vilupuram district news | அதிகாரிகள் வைத்த "சீலை' உடைத்து பார் நடத்திய மூன்று பேர் கைது| Dinamalar

சம்பவம் செய்தி

தமிழ்நாடு

அதிகாரிகள் வைத்த "சீலை' உடைத்து பார் நடத்திய மூன்று பேர் கைது

Added : டிச 26, 2012
Advertisement
 
 
Advertisement
 
 
Advertisement

கள்ளக்குறிச்சி:எலவனாசூர்கோட்டையில் அதிகாரிகளால் சீல் வைக்கப்பட்ட டாஸ்மாக் பாரை உடைத்து கடை நடத்திய மூவரை போலீசார் கைது செய்தனர்.கள்ளக்குறிச்சி பகுதியில் டெண்டர் பணம் செலுத்தாமல் கடை நடத்திய டாஸ்மாக் பார்களுக்கு அதிகாரிகள் "சீல்' வைத்தனர்.இந்நிலையில் கள்ளக்குறிச்சி அடுத்த எலவனாசூர்கோட்டையில் டாஸ்மாக் அருகே (கடை எண் 11,781) சீல் வைக்கப்பட்ட பார் உடைக்கப்பட்டு, செயல்படுவதாக கலெக்டர் சம்பத்திற்கு தகவல் கிடைத்தது.அதன்பேரில் நேற்று டாஸ்மாக் முதுநிலை மண்டல மேலாளர் அண்ணாதுரை, கலால் டி.எஸ்.பி., ஜெயராஜ் தலைமையில், இன்ஸ்பெக்டர்கள் சுரேஷ்பாபு, கோவிந்தராஜ், சப் இன்ஸ்பெக்டர்கள் ராஜதாமரைபாண்டியன், லட்சுமி மற்றும் போலீசார் நேரில் ஆய்வு நடத்தினர்.
அங்கு சீல் உடைக்கப்பட்டு நடத்தப்பட்ட கடையில் இருந்த ஊழியர்கள் பூ.மலையனூர் சேர்ந்த சவுந்தராஜன்,22, தினகரன்,23, நொனையவாடி சேர்ந்த சிவக்குமார்,42, ஆகிய மூவரை போலீசார் கைது செய்தனர்.பாரில் விற்பனை செய்யப்பட்ட 26 குவார்ட்டர் பிராந்தி பாட்டில்கள் பறிமுதல் செய்யப்பட்டது. இது குறித்து கள்ளக்குறிச்சி கலால் போலீசார் வழக்குப் பதிந்து விசாரணை செய்து வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை