DISTRICT NEWS | சுற்றுலா பயணிகளின் நலன்காக்க சுகாதார பணிகளை மேம்படுத்த உத்தரவு| Dinamalar

தமிழ்நாடு

சுற்றுலா பயணிகளின் நலன்காக்க சுகாதார பணிகளை மேம்படுத்த உத்தரவு

Added : டிச 26, 2012
Advertisement
 
 
Advertisement
 
 
 
Advertisement

குற்றாலம் : குற்றாலம் பழத்தோட்ட அருவி பகுதியில் உள்ள எக்கோ சுற்றுலா பூங்கா பற்றிய விளக்கங்களை பள்ளி மாணவ, மாணவியர் அனைவரும் அறிந்து கொள்ளும் வகையில் ஏற்பாடு செய்யப்படுமென மாவட்ட கலெக்டர் சமயமூர்த்தி தெரிவித்தார்.நெல்லை மாவட்ட கலெக்டராக பதவியேற்றுள்ள சமயமூர்த்தி நேற்று குற்றாலத்திற்கு வருகை தந்தார். குற்றாலம், மெயின்அருவி, ஐந்தருவி உள்ளிட்ட பகுதிகளையும் பூங்கா பகுதிகளையும் பார்வையிட்டார். தொடர்ந்து கடந்த சில நாட்களுக்கு முன்பு முதல்வரால் வீடியோ கான்பரன்ஸ் மூலம் திறந்து வைக்கப்பட்ட தோட்டக்கலைத்துறைக்கு சொந்தமான எக்கோ சுற்றுலா பூங்காவினை கலெக்டர் சமயமூர்த்தி பார்வையிட்டார்.அங்கு அமைக்கப்பட்டுள்ள செடிகள், நீரூற்று, புல்வெளிகள் ஆகியவற்றை பார்வையிட்ட கலெக்டர் கூறியதாவது:-குற்றாலத்தில் சாரல் காலகட்டங்களில் திடீர், திடீரென மழை பெய்யக்கூடும். அப்போதைய நிலையில் சுற்றுலா பயணிகள் இங்கு வந்து பார்வையிடும்போது மழையில் நனையாமல் இருக்கும் வகையில் ஆங்காங்கே ஷெட்டுகள் அமைக்கப்படும். மேலும் சுற்றுலா பயணிகள் நலன் கருதி டைனிங் டேபிள் வசதி ஏற்படுத்தி தரப்படும். இங்கு அமைக்கப்பட்டுள்ள அனைத்து மரங்களின் பெயர்களை பொருத்திட கேட்டுக் கொள்ளப்பட்டுள்ளது.இங்குள்ள செடி, கொடி, மரங்களின் பலன்கள் குறித்தும் அனைத்து பள்ளி மாணவ, மாணவிகளும் அறிந்திடும் வகையில் ஏற்பாடு மேற்கொள்ளப்படும். சுகாதாரத்தை மேம்படுத்திட குப்பை தொட்டி வசதியும் செய்து கொடுக்கப்படவுள்ளது. இப்பணிகள் அனைத்தும் மேற்கு தொடர்ச்சி மலை அபிவிருத்தி திட்டத்தின் கீழ் மேற்கொள்ள ஏற்பாடு செய்யப்படும். மேலும் சீசன் காலகட்டங்களில் இப்பூங்காவினை பராமரிக்க சுயஉதவிக்குழுகளை சேர்ந்தவர்கள் தற்காலிகமாக பணியமர்த்திடவும் ஆலோசிக்கப்பட்டு வருகிறது. இவ்வாறு அவர் தெரிவித்தார்.மாவட்ட கலெக்டருடன் தென்காசி ஆர்டிஓ ராஜகிருபாகரன், தோட்டக்கலைத்துறை துணை இயக்குநர் ராஜரவிச்சந்திரன், மேலாளர் முத்துமாலை, தென்காசி தாசில்தார் தேவபிரான், வருவாய் ஆய்வாளர் மகேந்திரன் மற்றும் வருவாய்த்துறையினர், தோட்டக்கலைத்துறையினர் வருகை தந்தனர்.பாக்ஸ் : குற்றாலத்தில் மெயின் அருவி உள்ளிட்ட முக்கியபகுதிகளை பார்வையிட்ட மாவட்ட கலெக்டர் சமயமூர்த்தி மெயின் அருவி பகுதிகளில் முழுமையான அளவில் சுகாதார பணிகளை மேற்கொள்ள டவுன் பஞ்., நிர்வாகத்திற்கு உத்தரவிட்டார். ஆங்காங்கே காணப்படும் கழிவுப்பொருட்களை உடனடியாக அப்புறப்படுத்திடவும், ஐந்தருவி பகுதிகளிலும் சுகாதாரத்தை முறையாக கடைபிடிக்கவும் மாவட்ட கலெக்டர் அறிவுறுத்தினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை