Trees smuggles in ooty | லாரிகளில் நாவல் மரங்கள் கடத்தல்| Dinamalar

சம்பவம் செய்தி

தமிழ்நாடு

லாரிகளில் நாவல் மரங்கள் கடத்தல்

Added : டிச 26, 2012
Advertisement
 
 
Advertisement
 
 
Advertisement

ஊட்டி: ஊட்டி, மஞ்சூர் சுற்றுப்புற பகுதிகளில், விதிமுறைகளை மீறி, நாவல் மரங்கள் வெட்டப்பட்டு, இரவில் கடத்துவதற்காக, தேயிலை தோட்டத்தில், பதுக்கி வைக்கப்பட்டுள்ளன. நீலகிரி மாவட்டத்தில், தேயிலை தோட்டங்களுக்கு, இடையே, நிழலுக்காக, சில்வர் ஓக் மரம், நாவல் மரங்கள் வளர்க்கப்படுகின்றன. கடந்த சில ஆண்டுகளாக,தேயிலை தோட்டங்களில், சில்வர் ஓக் மரம், நாவல் மரங்கள் வெட்டப்படுகின்றன. ஒரு, "பெர்மிட்' வாங்கி, சில்வர் ஓக் மரங்கள் வெட்டப்பட்டு, லாரிகளில் ஏற்றும் போது, அதன் இடையே, நாவல் மரத்தை கடத்துவது, சில மர வியாபாரிகளின் வாடிக்கையாக உள்ளது. மஞ்சூரின் பல பகுதிகளில் உள்ள, தேயிலை தோட்டங்களில், பல லட்சம் ரூபாய் மதிப்புடைய நாவல் மரங்கள் அனுமதியில்லாமல் வெட்டப்பட்டு, இரவு நேரங்களில் லாரிகளில் கடத்தப்படுகின்றன. உள்ளூர் மக்கள் கூறுகையில், "வனத்துறை அமைச்சகத்தின் சார்பில், மரங்களை எடுத்து செல்ல, சமீபத்தில் கொண்டு வரப்பட்ட தளர்வுக்கு பின், பல்வேறு பட்டியல் வகை மரங்கள் இவ்வாறு கடத்தப்படுகின்றன' என, குற்றம் சாட்டினர்.இப்பகுதி வன ஊழியர்களிடம் கேட்டபோது, "குறிப்பிட்ட இடங்களில் ஆய்வு செய்யப்படும்' என்ற, வழக்கமான பதிலைக் கூறினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை