Tsunami anniversary day at nagapattinam | "சுனாமி' ஏற்படுத்திய சோகத்திற்கு நாகையில் உருக்கமான அஞ்சலி| Dinamalar

பொது செய்தி

தமிழ்நாடு

"சுனாமி' ஏற்படுத்திய சோகத்திற்கு நாகையில் உருக்கமான அஞ்சலி

Added : டிச 26, 2012
Advertisement
 
 
Advertisement
 
 
 
Advertisement
"சுனாமி' ஏற்படுத்திய சோகத்திற்கு நாகையில் உருக்கமான அஞ்சலி

நாகப்பட்டினம்: "சுனாமி'யின் கோரத்தாண்டவத்தில், 6,065 பேரை பறிகொடுத்த நாகை மாவட் டத்தில், நேற்று, எட்டாவது ஆண்டு நினைவு தின நிகழ்ச்சிகள் நடந்தன. கடந்த 2004ல், வங்கக் கடலோரத்தில் கோரத்தாண்டவம் ஆடிய சுனாமியில், தமிழகத்தில் இறந்த, 8,018 பேரில், அதிகமாக, 6,065 பேரை பறிகொடுத்த நாகை மாவட்டத்தில், நேற்று, எட்டாம் ஆண்டு, நினைவு நாள் நிகழ்ச்சி நடந்தது. நாகை அக்கரைப்பேட்டையில், 455 பேர் ஒரே இடத்தில் அடக்கம் செய்த இடத்தில் கட்டப்பட்ட தியான மண்டபத்தை, கலெக்டர் முனுசாமி திறந்து வைத்து, அஞ்சலி செலுத்தினார்.
நம்பியார் நகர் மீனவ கிராம மக்கள், 750 பேர் மவுன ஊர்வலமாக சென்று, கடற்கரையில், கண்ணீர் அஞ்சலி செலுத்தினர்.
வேளாங்கண்ணியில் பாதிரியார் ஆரோக்கியதாஸ் மற்றும் மக்கள், மவுன ஊர்வலமாக கைகளில் மெழுகுவர்த்தி ஏந்தி, அஞ்சலி செலுத்தினர். நாகை மாவட்ட கடலோர கிராமங்களான, கோடியக்கரையில் இருந்து, கொடியம்பாளையம் வரை, கனத்த இதயத்தோடு, விழிகளில் கண்ணீருடன் மீன் பிடிக்க செல்லாமல், ஆறாத வடுக்களுடன் மீனவர்கள் அஞ்சலி செலுத்தினர். காரைக்கால் மாவட்டத்தில் சுனாமி ஆழிப் பேரலையால், 473 பேர் பலியாயினர். அவர்கள் நினைவாக, கடற்கரையோரம் அரசு சார்பில் சுனாமி நினைவிடம் அமைக்கப்பட்டுள்ளது. நேற்று, மீன்வளத்துறை சார்பில் அஞ்சலி செலுத்தும் நிகழ்ச்சி அங்கு நடந்தது.

காரைக்காலில் பலியான, 473 பேர், பட்டினச்சேரி மற்றும் பூவம் நண்டலாறு கரையோரமாக ஒரே இடத்தில், அப்போது புதைக்கப்பட்டனர். அந்த இடத்தில் உறவினர்கள் நினைவிடம் எழுப்பியுள்ளனர்.
நினைவு நாளையொட்டி பூக்களால் அலங்கரித்து, இறந்தவர்களுக்கு பிடித்தமான உணவு, பழங்கள், இனிப்புகள் மற்றும் மதுபானங்களை வைத்து அஞ்சலி செலுத்தினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை