணாவின் திட்டமிட்ட சதி... அதனால்தான் ஆட்சியை உங்களிடம் ஒப்படைத்தோம். நீங்கள் என்ன செய்கிறீர்கள்...? என் தலைமையிலான அதிமுக அரசு, தினம் கோடி ரூபாய்களுக்கான திட்டங்களை அறிவிக்கிறோம்... எதிர் கட்சிகளை பயமுறுத்துகிறோம். வழக்கு போடுகிறோம்.. மேலும் எதிர் கட்சி MLA க்களை இழுக்க ராப்பகலாக பாடுபடுகிறோம்... எனது தலைமையிலான அதிமுக அரசு,மக்கள் நலனை மட்டுமே கருத்தில் கொண்டு, மக்களுக்காகவே பாடுபடும் அரசு... ஆகவே வரும் பாராளுமன்ற தேர்தலில் மக்கள் எங்களுக்கு நாற்பதுக்கு நாற்பதும் வழங்கி சந்தொஷப்படுத்துவார்கள்????
/// அம்மா அவர்களை, மீண்டும் மீண்டும் இதையே தான் நான் கேட்கிறேன். தமிழக மண்ணில் உற்பத்தியாகும் மின்சாரத்திற்கு, தமிழ் மக்களுக்கே முதல் உரிமை. /// நல்ல கருத்து, இதைபோல தான், கேரளமும் கர்நாடகாவும் சொல்கிறது.. அப்புறம் ஏன் நீதிமன்றமும்.. மத்திய அரசையும் - நாடி ஓடுகிறோம் திரு ஜெய்.
மத்திய அரசே கொடுக்க நினைத்தாலும் நம்ம தாத்தா கொடுக்க விட மாட்டார். ஏன் என்றால் இதை காரணமாக வைத்து ஒட்டு கேட்கலாம்.....ச்சே மக்கள் செத்தாலும் பிழைத்தாலும் பரவாயில்ல ஆனா நீங்க கோடி கோடியா சுருட்டனும்,,,,,உங்கள் தலை முறைகளுக்கு சொத்து சேர்த்து வைக்க வேண்டும்...மனசாட்சியே இல்லாத ஜென்மங்கள்
ஈகோவினால் இரண்டு கட்சியும் ஒன்று சேர்ந்து போராடாது. உண்மையாக மக்கள் மேல் அக்கறை இருந்ததால் தி மு க மத்திய அரசிடம் பேசி இருக்கும். குஜராத்து போல் மின் துறையில் முன்னேற வேண்டுமானால் கடின உழைப்பு தேவை. அது இங்கு இருக்கும் அரசாங்கத்திடமோ, அரசு ஊழியர்களிடமோ இல்லை. மக்களுக்கு கஷ்டம்தான்.
கடிதம் எழுதி கொண்டு இருந்தால் எதுவும் நடக்காது. நேராக டெல்லி சென்று சோனியா காந்தி அம்மையாரை சந்தித்து பேசுங்கள் ( ஈகோவை விட்டு விட்டு ) உங்கள் கோரிக்கை உடனே நிறைவேறும்.
சொன்ன வாக்கை அம்மா கண்டிப்பாக காப்பாற்ற வேண்டும்...தமிழ் நாட்டில் அனைத்து இடங்களிலும் ஒரே மாதிரி மின் வெட்டு அமல் படுத்த வேண்டும்....மின் பற்றாகுறை தீரும் வரை...( இது எப்ப நடக்கும்னு தான் தெரியல )
ஆக மொத்ததுல நீங்க ஏதும் செய்ய மாட்டீங்க. மத்திய அரசுதான் செய்யனுமா? அவிங்களுக்குதான் தமிழன் என்றாலே பிடிக்காதே அப்பறம் எப்படி
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us