Dengue kills 3 in madurai | தொடர்கிறது "டெங்கு': மதுரையில் மூவர் பலி| Dinamalar

சம்பவம் செய்தி

தமிழ்நாடு

தொடர்கிறது "டெங்கு': மதுரையில் மூவர் பலி

Added : டிச 26, 2012 | கருத்துகள் (1)
Advertisement
 
 
Advertisement
 
 
 
Advertisement

மதுரை: மதுரையில் "டெங்கு' காய்ச்சலுக்கு, அரசு மருத்துவமனையில் மூவர் பலியாகினர். மதுரை செல்லூர் செல்வம் மகள் ராஜாத்தி, 32. பாலமேடு மாரியம்மாள் கோயில் சுரேஷ் மகன் மோகன், 3. மேலூர் அண்ணாகாலனி ஜோசப் மகன் டேவிட்ராஜ், 11. மூவரும் அரசு மருத்துவமனையில் "டெங்கு' அறிகுறிகளுடன் அனுமதிக்கப்பட்டனர். நேற்று சிகிச்சை பலனின்றி மூவரும் இறந்தனர். மதுரை பழங்காநத்தம் நடராஜன் மகள் ஸ்வாதிகா 13, பேரையூர், சந்தையர் பாண்டியராஜ் மகள் மணிமேகலை, 13, இருவரும் நேற்று முன்தினம் "டெங்கு' காய்ச்சலுக்கு இறந்தனர். மீண்டும் "டெங்கு' இறப்புகள் தொடர்வது மக்களை அச்சத்தில் ஆழ்த்தியுள்ளது. இதுவரை "டெங்கு' காய்ச்சலுக்கு அரசு மருத்துவமனையில் 48 பேர் இறந்தனர். அதில் மதுரையைச் சேர்ந்தவர்கள் 27 பேர். மூளைக்காய்ச்சலுக்கு 9 பேர் பலியாகினர். தற்போது ஏழு பேர் "டெங்கு' சிகிச்சையும், 30 பேர் அரசு கூறும் மர்மக்காய்ச்சலுக்கும் சிகிச்சை பெற்று வருகின்றனர். இறந்தவர்கள் "டெங்கு' பாசிட்டிவ் இருந்தாலும், வைரஸ் காய்ச்சல் என்றே குறிப்பிடுகின்றனர். என்ன காரணம்: "டெங்கு' அறிகுறிகள் இருப்பது தெரியாமல், டாக்டரிடம் செல்லாமல், தாங்களாக மருந்துகளை நோயாளிகள் உட்கொள்கின்றனர். தாமதமான வருகையே, உயிரிழப்புக்கு காரணம். கலெக்டர் அன்சுல் மிஸ்ரா உத்தரவின் பேரில், "மக்கள் தாங்களாக காய்ச்சலுக்கு மாத்திரை எடுக்கக்கூடாது. மருந்து கடைகளிலும் விற்கக்கூடாது', என்ற அறிவிப்பு, மருந்துக்கடைகளின் முன் வைக்கப்பட்டுள்ளது. பெற்றோர், பிள்ளைகளுக்கு
காய்ச்சல் அறிகுறி தென்பட்டால் உடனடியாக மருத்துவனைக்கு அழைத்து செல்ல வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Guru - Batam,இந்தோனேசியா
27-டிச-201207:22:55 IST Report Abuse
Guru தினம் தினம் இப்படி மக்கள் உயிர் யிழந்துகொண்டு.., நேற்று 2 பேர் இன்று 3 பேர் ... சுகாதாரதுறையும் மருத்துவதுறையும் என்ன செய்துகொண்டு இருக்கிறார்கள்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை