DISTRICT NEWS | காய்ந்து, சருகாகி நிற்கும் சோளத்தட்டு:பால் உற்பத்தியாளர்கள் கவலை| Dinamalar

தமிழ்நாடு

காய்ந்து, சருகாகி நிற்கும் சோளத்தட்டு:பால் உற்பத்தியாளர்கள் கவலை

Updated : டிச 26, 2012 | Added : டிச 26, 2012
Advertisement
காய்ந்து, சருகாகி நிற்கும் சோளத்தட்டு:பால் உற்பத்தியாளர்கள் கவலை

அவிநாசி : "கறவை மாடுகளுக்கான தீவனங்கள் விலை உயர்ந்துள்ளது. ஆனால், பால் விலை மட்டும் உயரவில்லை,' என பால் உற்பத்தியாளர்கள் கவலையோடு தெரிவித்தனர். நடப்பாண்டில் பருவ மழை எதிர்பார்த்த அளவு பெய்யாததால், விவசாய பணிகள் பாதித்துள்ளன. டெல்டா மாவட்டங்களில் தண்ணீர் இன்றி கருகும் நெற்பயிர்களை பார்த்து, விவசாயிகள், தற்கொலை செய்து கொள்வது அதிகரித்து வருகிறது. விவசாயத்துக்கு தண்ணீர் இல்லாத கொடுமை ஒருபுறமிருக்க, கறவை மாடுகளுக்கான தீவனங்கள் விலை பன்மடங்கு எகிறி வருகிறது.
மழை இல்லாததால், மாடுகளுக்கு முக்கிய உணவான சோளப்பயிர்கள் காய்ந்து கருகி வருகின்றன. அவிநாசி வட்டாரத்தில் பெரும்பாலான இடங்களில் எங்கு பார்த்தாலும் கருகிய சோளப்பயிர்களே தென்படுகின்றன. கடந்தாண்டு 22 கட்டு கொண்ட சோளத்தட்டு ரூ.500க்கு விற்றது; அதன் விலை இப்போது ரூ.1,300; ரூ.500க்கு விற்பனையான 50 கிலோ தவிடு ரூ.650; கிலோ ரூ.11க்கு விற்ற உளுந்து குருணை ரூ.18; ரூ.12க்கு இருந்த தேங்காய், கடலை புண்ணாக்கு ரூ.17; ஒரு கிலோ ரூ.3க்கு கிடைத்த மக்காச்சோள மாவு ரூ.13; ரூ.800க்கு விற்கப்பட்ட 50 கிலோ மாட்டுத்தீவனம் ரூ.1,400 என மாட்டு தீவனங்களின் விலை பட்டியல் எகிறி உள்ளதால், பால் உற்பத்தியாளர்கள் பரிதவித்து வருகின்றனர்.திருப்பூர் மாவட்ட பாரதிய கிஸான் சங்க தலைவர் வேலுசாமி கூறியதாவது:மழையில்லாததால், ஆழ் துளை கிணற்றில் கிடைக்கும் தண்ணீரை பயன்படுத்தி பெயரளவுக்கு விவசாயம் செய்கிறோம். பசு மாட்டை வைத்து பிழைக்கும் சிறு, குறு விவசாயிகளை, தீவனம் விலை உயர்வு நசுக்குகிறது. மானாவாரியாக விளையும் சோளத்தட்டை கொடுக்கலாம் என்றால், தண்ணீர் இல்லாமல் அதுவும் கருகி நிற்கிறது.
ஒரு லிட்டர் பாலுக்கு ரூ.1 உயர்த்தி கொடுத்தால், மறுநாளே, டீக்கடைகளில் ஒரு டீக்கு ரூ.2 ஏற்றுகின்றனர். விவசாயிகள், பால் உற்பத்தியாளர்களின் ஜீவாதார பிரச்னைகளில் அரசு தலையிட்டு நிவாரணம் வழங்க வேண்டும். குறிப்பாக, பால் கொள்முதல் விலையை உடனே உயர்த்த வேண்டும்.இவ்வாறு, அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை