Powercut affects sewing passion | தினமும் 14 மணி நேரம் மின்வெட்டு தையல் தொழிலாளர்களும் பாதிப்பு | Dinamalar

சம்பவம் செய்தி

தமிழ்நாடு

தினமும் 14 மணி நேரம் மின்வெட்டு தையல் தொழிலாளர்களும் பாதிப்பு

Added : டிச 26, 2012 | கருத்துகள் (1)
Advertisement
 
 
Advertisement
 
 
Advertisement

பெரியகுளம்: ஆங்கில புத்தாண்டு மற்றும் பொங்கல் பண்டிகைகள் நெருங்கி வருவதால், ஜவுளிக்கடைகளில் கூட்டம் அதிகரித்து வருகிறது. ஆயத்த ஆடைகளை 20 சதவீதத்தினர் மட்டுமே நாடிச்செல்கின்றனர். பெரும்பாலோர் துணிகளை தைத்து அணிவதிலேயே, ஆர்வம் காட்டுகின்றனர். தென்மாவட்டங்களில், 10 ஆயிரத்திற்கும் அதிகமான தையல் தொழிலாளர்கள் உள்ளனர். இவர்களில் பலர், தினமும் 14 மணி நேரம் மின்வெட்டு அமலில் இருப்பதால், பவர் மிஷினை பயன்படுத்தி, ஆர்டர் துணிகளை தைப்பதில் சிரமப்படுகின்றனர். இதனால், இவர்கள் பவர் மிஷினை ஓரம் கட்டி விட்டு, பழைய பெடல் (கால்களால் அமுக்கி வயர் சக்கரத்தை சுழற்றி தைக்கும்) இயந்திரத்தையே பயன்படுத்துகின்றனர். இதனால் புதிய பெடல் இயந்திரம் 4000 ரூபாயில் இருந்து, 8000 ரூபாயாக, இரண்டு மடங்காக விலை உயர்ந்துள்ளது. இரண்டாம் நிலை மிஷின்களுக்கும் கிராக்கி ஏற்பட்டுள்ளது. தமிழ்நாடு தையல் கலை தொழிலாளர்கள் முன்னேற்ற சங்கத்தின் பெரியகுளம் நகர செயலாளர் ராஜபாண்டி கூறியதாவது: காலமாற்றத்திற்கு ஏற்க, பவர் மிஷின்களை வாங்கி, துணிகள் தைத்து வந்தோம். மின்தடையால் பவர் மிஷினுக்கு "குட்பை' சொல்லிவிட்டு, பழைய பெடல்மிஷினை வாங்கியுள்ளோம். மின்தடையால் 20 ஆயிரம் ரூபாய்க்கு வாங்கிய பவர் மிஷினை, 7000 ரூபாய்க்கு கேட்கக்கூட ஆளில்லை, என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
26-டிச-201209:58:53 IST Report Abuse
Guru இன்னும் 8 மணிநேர மின்சாரம் இருக்கிறதா .. பரவயில்லையே
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை