Man arrested to note Chidambaram | மத்திய அமைச்சர் சிதம்பரத்தை ரகசிய நோட்டமிட்ட வாலிபர் : கியூ பிரிவு போலீசார் தீவிர விசாரணை| Dinamalar

சம்பவம் செய்தி

தமிழ்நாடு

மத்திய அமைச்சர் சிதம்பரத்தை ரகசிய நோட்டமிட்ட வாலிபர் : கியூ பிரிவு போலீசார் தீவிர விசாரணை

Added : டிச 26, 2012
Advertisement
 
 
Advertisement
 
 
 
Advertisement

சென்னை: மத்திய அமைச்சர் சிதம்பரத்தை, அலைபேசியில் படம் பிடித்து, வீட்டை ரகசிய நோட்டமிட்ட, கேரள மாநில வாலிபரிடம், கியூ பிரிவு போலீசார் ரகசிய விசாரணை நடத்தி வருகின்றனர். கேரள மாநிலம் மூவாத்துப்புளையைச் சேர்ந்தவர் அமீர்தவாகா, 34. இவர், கடந்த சில மாதங்களுக்கு முன், சென்னை விமான நிலையத்தில், மத்திய அமைச்சர் சிதம்பரத்தை, அலைபேசியில் படம் பிடித்து பரபரப்பை ஏற்படுத்தினார். போலீசார் அவரை கைது செய்து, புழல் சிறையில் அடைத்தனர்.
இந்த நிலையில், தன்னை படம் பிடித்தவரை மன்னித்து விட்டு விடும்படி, சிதம்பரம் கேட்டுக்கொண்டதன் பேரில், போலீசார் அவரை விடுவித்தனர். நிபந்தனை ஜாமினில் வெளியே வந்துள்ள அந்த வாலிபர், கடந்த 18ம் தேதியில் இருந்து, விமான நிலைய காவல் நிலையத்தில், தினமும் கையெழுத்துப் போட்டு வருகிறார். இதற்கு முன், அமெரிக்க போயிங் நிறுவனம் தயாரித்த மிகப்பெரிய, "ட்ரீம் லைன்' விமானத்தை, நண்பருடன் படம் பிடித்து, போலீசில் மாட்டிக் கொண்டார்.
இந்த நிலையில், சில தினங்களுக்கு முன், நுங்கம்பாக்கம் பைகிராப்ஸ் தோட்டத்தில் உள்ள, மத்திய அமைச்சர் சிதம்பரம் வீட்டை ரகசியமாக நோட்டமிட்டுள்ளார். அவரிடம், ஆயிரம் விளக்கு மற்றும், "கியூ' பிரிவு போலீசார் விசாரணை நடத்தி வருகின்றனர். "பேஸ் புக்கில் இடம்பெற செய்வதற்காகவே மத்திய அமைச்சரை படம் பிடித்தேன். என்னை மன்னித்து விடும்படி அவர் கூறியதை அறிந்து, அதற்காக நன்றி தெரிவிக்க வந்தேன். மேலும், சென்னையில் தங்கி கையெழுத்து போடுவது சிரமாக உள்ளதால், வழக்கை வாபஸ் வாங்கிக்கொள்ள வேண்டும் என, கேட்டுக்கொள்ள நேரில் சந்திக்க, வீட்டுப்பக்கம் வந்தேன்' என, தெரிவித்துள்ளார். இந்த வாலிபர் மீது சந்தேகம் வலுத்துள்ளதால், "கியூ' பிரிவு போலீசார் தொடர் விசாரணை நடத்தி வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை