One arrested for attacking police | போலீஸ் ஏட்டுவை கத்தியால் கீறியவர் கைது : "கத்தி' போட்ட "ஆண்டி'| Dinamalar

சம்பவம் செய்தி

தமிழ்நாடு

போலீஸ் ஏட்டுவை கத்தியால் கீறியவர் கைது : "கத்தி' போட்ட "ஆண்டி'

Added : டிச 26, 2012
Advertisement
 
 
Advertisement
 
 
Advertisement

திருப்புவனம்: ஓடும் பஸ்சில் மானாமதுரை போலீஸ் ஏட்டுவை, கத்தியால் கீறியவரை, திருப்புவனம் போலீசார் கைது செய்தனர். திருப்புவனம் புதூர் முஸ்லிம் தெருவைச் சேர்ந்த ஜஹாங்கீர், 45; மானாமதுரை ஸ்டேஷனில் ஏட்டாக உள்ளார். இவரும், திருப்பாச்சேத்தி சிறப்பு எஸ்.ஐ.,யும், நேற்று முன்தினம் இரவு 9 மணிக்கு, மானாமதுரையிலிருந்து பஸ்சில், திருப்புவனம் வந்தனர். இதே பஸ்சில், ராமநாதபுரம் மாவட்டம், உச்சப்புளி அருகேயுள்ள அகஸ்தியர்கூட்டம், முனியசாமி மகன் ஆண்டி ஆனந்தன், 38, இவர்களை கவனித்து கொண்டே வந்துள்ளார். திருப்பாச்சேத்தியில் எஸ்.ஐ., இறங்கி விட்டார். பஸ்சில் திருப்புவனம் வந்த ஏட்டு ஜஹாங்கீருக்கும், ஆண்டி ஆனந்தனுக்கும் தகராறு ஏற்பட்டுள்ளது. அப்போது ஏட்டு,"டேய், நான் போலீஸ், என்னிடமே தகராறு செய்கிறாயா' என்று கேட்டுள்ளார். பஸ்சில் இருந்த மற்ற பயணிகளும் சத்தம் போட்டுள்ளனர். கோபமடைந்த "ஆண்டி' கையில் இருந்த கத்தியால், ஜஹாங்கீர் கழுத்தில் இரண்டு இடத்தில் கீறிவிட்டு, தப்பியோட முயற்சித்தார். உடனே, திருப்புவனம் ஸ்டேஷனுக்கு தகவல் தெரிவித்ததால், பஸ் ஸ்டாப்புக்கு வந்த போலீசார் காயமடைந்த ஏட்டுவை அரசு மருத்துவமனையில் சிகிச்சைக்கு சேர்த்தனர். இன்ஸ்பெக்டர் சந்திரன், ஆண்டி ஆனந்தனை கைது செய்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை