Officers enquired about Dharmapuri riot | தர்மபுரி அருகே நடந்த கலவரம் : அரசு துறை அலுவலர்களிடம் விசாரணை| Dinamalar

பொது செய்தி

தமிழ்நாடு

தர்மபுரி அருகே நடந்த கலவரம் : அரசு துறை அலுவலர்களிடம் விசாரணை

Added : டிச 26, 2012
Advertisement
 
 
Advertisement
 
 
 
Advertisement

தர்மபுரி : தர்மபுரி அருகே நடந்த கலவரம் தொடர்பாக, அரசு அலுவலர்களிடம், தேசிய மனித உரிமை ஆணைய குழுவினர் விசாரணை நடத்தினர். தர்மபுரி அடுத்த, நாயக்கன்கொட்டாயில், கலப்பு திருமணம் தொடர்பாக, நவம்பர், 7ம் தேதி கலவரம் ஏற்பட்டது. இதில், நத்தம்"காலனி,' அண்ணாநகர், கொண்டம்பட்டியில் உள்ள, 300 வீடுகள் சூறையாடப்பட்டு, தீ வைத்து கொளுத்தப்பட்டன. இது தொடர்பாக, சி.பி.சி.ஐ.டி., போலீசார், விசாரணை நடத்தி வருகின்றனர். இச்சம்பவம் குறித்து தேசிய மனித உரிமை ஆணைய போலீசார், நேற்று முன்தினம், விசாரணை நடத்தினர். கலவரம் பகுதிக்கு தீயணைப்புதுறை வாகனங்கள் செல்ல ஏற்பட்ட காலதாமதம், தீயை அணைக்க எடுத்துக் கொள்ளப்பட்ட நேரம் மற்றும் அப்பகுதியில் ஏற்பட்ட பாதிப்பு குறித்து, தீயணைப்புத் துறை அலுவலர்களிடமும், போக்குவரத்துக்கு இடையூராக, கலவர கும்பல் வெட்டி சாய்த்த மரங்களின் எண்ணிக்கை, அவற்றை அகற்ற, நெடுஞ்சாலையினர் எடுத்துக் கொண்ட நேரம், அப்பகுதியில் பஸ்கள் செல்ல ஏற்பட்ட காலதாமம் குறித்து நெடுஞ்சாலைத்துறையினர் மற்றும் போக்குவரத்து அலுவலர்களிடம், விசாரணை செய்தனர்.
கலவரத்தில் கைது செய்யப்பட்டவர்களின் விபரம் மற்றும் கலவரத்தின் போது, பாதுகாப்பு பணியில் இருந்த போலீசார் விபரங்களை, எஸ்.பி., ஆஸ்ரா கர்கிடம் இருந்து, டி.எஸ்.பி., சச்சின் நேற்று மதியம் பெற்றார். கலவரம் தொடர்பாக கைது செய்யப்பட்டு, சேலம் சிறையில் உள்ள கைதிகள் மற்றும் கலவரத்தின் போது, பாதுகாப்பு பணியில் இருந்த, போலீஸ் அதிகாரிகளிடம், தேசிய மனித உரிமை ஆணைய குழுவினர், விசாரணை செய்ய முடிவு செய்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை