35 held on murder case | சுற்றுலா சென்ற இடத்தில்கொலை செய்தவர்கள் | Dinamalar

சுற்றுலா சென்ற இடத்தில்கொலை செய்தவர்கள்

Added : டிச 26, 2012
Advertisement
 
 
Advertisement
 
 
Advertisement

கோல்கத்தா:ஒடிசாவிலிருந்து, மேற்கு வங்கத்திற்கு சுற்றுலா வந்தவர்கள், ஓட்டலில் சாப்பாடு கேட்டு தகராறு செய்ததில், ஓட்டல் உரிமையாளர் கொல்லப்பட்டார். இதையடுத்து, சுற்றுலாப் பயணிகள், 35 பேர், கொலை வழக்கில் சிக்கியுள்ளனர்.மேற்கு வங்கத்தில் பல இடங்களை சுற்றிப் பார்க்க, ஒடிசாவிலிருந்து, 40 பேர், பஸ் ஒன்றில் வந்திருந்தனர். கோல்கத்தா அருகில் உள்ள, பெல்டா என்ற இடத்தில், நேற்று முன்தினம் நள்ளிரவில், பஸ்சை நிறுத்திய சுற்றுலாப் பயணிகள், அங்கிருந்த சிறிய ஓட்டலில், சாப்பாடு கேட்டுள்ளனர்.சாப்பாடு கொஞ்சமாக இருந்ததால், கூடுதல் உணவை, ஓட்டல் பணியாளர்கள் தயாரித்தனர். உணவு கிடைக்க தாமதமாகிறது என்று கூறி, சுற்றுலாப் பயணிகள் ரகளை செய்துள்ளனர்.அவர்களை கண்டித்த, ஓட்டல் உரிமையாளர், அனில் கர் என்பவரை, சுற்றுலாப் பயணிகள் அடித்துக் கொன்றனர். பணியாளர்கள், நான்கு பேருக்கு பலத்த காயம் ஏற்பட்டது. காயமடைந்தவர்களில், மூன்று பேர் நிலைமை மோசமாக இருக்கிறது.தப்பிச் செல்ல முயன்ற சுற்றுலாப் பயணிகள் சுற்றி வளைக்கப்பட்டு, தாக்குதலில் ஈடுபட்ட, 35 பேர், கைது செய்யப்பட்டனர்.சுற்றுலா வந்த இடத்தில் கொலை வழக்கில் சிக்கியவர்கள், செய்வதறியாது திகைத்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை