district news | 1,400 கிலோ பதுக்கல் ரேஷன் அரிசி பறிமுதல்| Dinamalar

தமிழ்நாடு

1,400 கிலோ பதுக்கல் ரேஷன் அரிசி பறிமுதல்

Added : டிச 26, 2012
Advertisement
 
 
Advertisement
 
 
Advertisement

ஆலங்குடி: அரிசிக்கடைக்காரர் குடோனில் பதுக்கி வைக்கப்பட்டிருந்த, 1,400 கிலோ ரேஷன் அரிசி பறிமுதல் செய்யப்பட்டது.
புதுக்கோட்டை மாவட்டம், ஆலங்குடி அருகே வெட்டான் விடுதி சந்தைப்பேட்டை பகுதியில், ராமசாமி என்பவர் அரிசிக்கடை வைத்துள்ளார். இவருக்கு சொந்தமான குடோனில் ரேஷன் அரிசி பதுக்கி வைக்கப்பட்டிருப்பதாக, கறம்பக்குடி வட்ட வழங்கல் அலுவலர் செல்வகணபதிக்கு ரகசிய தகவல் கிடைத்தது.
அதையடுத்து, மாவட்ட வழங்கல் அலுவலர் ராஜசேகர், செல்வகணபதி மற்றும் வருவாய்துறை ஊழியர்கள், ராமசாமியின் அரிசி குடோனில் நேற்று அதிகாலை, 3 மணியளவில் திடீர் ஆய்வு மேற்கொண்டனர். அங்கு, 1,400 கிலோ ரேஷன் அரிசி, பல மூட்டைகளாக பதுக்கி வைக்கப்பட்டிருந்தன.
அவற்றை பறிமுதல் செய்து, தமிழ்நாடு நுகர்பொருள் வாணிபக்கழக குடோனில் ஒப்படைத்தனர். பதுக்கலில் ஈடுபட்ட ராமசாமியை பிடித்து விசாரித்து வருகின்றனர். ஆலங்குடி பகுதிகளில், 1,400 கிலோ ரேஷன் அரிசி பிடிப்பட்ட சம்பவம் பெரும் பரபரப்பை ஏற்படுத்தியுள்ளது.
*ஆலங்குடியில் அமோகம்: தற்போது ஆலங்குடி அருகே பதுக்கல் ரேஷன் அரிசி பிடிப்பட்டுள்ளது. ஆலங்குடி மார்க்கெட் பகுதியில் உள்ள பல அரிசிக்கடைகளில் ரேஷன் அரிசி பதுக்கி வைக்கப்பட்டு, விற்பனை செய்யப்படுகிறது.
எனவே, வழங்கல் அதிகாரிகள் ஆலங்குடி பகுதிகளில் உள்ள அரிசிக்கடைகளில் ஆய்வு செய்து, பதுக்கல் ரேஷன் அரிசி மூட்டைகளை பறிமுதல் செய்யவேண்டும் என, அப்பகுதியைச் சேர்ந்த சமூக ஆர்வலர்கள் விரும்புகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை