Vaiko speech in madurai | மதுவுக்கு எதிராக பெண்களின் கிளர்ச்சி எழும் : வைகோ ஆவேசம்| Dinamalar

அரசியல் செய்தி

தமிழ்நாடு

மதுவுக்கு எதிராக பெண்களின் கிளர்ச்சி எழும் : வைகோ ஆவேசம்

Added : டிச 26, 2012
Advertisement
மதுவுக்கு எதிராக பெண்களின் கிளர்ச்சி எழும் : வைகோ ஆவேசம்

மதுரை: ""மது எனும் அரக்கனால், தினமும் செத்துப் பிழைக்கும் பெண்களால், தமிழகத்தில் பெரும் கிளர்ச்சி எழும்,'' என, ம.தி.மு.க., பொதுச் செயலாளர் வைகோ பேசினார். மதுவிலக்கு கோரி, வைகோவின் நடைபயணம், மதுரையில் நேற்று, நிறைவுற்றது. அதை முன்னிட்டு நடந்த பொதுக்கூட்டத்திற்கு அவைத்தலைவர் துரைசாமி தலைமை வகித்தார். நகர்
செயலாளர் பூமிநாதன் வரவேற்றார்.

வைகோ பேசியதாவது: எந்த மதமும் மதுவை ஆதரிக்கவில்லை. டில்லியில் மருத்துவக் கல்லூரி மாணவியை, மது அருந்திய ஏழு பேர், பாலியல் பலாத்காரம் செய்தனர். மது அருந்தியதால், இவர்கள் மனிதர்களாக இல்லை. தூத்துக்குடி பள்ளிச்
சிறுமி புனிதாவை, மது அருந்திய கொடூரன் அழித்தான். நான்கு வயது பச்சிளம் குழந்தையை குடிகாரன் சீரழித்துள்ளான். மிருகங்களை நான் இழிவாக பேசமாட்டேன்; ஆனால், மிருகங்கள் இதை செய்யாது. இதை எந்த சட்டத்தால், தடுக்கப் போகின்றனர்; இவர்களால் தடுக்க முடியாது. காமராஜர் பள்ளிகளை திறந்தார்; அண்ணாதுரை கல்லூரிகளை திறந்தார். ராஜாஜி கவர்னராக இருந்தபோது, முதல்வராக இருந்த கருணாநிதியை சந்தித்து, மது விலக்கை அமல்படுத்தும்படி கோரினார். அதற்கு, கருணாநிதி, ""மற்ற மாநிலங்களில் மது விலக்கு அமல் படுத்தினால், தமிழகத்திலும் மது விலக்கு அமல்படுத்தப்படும்,'' என்றார். இதுகுறித்து ராஜாஜி கூறும்போது, ""நம்பிக்கையுடன் சென்றேன்; தற்போது மனக்கலக்கத்தில் உள்ளேன்,'' என மனம் வெதும்பினார். மது எனும் அரக்கனால், தினமும் செத்துப்பிழைக்கும் பெண்களால், தமிழகத்தில் கிளர்ச்சி எழும். "சூப்பர்' மதுக்கடைகளை திறக்க விடமாட்டோம், என்றார். பாதிரியார் அருள், துணை பொதுச் செயலாளர்கள் நாசரேத் துரை, மல்லை சத்யா,துரைபாலகிருஷ்ணன், பொருளாளர் மாசிலாமணி, கொள்கை விளக்க அணிச் செயலாளர் அழகுசுந்தரம், நிர்வாகிகள் முகமதுமின்னல் அலி, மகபூப்ஜான், எஸ்.ரஞ்சித்குமார், கே.முருகன், விடியல் நண்பர்கள் குழு கலந்து கொண்டனர். மாவட்ட அவைத்தலைவர் சின்னசெல்லம் நன்றி கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை