DISTRICT NEWS | வெப்பத்தை தணிக்க சேற்றில் குளியல் முதுமலையில் யானைகள் உற்சாகம்| Dinamalar

தமிழ்நாடு

வெப்பத்தை தணிக்க சேற்றில் குளியல் முதுமலையில் யானைகள் உற்சாகம்

Added : டிச 26, 2012
Advertisement
 
 
Advertisement
 
 
Advertisement

கூடலூர் : முதுமலை புலிகள் காப்பகத்தில், காட்டு யானைகள் சேற்றில் குளித்து வெப்பத்தின் தாக்கத்தை தணிக்க துவங்கியுள்ளன.
முதுமலை புலிகள் காப்பகத்தில் தற்போது வறட்சி ஏற்பட துவங்கியுள்ளது. இதனால், வனப் பகுதி பசுமை இழந்து வருவதுடன், நீர் நிலைகளில் தண்ணீர் வரத்து குறைந்து வருகிறது. காலநிலையிலும் பெரும் மாற்றம் ஏற்பட்டுள்ளது.
பகல் நேரத்தில் வெயிலின் தாக்கம் அதிகரித்து உள்ளதால், வன விலங்குகள், நிழல் தரும் மரத்தின் அடியில் படுத்து ஓய்வெடுக்க துவங்கியுள்ளன. ஆனால், எப்போதும் உணவுக்காக நடந்து கொண்டே இருக்கும் யானைகள், வெயிலின் தாக்கத்தினால் சிரமப்பட்டு வருகின்றன. இதன் தாக்கத்தை போக்க, யானைகள் நீர் குட்டைகளில் சேற்று நீரை, தும்பி கையால் உடலில் தெளித்து கொண்டு, பின் சேற்றில் படுத்து உருண்டு, குளியலில் ஈடுபட்டு உற்சாகமடைகின்றன.
வனத்துறையினர் கூறுகையில் "தற்போது நிலவும் காலநிலையில் யானைகள் வெப்பத்தின் தாக்கத்திலிருந்தும், கொசு கடியிலிருந்தும் எளிதாக தப்பித்துக் கொள்ள மண் குளியல் உதவுகிறது' என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை