district news | அதிவேகமாக வந்த லாரிகளுக்கு சிறை அந்தியூரில் பொதுமக்கள் அதிரடி| Dinamalar

தமிழ்நாடு

அதிவேகமாக வந்த லாரிகளுக்கு சிறை அந்தியூரில் பொதுமக்கள் அதிரடி

Added : டிச 26, 2012
Advertisement
 
 
Advertisement
 
 
 
Advertisement

அந்தியூர்: அந்தியூர் புதுப்பாளையத்தில் அதிவேகமாக வந்த, பத்து டிப்பர் லாரிகளை பொதுமக்கள் சிறைபிடித்தனர்.
அந்தியூர் அருகே புதுமேட்டூர், சின்னத்தம்பிபாளையம், பிரம்மதேசம், வெள்ளையம்பாளையம் உட்பட பல இடங்களில் செங்கல் சூளை இயங்கி வருகிறது. செங்கல் தயாரிக்க பயன்படும் முக்கிய மூலப் பொருளான செம்மண், வெள்ளித்திருப்பூர், குருவரெட்டியூர், எண்ணமங்கலம் உள்ளிட்ட பகுதியில் இருந்து கொண்டு வரப்படுகின்றன. செங்கல் சுடுவதற்கு பயன்படும் மரங்கள், தென்னை மட்டைகள் உள்ளூர் மற்றும் வெளியூர்களிலிருந்து கொண்டு வரப்படுகின்றன.
டிப்பர் லாரிகள் மூலம் லோடு ஏற்றும் செம்மண், பாதுகாப்பற்ற முறையில் மேற்கூரையில், "படுதா' போர்த்தாமல் கொண்டு வரப்படுகின்றன. இதனால், வழி நெடுகிலும் லாரியில் இருந்து செம்மண் சிதறுவதால், இரு சக்கர வாகனங்களில் செல்வோரும், மக்களும் பாதிக்கப்பட்டனர்.
அளவுக்கு அதிகமான செம்மண் பாரம் ஏற்றும் டிரைவர்கள், அதிவேகமாக செல்வதையே வாடிக்கையாக கொண்டுள்ளனர். மேலும், டிரைவர் என்ற பெயரில், பல டிப்பர் லாரிகளை லைசென்ஸ் இல்லாதவர்களே இயக்குவதாகவும், மது அருந்தி லாரி ஓட்டுவதாகவும், 18 வயது பூர்த்தியாகாதவர்களுமே டிரைவர்களாக இருப்பதாகவும், புகார் எழுந்தது.
செங்கல் சூளைக்கு மண் ஏற்றும் லாரிகளால், பல முறை விபத்து நடந்தும் உரிமையாளர்களும், டிரைவர்களும் விதிமுறையை மதிப்பதில்லை. விபத்து நடக்கையில் மட்டும் வரிந்து கட்டிக் கொண்டு நிற்கும் உள்ளூர் போலீஸார், "கவனிப்பால்' கண்டுகொள்வதில்லை.
இச்சூழ்நிலையில், நேற்று காலை, அந்தியூர் புதுப்பாளையம் பகுதியில் அதிக பாரம் ஏற்றி, வேகமாக வந்த டிப்பர் லாரி டிரைவர்களை, மெதுவாக செல்லுமாறு மக்கள் அறிவுறுத்தினர். ஆனாலும், டிரைவர்கள் வேகமாக லாரிகளை ஓட்டியதால், கொதிப்படைந்த மக்கள், பத்து டிப்பர் லாரிகளை சிறைபிடித்தனர். தகவலறிந்த, அந்தியூர் போலீஸார் சம்பவ இடத்துக்கு சென்று, அதிக பாரம் ஏற்றியும், அதிவேகமாகவும் வந்த லாரிகளை பறிமுதல் செய்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை