IG beaten by Akalidal leader | ஐ.ஜி.,யை அடித்து து வைத்த அகாலி தளம் கட்சி பிரமுகர் | Dinamalar

ஐ.ஜி.,யை அடித்து து வைத்த அகாலி தளம் கட்சி பிரமுகர்

Added : டிச 26, 2012 | கருத்துகள் (1)
Advertisement
 
 
Advertisement
 
 
 
Advertisement

லூதியானா: பஞ்சாபில், சில நாட்களுக்கு முன், எஸ்.ஐ., ஒருவர், ஆளும் சிரோன்மணி அகாலி தளம் கட்சி பிரமுகரால் சுட்டுக் கொல்லப்பட்ட நிலையில், நேற்று முன்தினம், போலீஸ் ஐ.ஜி.,யை, ஆளுங்கட்சியைச் சேர்ந்தவர் தாக்கி, துப்பாக்கியை பறித்த சம்பவம் நடந்துள்ளது.பஞ்சாப் தலைநகர் அமிர்தசரசில், இம்மாதம் 5ம் தேதி, மகளை தொந்தரவு செய்த, ஆளும் சிரோன்மணி அகாலி தளம் கட்சி பிரமுகர், ரஞ்சித் சிங் ரானாவை, தட்டிக் கேட்ட, போலீஸ் எஸ்.ஐ., ரவிந்தர்பால் சிங் சுட்டுக் கொல்லப்பட்டார்.அந்த சம்பவம் நடந்து, 20 நாட்கள் ஆன நிலையில், மாநில போலீஸ் உளவுப் பிரிவில், ஐ.ஜி.,யாக பணியாற்றுபவரை, அகாலி தள பிரமுகர் அடித்து துவைத்துள்ளார்.போலீஸ் அதிகாரி, எஸ்.எஸ்.மாண்ட், லூதியானாவில் உள்ள ஓட்டலுக்கு, மனைவி மற்றும் உறவினர்களுடன் சாப்பிடச் சென்றார். அந்த ஓட்டலின் உரிமையாளர், அகாலி தளம் இளைஞர் பிரிவின் முக்கிய பிரமுகரான, மணிந்தர் பால் சிங்.மணிந்தர் நடத்தி வரும் ஓட்டலுக்கு, நேற்று முன்தினம் சாப்பிடச் சென்ற, ஐ.ஜி., குடும்பத்தினருக்கும், ஓட்டல் பணியாளர்களுக்கும் தகராறு ஏற்பட்டுள்ளது. இதில், ஐ.ஜி., குடும்பத்தினரை, மணிந்தர் சிங் மற்றும் ஓட்டல் பணியாளர்கள் தாக்கியுள்ளனர்.அவர்களை தடுக்க முயன்ற ஐ.ஜி., மாண்ட்டையும், அந்த கும்பல் தாக்கியுள்ளது. கால் முறிந்து கீழே விழுந்து கிடந்த ஐ.ஜி.,யிடம் இருந்த துப்பாக்கியையும், அந்த கும்பல் பறித்துள்ளது.ஐ.ஜி., மாண்ட் கொடுத்த புகாரை அடுத்து, கட்சி பிரமுகர் மணிந்தர் சிங் மீது, வழக்கு பதிவு செய்யப்பட்டுள்ளது. அவர், கட்சியிலிருந்து, "சஸ்பெண்ட்' செய்யப்பட்டு, சில மாதங்கள் ஆவதாக, கட்சி வட்டாரங்கள் தெரிவித்தன.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
27-டிச-201207:11:38 IST Report Abuse
Guru அடபாவிங்களா போலீசுக்கே இந்த நிலை என்றால் அதுவும் IG ... என்கெளன்டர்ல போட்டு தள்ளவேண்டியதுதான...
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை