DISTRICT NEWS | "நிதி நிறுவனங்கள் குறித்த விழிப்புணர்வு தேவை'| Dinamalar

பொது செய்தி

தமிழ்நாடு

"நிதி நிறுவனங்கள் குறித்த விழிப்புணர்வு தேவை'

Added : டிச 26, 2012
Advertisement
 
 
Advertisement
 
 
 
Advertisement

அன்னூர் : "வங்கியல்லாத நிதி நிறுவனங்கள் குறித்து சுய உதவி குழுக்கள் விழிப்புணர்வாக இருக்க வேண்டும்,' என குன்னத்தூரில் நடந்த பயிற்சி வகுப்பில் அறிவுறுத்தப்பட்டது.
சேவா பாரதி தொண்டு நிறுவனம் சார்பில், குன்னத்தூரில், மகளிர் சுய உதவி குழுக்களுக்கு ஒரு நாள் பயிற்சி வகுப்பு நடந்தது. பயிற்சி வகுப்பில், மாநில பொருளாளர் ராமகிருஷ்ணன் பேசுகையில்,""சுனாமி, குஜராத் பூகம்பம் மற்றும் நீலகிரி மாவட்ட நிலச்சரிவின்போது, சேவா பாரதி அமைப்பை சேர்ந்த ஆயிரத்திற்கும் மேற்பட்டவர்கள் நிவாரண பணியில் ஈடுபட்டனர். குழு உறுப்பினர்கள் பொருளாதாரத்தில் முன்னேற்றம் அடைவது எவ்வளவு முக்கியமோ, அதை விட நம் பண்பாடு, கலாச்சாரம் ஆகியவற்றை பேணி காப்பதும், குழந்தைகளுக்கு கற்றுக்கொடுப்பதும் முக்கியம். குழு உறுப்பினர்கள் தங்கள் பகுதியில் இலவச டியூஷன் மையம் நடத்தலாம்,'' என்றார். மகளிர் குழு ஒன்றிய ஒருங்கிணைப்பாளர் காஞ்சனா மணி பேசுகையில்,""சில தனியார் வங்கிகளும், வங்கியல்லாத நிதி நிறுவனங்களும், கிராமங்களுக்கு வந்து, அதிக வட்டிக்கு குழுக்களுக்கு பணம் தருகின்றன. அதிக வட்டியால், அந்த கடனிலிருந்து எளிதில் மீள முடியாது. இதுகுறித்து, குழுக்களுக்கு விழிப்புணர்வு ஏற்படுத்த வேண்டும்.
இந்தியன் வங்கி, மத்திய கூட்டுறவு வங்கி உள்ளிட்ட பொதுத்துறை வங்கிகளில், குறைந்த வட்டியில் கடன் வழங்கப்படுகிறது என்பதை அனைத்து குழுக்களுக்கும் தெரிவிக்க வேண்டும்,'' என்றார்.மாவட்ட செயலாளர் சுப்புராஜ், நிர்வாகி கிருஷ்ணம்மாள் ஆகியோர் பேசினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை