cong silent on delhi police issue | டில்லி கமிஷனர் விவகாரம் ; நழுவுகிறது காங்., | Dinamalar

டில்லி கமிஷனர் விவகாரம் ; நழுவுகிறது காங்.,

Added : டிச 26, 2012
Advertisement
 
 
Advertisement
 
 
 
Advertisement
 டில்லி கமிஷனர் விவகாரம் ; நழுவுகிறது காங்.,

புதுடில்லி: டில்லி போலீஸ் கமிஷனரை நீக்குவது குறித்த விவகாரத்தில், காங்கிரஸ், நழுவலாக பதில் அளித்துள்ளது.காங்., செய்தி தொடர்பாளர், ரேணுகா சவுத்ரி கூறியதாவது:"டில்லி மாணவி கற்பழிப்பு சம்பவம் மற்றும் அதைத் தொடர்ந்து நடந்த போராட்டங்களை தடுக்க தவறியதற்காக, டில்லி போலீஸ் கமிஷனர், நீரஜ் குமாரை, பதவி நீக்கம் செய்ய வேண்டும்' என, ஒரு தரப்பினர் கூறுகின்றனர்.டில்லி முதல்வர் ஷீலா தீட்ஷித்தும், அவரது மகனும், காங்கிரஸ் எம்.பி.,யுமான, சந்தீப் தீட்ஷித்தும், இதுகுறித்து கூறியது தொடர்பாக, கேள்வி கேட்கப்படுகிறது. இந்த விவகாரத்தை பொறுத்தவரை, காங்கிரஸ் வேறு; டில்லி முதல்வர் பதவி என்பது வேறு.இந்த விஷயத்தில், காங்கிரஸ் இன்னும் முடிவு எடுக்கவில்லை. இதுகுறித்து விசாரணை நடத்தப்பட்டு வருகிறது. அதற்காக காத்திருக்கிறோம். விசாரணை முடிந்தபின், ஏதாவது ஒரு முடிவு எடுக்கப்படும். ஒரு விஷயம், பரபரப்பாக நடக்கும்போது, அதில் தொடர்புள்ளதாக கூறி, ஒருவரை பதவி நீக்கம் செய்வதால், எந்த தீர்வும் ஏற்படாது என்பது, என் கருத்து.இவ்வாறு, ரேணுகா சவுத்ரி கூறினார்.கமிஷனர் கடிதம்இதற்கிடையே, பாதிக்கப்பட்ட மாணவியிடம், மாஜிஸ்திரேட், வாக்குமூலம் பெற்றபோது, போலீஸ் உயரதிகாரிகள், அதில் குறுக்கிட்டதாக வெளியான தகவலை, டில்லி போலீஸ் கமிஷனர், நீரஜ் குமார் மறுத்துள்ளார். இது தொடர்பாக, மத்திய உள்துறை அமைச்சகத்துக்கு, விளக்கமாக கடிதம் எழுதியுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை